مشاكل مبنى التحضيري@_@

[صياد النسور]

المشاركة الأصلية كتبت بواسطة قائد بلا جنود شوفو مشكله الشباب اللي يداومون من مبنى31 إلى مبنى 91 وفي غضون 10 دقائق بس ولو حصل وأخذ المدرس خمس دقائق زيادة لن يصلوا إلى المبنى إلا بعد 10 دقائق من وقت المحاضره فيصبح الطالب عرضة لأنه يكون غائب عن المحاضره

والله انك صادق
جرب خذلك دراجة
بس المشكلة كيف نجيبها ما تجي بالسيارة

[مشمرة كمي وخادمة امي]

يؤيؤيؤ لوو كتبنا مشاكل التحضيري والمبااني وربي يشكي الحال

1-اول شي معمل الحاسب الي يقوولوا انوا معمل تصدقووا ناخد حاسب في

معمل كيميااااااااااااااااااااااء وناس تجلس على االارض وناس على الطااولات <يعني هرجة طوويله

2- تحول الفرع لمرمى نفاياااااااات يعني مبنى المعامل كلووو قررررف وكراتين دام المبنى مووجاهز

ليش يفتحووه..

3-امممممممممم ماكوو شي هو اكيد فيه بس من القهر ما افتكر

شي يمكن اهجد وافتكر<هع

على العممووم يسلموو على الطرح عن جد ممووووضووع
جبتوو على الجرح ..

[M!sS-Na3aOmaH]

المشاركة الأصلية كتبت بواسطة د. أسامة بالنسبــة للكلاسات ممتــازة ، و فيها عيب واحد ، السبــوورة وسخـة و معدومــة ، و يا ليت يغطوا كل حقات التحكم بالتكييف ببلاستيكة ، صح بعضها مغطــاه و بعضها لا ، لإن للأسـف فيه [ مراهقيـن ] يعدلوا في التكييف و صعب في نص الكلاس و الدكتــور يشرح تقوم ترجـعه لحالته الطبيعية ، و بالنسبــة للكافتريا الخدمة فيها سيئة جداً ، و الأكـل أبو كلب و لا طلبت بيتزا ما فيه إلا 3 ملم جبنة و الباقي كله عجينه ، و الموية طعمها مو حلو اللي بالكافتريا [ نوعية رديئة ] ، بس صراحـة المبااني ضخمة و ممتــاز مكانها جداً ، و بالنسبة للموااااقف آآآآآآآآآآآآآآآهـ بس آآآآهـ ، لو عندك محاضرة تبــدأ الساعة 9 ، إنســى تلاقي لك موقف .

احنا الحمدلله احلى شي عندنا في الجامعه الكفتيريا البيتزا حقتنا حلوه >>>
اما التكييف حسبي الله ونعم الوكيل من كل قلبييييييييييييييي
وربي بعض المحاضرات او الاصح 3ارباع المحاضرات ما افهم منها شي بالرغم اني احاول اركز بس ما اقدر لانو المكاان جداااااااااااااااااااااااا باااااااااااااااااااااااااااااارد
والمشكله هذا مو كلامي لوحدي كان كلاس الانقلش الي درست في الترم الاول عذاب تدخل وتتجمد وانت عايش
حسبي الله فيهم

[دافئ الإحساس]

شباب كلوا الكلام اللي قولتوا صحيح وانا معاكم يه

لكن حبيت اقول اش مشاكلي مع المباني انا كمان:

1- زي ما قولتوا المواقف.

2- هادي المشكلة تتعلق بيا انا اوكي

انو على حكاية الباصات الله يحرقها يارب

انا اقعد اكثر من ساعه على الشمس.>اتمنا توصل لاسامه باشا

3- الحمامات اللي زي وجه المسؤول عنها.

4- صابون الحمامات انا اشوف لو انو يكون مافي صابون يكون احسن لانو الصابون اللي موجود دا مو صابون دا قلة حيا
صراحه >صابون من رغوة ولمن ادهن بيه يدي ما كأني بأسوي شئ.

5- التكييييييييييف الله لا يبارك فيهم والله اني بأنسلق جوا

المحاضرة >اليوم طلعت نص استوى وبكرة الله اعلم

6- عدم اعطاء الطالب فرصة لتنقله من قاعه لقاعه

التوضيح: انو دحين عندي محاضرة في مبنى كلية الحاسبات

ومافي عندي الا 10 دقايق عشان اوصل لمبنى 41

واوصل طبعا متأخرا يجي يقولي البريطاني انت متأخر

اقولوا في كنت طبعا يروح يكتبلي يا late او absent

7- لازم يفتحوا كافتيريا تانية في مبنى 31

كرحمة ورأفة بالطلاب >انا عارف (احسلي اني اسرري)

او انهم يحطوا آلة للمشروبات الباردة والساخنة في مبنى

31.

8- يحذفوا بالطيب الساعه الاضافية لانها رافعه ضغطي>>اناعارف اني طلعت من الموضوع بس مقهوووور

........


بالتوفيق للجميع

[M!sS-Na3aOmaH]

معليش ايش الساعه الاضافيه هذي ما اعرفها

[د/ روميو]

صادق دافئ الاحساس (:

الباصات مشكلة وربي مو حاله ...

بس انا من يوم شفت السعوديين يسوقون باصات وانا غاسل يدي منهم ..

[دافئ الإحساس]

المشاركة الأصلية كتبت بواسطة د/ روميو صادق دافئ الاحساس (: الباصات مشكلة وربي مو حاله ... بس انا من يوم شفت السعوديين يسوقون باصات وانا غاسل يدي منهم ..

مو سعودين حبيبي

هم هنود

الله يشيلهم من البلد

[دافئ الإحساس]

المشاركة الأصلية كتبت بواسطة m!ss-na3aomah معليش ايش الساعه الاضافيه هذي ما اعرفها

الساعه الاضافية اللي هييا

جائزة وهدية من فضيلتنا الشيخة

جامعه الملك عبدالعزيز
أطال الله في عمرها
...........

شوفي هادي ساعه عشان عيون الطلاب

اعطونا هييا زيادة على اللي عندنا

يعني

اول كانت الانجليزي تلاتة ساعات

ودحين4 ساعات >في عين العدو

إن شاء الله فهمتي علي

ودمتم

[صياد النسور]

المشاركة الأصلية كتبت بواسطة مشمرة كمي وخادمة امي على العممووم يسلموو على الطرح عن جد ممووووضووع جبتوو على الجرح ..

بالنسبة لطرح الموضوع فأنا كنت أظن انه ما بنستفيد شيئ!
لكن أستاذ الفيزياء سعيد الأمير قالنا " ليش ما تشتكوا وتوصلوا صوتكم , أكتبوا بالمنتدى حق الجامعة لأن الشيء هذا ما ينسكت عليه"
وانا نزلته وأتمنى أنه ينظر فيه بعين الاعتبار

والكل مشكور على تفاعله مع الموضوع لما فيه من مصلحة الجميع

[..مستجد..]

ارد مرة تانيه واقول
حسبي الله ونعم الوكيل
يبغالي اخد لي
دراجه
هدا شي ضروري من جد
ادا شفتو واحد ماشي بالدراجه يبن المباني هداك هوا.":/.,،:ـ/‘؛< انا