لكل طلاب وطالبات السنة التحضيرية

[Lujain :)]

-


اممم غلطتي الترم الأول الدوري الأول ..
ماكنت منظمة ! حقيقي لو تسألو مين أكثر شخص اتصفح مواضيع السنوات اللي فاتت
فحتكون أنا صممميتها صم حفظت تجاربهم عن ظهر قلب : )

بس للأسف محد اتكلم عن التنظيم ! مو تنظيم الوقت لا !
تنظيم الكتب ودفاتر المحاضرات و و و و .. كنت أكتب بأي مكان فلما اجي بذاكر اتشتت : )
لآزم تكونو منظمين عشان يسهل المنهج عليكم ..

بالتوفيق :*

[abood1995]

المشاركة الأصلية كتبت بواسطة rere.h عبود اذا خايف الموضوع ينزل تحت ولا يشوفونه الدفعة الجاية انا بنفسي اتكفل انه لو جات السنة الجاية ارفع الموضوع من تحت الأنقاض او نقول للإدارة تثبته .. استمروووا وبالتوفيق للجميع .

هههههههههه اوك مادام انك تكفلتي بأخراجه على اني متأكد زي ماني شايفك رااح هم بنفسهم يكتبون موااضيع ماراح تكفيهم مواضيعناا !!


انااا الحمد لله سألت ولد عمتي الحين تخصص كيمياء و قالي افتك من الانجلش ترتااح و رحت اختبار المستوى على اني كنت منتاز بس حطوني لفل 2 و الحمد لله انهم حطوني فيه لان كل اصحابي الحين من هاللفل و كان يدرسني افضل دكتور قابلته بحياتي اسمه انس شعبان وربي حرريقه بالشرح على انه ماعمره غااب ماشاء الله عليه بس هو سبب نقلتي المصيرية بعد الله بالانجلش انصحكم تاخذون عنده ودرست نصف لفل 3 بس لفل3 كانوو باردين ما احد يتكلم المهم انااا مليت في لفل 3 رحت سجلت بالايلتس و الحمد لله اختبرت و حصلت النتيجة الي هم يبغوها علشان يشوتون لك ام الانجلش
لان الدوري الاول قبل الحج وربي كررررفت كررف الله لا يوريكم بعدين طلعت النتيجة بشهر 1 حقت الايلتس واخذهااا من القنصلية البريطانية و على طوول على معهد اللغة يشيلون الانجلش المهم و ركزت على باقي الموااد و الحمد لله جبت درجاات مره حلوة الترم الاول و الحين دواام بس يومين احد و ثلاثاء و انصحكم الاجتهاد اول بأول مو يوم بيومه ولكن كل ويكند راجع الي اخذته راح يكون ذو فائدة عظيمة لك خاصة خطة ب لان خطة أ افهم و خلاص حفظ جداا بسيط و الله يوفقكم حبايبي دفعة 14 و اهم شيء كدت انسى ترى دكاترة الجامعة ماعندهم سالفة اشتري مذكراات للفيزياء اما بركات او العربي و الكيمياء للسيد و الرياضيات فيه وورك شوب البروفيسور ابو جبل بس يقولون ينقصه بعض الاشياء يمكن تاخذ مذكرة بركاات او السعدي و الاحصاء تافهه اصلا و الاحياء السلايدات و ال30 سؤال و الحاسب لازم تذاكره كله حتى الجداول و مهارات الاتصال يالبيه اصلا ذوو الخبرة بالحيااة مايحتاج يذاكرها <ارحمناا عمرك 90 .. .. على اني متأكد انوو راح يكوون هناااك موااضيع غير هالموضوع راح تجي بس ريماا سووته لازم نشارك فيه

[abood1995]

^ و السيد حق الكيمياء ترى ينقص بعض الاشياء ما يكتبهاا يخليهاا لان يبغالها شرح كتابة كثير فما يكتبه لازم تسجل عنده بس احسن طريقة للي مايبي يدفع تشوفون واحد كان عنده شوفو الي كتبه معااه وشكراا و كذلك قروب النجوم على قولتهم ينقصون بعض الاشياء الي للشهادة يكتب كل شيء بركاات و انتم قارنو و حتشوفو ..

[skydiver]

النسبة للترم الاول حتى انا كان عندي تسويف في المذاكرة غير طبيعي ع بالي زي ايام الثانوي الجميلة اذكر رحت اختبار الفيزياء الفاينل و باقي كل شيء ملخبط في راسي لأني دوبني خلصت المذاكرة الاساسية

وما زال التسويف الى الان فيني ما نتعلم ياخي

وهذا الترم كمان خلصت مذاكرة الدوري الاول حق الاحياء صبحية الاختبار بس حمد لله حليت

*نصيحة : أهم شيء تتعلم من أغلاطك مو بس تكتبها > النصيحة لي قبلكم
ولا تنسوا تتوكلوا ع ربنا قبل كل شيء

بالتوفيييق و شكرا ريما ع الموضووع

[اتحادي منتظم]

المشاركة الأصلية كتبت بواسطة marwan alharbi درجآتي بدون الانجلش اعلى من درجآتي بوجود الانجلش *تعديل

اخر كلآم!

[Anas94]

واحدة من الاغلاط اللي ارتكبتها الترم الاول و اتعلمت منها الحمدلله اللي هيا:
المذاكرة من اكثر من مصدر ! لانه هذا من اكبر اسباب تشتت الطالب خصوصا لو كان فيه اختلاف في طريقة شرح المعلومة من مدرس لآخر،
فالافضل انه من البداية تشوف المصدر الانسب لك و استمر عليه لين تنتهي من المادة ! << وجهة نظر


الموضوع يستحق التثبيت للعلم و الفائدة

[Anas94]

المشاركة الأصلية كتبت بواسطة rere.h * لمن تذاكروا او تكتسبوا علم معين مهما كان بسيط او كثير لا تندمي عليه , ممكن تحتاجيه ولو بعد وقت , كثير استغرب من البنات اللي يقولوا ذاكرنا الشي الفلاني عالفاضي او اللي تقلك مثلا تعب الثانوي عالفاضي راح او القدرات او او ... ليه مو مدام العلم ذا دخل راصنا ليه نندم عليه ؟ مدام الشي دخل راصك حتستفيدي منه اليوم او بكرا او بعد سنين او لما تصيري معلمة وعندك طلاب يحتاجوا هذا العلم او لما تذاكري لعيالك او او ماندري وين تودينا الحياة !! والأهم من كذا الاجر اذا كنا محتسبين الاجر وناويين طلب العلم عمرك مارح تندم عليه . ^ اسمحولي هذا الكلام كان نصيحة تذكرتها من الردود , غلط ما فبالي الحين شي راجعة ان شاء الله للموضوع الجميل ويعطيكِ العافية ريما

كلام جميل جداً و اتمنى من الجميع الاستفاده منه ، ونقطة اخرى انه هذا العلم احنا مسؤولين عنه يوم القيامة،
قال صلى الله عليه وسلم "لا تزولُ قَدَمَا عبدٍ يومَ القيامةِ حتَّى يُسألَ عن أربعٍ: ومنها....عن عِلمِهِ ماذا عَمِلَ فيهِ "
(( اللهم اكتب لنا علماً نافعاً، ننفع به امتنا و نرتقي بها الى اعلى القمم ))

[ReRe.H]

رفع للموضوع كما وعدت احدهم

اذا كنت او كنتي طالبة من دفعة 14 ولسه دوبكم تسجلوا في الجامعة
اقرأوا الموضوع من البداية وان شاء الله تتعلموا من أخطاءنا ..
^سلكولي الأخطاء الاملائية
بالتوفيق للجميع

[3zzouzz]

آكبر غلط في حيآتي , مو هذه السنة بس :
اني ما جبت شهادة توفل ، وبدأت كورس الانجليزي من لفل 2
( طبعا رحت اختبار تحديد المستوى مواصل وقعدت اطقطق ونمت على الكيبورد ) :(
لذلك :
يا عزيزي طالب دفعة 14 : بأي طريقة كانت ، حاول انك ما تدرس انجليزي في الجامعة
جيب توفل ، جيب توفل ، جييب توووفل ... لو تزوره تزوير , جيب توفل !!
لو تشتريه بفلوس من امازون ، اي شيء !!
نصيحتي لا تاخذ كورسات الانجليزي في الجامعة ، ركز على موادك بدل تضييع وقتك في اتفه كورس
اخذته في الحياة ( مو تافه يعني سهل ، يعني ماله اي داعي ) ...
درجة وحدة بسس فصلت بيني وبين معدل ( 5 من 5 ) ... بسبب انجليزي لفل 4
وبصراحة انا تهاونت في المادة لأني كرهتها وطفشت من الدوام الطويل ، ولما وصلت لفل 4
صرت اسحب كثير ، في النهاية جبت 94 في المادة ( واحس انهم ظلموني في اختبار الكتابة )
وما قدرت اجيب الـ 5 ، لكن الحمد لله على كل حال والخيرة فيما اختاره الله
اتمنى اللي يقرأ هذا الرد ما يكرر خطئي :)

[M!ss.R!ma]

المشاركة الأصلية كتبت بواسطة rere.h رفع للموضوع كما وعدت احدهم اذا كنت او كنتي طالبة من دفعة 14 ولسه دوبكم تسجلوا في الجامعة اقرأوا الموضوع من البداية وان شاء الله تتعلموا من أخطاءنا .. ^سلكولي الأخطاء الاملائية بالتوفيق للجميع

ههههههههههااااااااي كفكـ يالنشمية ..
أرفع القبعة إحتراماً لذاكرتكـ ياشيخة , الللهـ لا يضركـ