معضلتي مع البنات و الدراسة..

[دافئ الإحساس]

المشاركة الأصلية كتبت بواسطة بيو كيميائية ^_^ مثل أسئلة الإختبارات السابقة طول الترمـ أسأل وكلهم ماعندهمـ سبحان الله قبل ماأدخل الإختبار أشوف عندهمـ الأوراق ويذاكرون والقهر تجي نفسها :@ فأنا مرة تغيرت وصرت ماأعطي أحد وتعبي أخليه لي ماحد يستاهل

ع سيرة الاختبارات السابقة ترا حتى عندنا قسم الاولاد

نفس الاسئلة اللي كانت زمان بتجي دحين مدري احس الدكاتره مافيهم حيل يغيروها

او مدري ليش

المهم

لمن نطلبها من دفعة 09 او 08 الحمدلله ما يقصرو

ونحنا نفسنا دفعة 10 ما نقصر لمن احد يطلبنا شي

صحيح اني رديت عن نفسي كم واحد لني لا اعرفهم ولا اي شي وطول

السمستر في وجه بعض ولا عمرهم سلمو او حتى قالو سلام عليكم من بعيد

فدولا الناس ما اعبرهم

مثال

كان عندنا واجب (نظام غذائي) في النظري لمادة اتغذية طبعا حست فيلو لمده شهر

وانا الوحيد الحمدلله في القاعه اللي اخدت فيلو 10 من 10

الحسودية طبعا كتيرين لكن ما اسيبهم الا لمن يصلو ع النبي

وفي اخر السمستر جا نفس الواجب في العملي فواحد لا اعرفو ولا يعرفني

طلب مني الواجب القديم فقلتلو لي ؟

قالي بس اباه

>>طبعا من دون اي اسلوب في الطلب وطبعا لا اعرفو ولا يعرفني

ففهمت انو يبا يسويي نفسوو فيضطر طبعا يشيل او يضيف بعض الاكلات

العملية سهله جدا عالاقل احسن من انو ما ياسس النظام الغذائي من البداية !!

فردي لو انو مو عندي ومسحتو من اللاب

وطبعا هوا عندي اصلن

فقلت خليه يتعلم يسويه بنفسو وما يعتمد ع غيرو

وما يحل الواجب ع مجهود او تعب غيرو تعب فييه شهر كامل


..........

هادا ردي لكي كمان يا ليلو بالمثال دا ^_^

وسوري لو طولت عليكم

[حلاها زايد]

سلحي نفسك ماتشوفيها ولا تسمعيها وجوالك حوليه او حطيه سايلنت خليها تتصل لما تصدع
لكن شوفي انا بالنسبه ليه اذا البنت محتاجة او مسكينة ماتعرف شي اساعدها اشرحلها واحتسب الاجر لكن لو العكس ولعابة اسوي زي ماقلتلك

[برآءة حروف]

والله وطلعت على نياتي

خخخخخخخخ

اساعد الكل ،، بس الاشياء اللي مااعرفها مرررة ،، اعتذر
والا اللي اعرفو ، واللي مو متأكدة منو كمان ، اقولو على طول وكل المعلومات اللي عندي هع

ربنا يعين ويدينا على قد نياتنا

موفقييين
تحيتي

^^

[Rose7]

شافووكي طيبة وتعطيهم وجه

المفرووض بالأساس هالآشكال تطنشيها واعطيها على رآآسها من الكلام اللي يخليها تستحي على وجهها اذا شفتي الوضع زآآد عن حــده


الله يعيينك آكيييد راح تعااني كتيير من النفسيات

::

[روووني]

الله يعيننا بس ع دي الاشكال بس والله انتي اهون مني
احكيك ع موقفي مع صاحباتي استازتنا في الدوري الاول جابتلنا اسئله صعبه مرره ونقصنا مرره كتير قامت بعد الدوري بكم اسبوع عملتلنا اختبار بونس من 3 درجات وانا اصلا الدوري الاول كنت ناقصه 4 درجات ونص قلت فرصه يا بنت المهم انها عملت الاختبار فجأه بدون ماتقولنا قبلها وجابت قضيه طويله نحلها في 5 دقايق طيب والقضيه ماهي صعبه بس طويله وفيها 3 اجزاء نحلها يعني الا مايطلع عندك شي صح والاستازه اصلا تاخد بالفهم
المهم وقت الاختبار تلاقيني اقرأ القضيه بسررعه واحاول احلها تجي صاحبتي اللي ورايا روني روني روني بسرعه نقليني الاجابه روني روني روني وطول الوقت وهيا تناديني وانا ااشرلها استني شويه خليني احل وبعدين انقلك مرره مو راضيه وااشرلها خليني اكمل وهيا ولاهمها فيني المهم هيا تحل مو انا وصاحبتي اللي جنبي كمان طفشتها وتنادي اسامينا ونأشرلها استني ولا همها والمشكله انو من يوم مابدينا نحل وهيا تنادينا حتى ماشكلها قريت السؤال وحاولت تحلو وطبعا سرت احل بسرعه عشان الوقت وعشان انقلها وتسكت وكلو خايفه من الاستازه لاتنتبه لنا وتسحب الورقه مننا المهم اني حليت اي كلام وكم مرره اغير الاجابه واختكم في الله مازالت تنادي اسمي وخلص الوقت وسلمت الورقه وانا ماني مقتنعه بالاجابه وروحت لصاحبتي انقلها بسرعه رغم انو غش بس قلت خلاص اساعدها حرام نقصت في الاختبار الاول كتير وبعد ماسلمت ورقتها وخرجنا تخيلي ايش تقولي ؟!تقولي ايوا ماتغشيشينا ماهمك الا نفسك وبس وبصراخ كمان وبأسلوب اقل مايقال قليل ادب قمت قلتلها انا اشرتلك انك تستني لحد ما اخلص تقولي لا ما أشرتي!!!اولا انا مو ملزمه لا اغششها ولا حتى ااشرلها بس ماقلتلها دا الكلام قلت معليش يابنت صاحبتك اتحمليها هيا زعلانه لانو درجاتها طايحه في الماده وكدا بس بعدين اكتشفت انو الانسانه المتواكله لازم تديها ع راسها مو تسكتيلها وطبعا البونس جبت فيه درجه مخزيه يمكن 1 او 1.5 من 3 بسببها بس خلاص الواحد ايش يقول غير الحمدالله


وكمان التكاليف الجماعيه مرره ما احوبها لانو يسر فيها تواكل واعتماد على الغير غير طبيعي

[LeLou]

المشاركة الأصلية كتبت بواسطة نسيم الوجود أهلاآ يَ جآرتي بالعلومـ ^^ :: نصيحه لوجه الله الفئه ذي أديهمـ على وجههمـ لانهمـ مع الوقت رح يتمردوآ عليك أكثر وأكثر واذا عندك إيميلاتهم أرسليلهم الموضوع ذآ عشآن يشوفو قد آيش انهمـ مصآيب نسيمــ

هلا بجارتي نورتِ..
//

بصراحة اقتراحك فتاك ..

الله يعينني عليهم،، حتى أنا فكرت أني أعتذر لي سيميستر عشان أخلص منهم..
أو آخذ السيميستر الجاي مواد عامة و حرة بس..

لكني برضو قلت ارضى بقردك لا يجيك إللي أقرد منه..

موفقة يا عسل،، و شكرًا على مرورك||~

[LeLou]

المشاركة الأصلية كتبت بواسطة rhf هاااي ، هاو ار يووو لولو :$ اشتقنالك ،، //

الحمد لله إنتي كيفك يا عسل؟!
تشتاقلك العافية ..

نيجي للموضوع ,, مممممممم شوفي ازا وحدة ما تعرفني ولا اعرفها و جات قالت لي كدا اعطيها ف الوجه

أممم هذي معاكي حق فيها..

بس عارفة انا في بنات معايا ، اللي اعرفهم ف المحاضرات والبي بي ، دايمن اسألهم << بس اسئلة مو انو يشرحولي بس خوفتيني دحين يكونو قاعدين يقولو رهف النشبة ما تحضر وتيجي تسألنا بس الحق ينقال لو جا احد سألني اجاوبهم و افهمهم و اقولهم ، بالزات لو اني اعرفهم بي بي وماسنجر و جوال و كدا ، احسس خلاص من حقي اسألهم لانو احنا زميلات ف الدراسة اما لو هم ما سألوني عاد براحتهم ، لاكن لو سألوني محا اقصر,,

لا إن شاء الله إذا التعاون متبادل هذا شي كويس..
أنا المشكلة عندي مو أنهم يغيبوا و يسالوا،، أنهم صاروا اتكاليين و يجوني من غير ما يحاولوا..
يعني واحدة كل شي تبغاني أذاكره معاها كأنها في الإبتدائي تبغى أحد يذاكر لها..
هذي الأشياء المستفزة..

بالعكس في بنات يسألوا لو أنهم من جد يبغوا مساعدة و لو سألتيهم ما يقصروا،، لكن مو هذول إللي أتكلم عنهم..

في فرق بين السؤال و الاستغلال و يا ريت استغلال إلا اتكال..
زي ما قلت من غير ما يحاولوا اشرحي لنا و فهمينا..
لدرجة يسألوني هذا حيجي و لا ما يجي،، أنا ولعت قلت لهم شايفين أنه أنا الدكتورة ..
و طبعًا أقري القصص إللي سردتها في الردود إللي فوق خلاص أنا بيني و بينك تعبت خلاص..

اما الشلة ،، برضو اطفشششششششهم اخليهم يشرحولي حرف حرف في الاحصاء مسلن وفي الاقتصاد انا اقعد افهمهمممممممم ,, يعني مممممم هم يحضرو مادة ، وانا احضر مادة ، ونقعد نفهم بعض

يب،، زي ما قلت التعاون أنا ما أعترض عليه لكن الاتكال و كأنك المدرسة الخصوصية حقتهم و لا كأنك ملزمة بيهم و لا كأنك إنتي ماخذة المادة و فاهمة كل شي
مو كانك طالبة زيك زيهم بتدرسي في نفس الكلاس و بتختبري في نفس اليوم..

<< تحب تحكي عن نفسها المهم انو لو وحدة تسسسسسسسسسحب عليا طول الوقت حتا ما تقولي كيف حالك ، وتجيني تكلمني حطنشها والصراحة ما قد سارت معايا بس انتي قوي قلبك واعطي في الوجه ، // راهاف

عادي حتى أنا كمان ..

أصلا أنا خلاص من جد بديت أغير أسلوبي معاهم..

تسلمي لي يا عسل و ربنا يوفقك||~

[LeLou]

المشاركة الأصلية كتبت بواسطة بيو كيميائية ^_^ أنا دومـ يجون لي حق شرح أو ملزمة أو دفتر أو أي شيء وأعطي وأساعد بس صار لي فترة بسيطة قررت ماأساعد إلا اللي يستحق بس وجوالي ينحرق من الإتصالات وماأرد ولا أجيب أخبر وإذا حد قال لي عندك كذا أقول لا لأن الناس ماتستاهل طول الوقت ماتسأل عنك وإذا بغت شيء لصقت وجات تسأل وغير كذا سخيفين لما أجي أسأل أو أبي حاجة ماحد يعطيني مثل أسئلة الإختبارات السابقة طول الترمـ أسأل وكلهم ماعندهمـ سبحان الله قبل ماأدخل الإختبار أشوف عندهمـ الأوراق ويذاكرون والقهر تجي نفسها :@ فأنا مرة تغيرت وصرت ماأعطي أحد وتعبي أخليه لي ماحد يستاهل

من جد في ناس تعيش على حساب غيرها..
أنا بصراحة كنت أعطي و أساعد بنية الأجر،، و دايمًا أقول ربنا ما يضيع حق أحد..
و إذا مالقيت الأجر في الدنيا راح نلقاه في الآخرة..

و أنا ما أستنى من أحد مقابل لأنه الأجر من عند ربنا،، لكن أنه الواحد يرد بإساءة هذا شي آخر..
الله يعينك..

لكن بجد الناس تخلينا نضطر أننا نتبع أساليب إحنا ما نحبها..

ربنا يوفقك،، و مشكورة عالمرور||~

المشاركة الأصلية كتبت بواسطة الايمان نبض الحياه موضوعك اجبرني اشاركـ انا بصراحه كنت من النوعيه اللي تعطي بلا حدود وكان هذا الشيء على حساب نفسي احيانا.. لكن الان بدأت اراجع اسلوبي وقررت اني اساعد الناس اللي تستحق فقط.. وخصوصا انه للاسف زي ماقالوا الاخوات لماتسألي عن شيء مايعطوك.. انا كمان مافي شيء يجبرني اعطي مجهودي لأحد .. بس المشكله اني تربيت على اني ماارد احد يطلبني شيء وان رفضي يعني انني لست كريمه.. وللاسف تجاربي في الحياه علمتني ان هذا المفهوم خاطيء تماما ، علمتني ان اعطي بتوازن وعلى قدر استطاعتي .. وربما اصل لحد التطرف احيانا فأرفض المساعدهـ لكن عزائي الوحيد ان لاشيء يضيع عند الله عزوجل.. وكفى ،،،

بالفعل الكرم شي جميل..
و المعونة شيء أجمل،، و الرسول صلى الله عليه و سلم قال - فيما معنى الحديث- :"من فرج على مسلم كربة من كرب الدنيا فرج الله عنه بها كربة من كرب يوم القيامة"..

لكن الناس إللي تاخذ و ترد بإساءة هذي ناس و العياذ بالله منها أنا مجربتها..
و بالفعل لا شيء يضيع عند رب العالمين..

شكرًا جزيلاً على المرور الرائع||~

[LeLou]

المشاركة الأصلية كتبت بواسطة دافئ الإحساس ع سيرة الاختبارات السابقة ترا حتى عندنا قسم الاولاد نفس الاسئلة اللي كانت زمان بتجي دحين مدري احس الدكاتره مافيهم حيل يغيروها او مدري ليش المهم لمن نطلبها من دفعة 09 او 08 الحمدلله ما يقصرو ونحنا نفسنا دفعة 10 ما نقصر لمن احد يطلبنا شي صحيح اني رديت عن نفسي كم واحد لني لا اعرفهم ولا اي شي وطول السمستر في وجه بعض ولا عمرهم سلمو او حتى قالو سلام عليكم من بعيد فدولا الناس ما اعبرهم مثال كان عندنا واجب (نظام غذائي) في النظري لمادة اتغذية طبعا حست فيلو لمده شهر وانا الوحيد الحمدلله في القاعه اللي اخدت فيلو 10 من 10 الحسودية طبعا كتيرين لكن ما اسيبهم الا لمن يصلو ع النبي وفي اخر السمستر جا نفس الواجب في العملي فواحد لا اعرفو ولا يعرفني طلب مني الواجب القديم فقلتلو لي ؟ قالي بس اباه >>طبعا من دون اي اسلوب في الطلب وطبعا لا اعرفو ولا يعرفني ففهمت انو يبا يسويي نفسوو فيضطر طبعا يشيل او يضيف بعض الاكلات العملية سهله جدا عالاقل احسن من انو ما ياسس النظام الغذائي من البداية !! فردي لو انو مو عندي ومسحتو من اللاب وطبعا هوا عندي اصلن فقلت خليه يتعلم يسويه بنفسو وما يعتمد ع غيرو وما يحل الواجب ع مجهود او تعب غيرو تعب فييه شهر كامل .......... هادا ردي لكي كمان يا ليلو بالمثال دا ^_^ وسوري لو طولت عليكم

قرأت القصة..

أنا زي ما قلت إللي يزعلني الاتكال الا منطقي..
يعني لما يكون عندنا هوم وورك و المفروض نسلمة في موعد محدد و نيجي يوم السيكشن يقولوا لي نبغى ننقله منك..

سلامات يعني الاستاذة ما بتلاحظ أنه منقوش..
المصيبة لما أعرف أنه البنات لا هم متزوجات و عندهم في بيوت أهاليهم شغالة..
يعني المفروض أنها فاضية و ما وراها حاجة..
في بنات متزوجات و عندهم أطفال و رغم كذا يجوا حالين..
يعني أبغى أفهم كيف صارت دي..

احنا بصراحة زي ما قلت عددنا قليل جدًا فالكل يعرف بعض و في سلام و كل شي يعني موقطيعة و بعدين طلبات..

بس هما يعتمدوا و يتكلوا عليا بأسلوب غير منطقي..
ما يفكروا ليش،، لأنه أنا حاشرح لهم،، ما يكتبوا ليش،، عشان ينقلوا مني..
لدرجة يسألوني أيش رايك الدكتورة تجيب هذا،، و لا أيش رايك أذاكر هذا..
قلت لهم أيش شايفين أني أنجم؟!
الله يعين بس..

شكرًا لمشاركتي رأيك||~

[LeLou]

المشاركة الأصلية كتبت بواسطة حلاها زايد سلحي نفسك ماتشوفيها ولا تسمعيها وجوالك حوليه او حطيه سايلنت خليها تتصل لما تصدع لكن شوفي انا بالنسبه ليه اذا البنت محتاجة او مسكينة ماتعرف شي اساعدها اشرحلها واحتسب الاجر لكن لو العكس ولعابة اسوي زي ماقلتلك

بالزبط معاكي حق..
شكرًا على المرور||~

المشاركة الأصلية كتبت بواسطة برآءة حروف والله وطلعت على نياتي خخخخخخخخ اساعد الكل ،، بس الاشياء اللي مااعرفها مرررة ،، اعتذر والا اللي اعرفو ، واللي مو متأكدة منو كمان ، اقولو على طول وكل المعلومات اللي عندي هع ربنا يعين ويدينا على قد نياتنا موفقييين تحيتي ^^

من جد مافي أحسن من الشخص المعطاء و أنا كنت دايمًا ما أرد أحد..
بس الواحد يتنرفز لما يشوف أنه الناس بتعتمد عليه و كأني مدرستهم الخصوصية و كأنه هذا الشي واجب عليا..
و حتى من غير ما يحاولوا..
و المشكلة أنه على الأغلب أنا معاهم ألين ما نتخرج..

و أنا بصراحة قبل كدا اتلسعت من دي الفئة فخلاص..

عمومًا ربنا يديك على قد نياتك يا عسل..
موفقة||~

المشاركة الأصلية كتبت بواسطة rose7 شافووكي طيبة وتعطيهم وجه المفرووض بالأساس هالآشكال تطنشيها واعطيها على رآآسها من الكلام اللي يخليها تستحي على وجهها اذا شفتي الوضع زآآد عن حــده الله يعيينك آكيييد راح تعااني كتيير من النفسيات ::

آميييين..
بصراحة أنا أصلا صارت شوفتهم تغمني حتى آخر مرة شافوني فيها قالوا لي أيش بك..
قلت لهم أبغى أنام و أنا فعلا كنت نعسانة..

شكرًا لك على المرور||~