كلية العلوم ام كلية الطب

[منافس إلى آخر رمق]

ياعم, شد حيلك في السنة التحضيرية عشان تدخل طب , تتعب 7 سنين لكن ترتاح 30 سنة قدام نفسيا وبدنيا واقتصاديا واجتماعيا وفخريا ...

وزي منت عارف ان التخصصات حقت العلوم ماعاد صار لها مستقبل زي اول واقرب دليل ان فيه ناس عندهم ماجستير ودكتوراه وعاطلين مالقولهم وظيفة

[Enjey]

ما شاء الله عليكم
والله ما شوفت زي هادي الجامعة ( بس من ناحية الطلاب والطالبات )

جزاكم الله خير اولا وا خيرا
و الله يفقكم و ينول كم مرادكم آممممممممممممممممممممممممممممممميييييييييييييييييي يييييييييييييييييينننننننننننننننننننننننن

[DNA..~]

السلآم عليكم..

انا طالبة في قسم الكيمياء الحيويه ^__^

بما إنك في الثانويه الآن شدي حيلك أهم شيء و لما تجي السنه التحظيريه راح يتضح لك كل شيء في الجامعه..

انا لما كنت قدك في الثانوي كنت ابغى طب مو عشان يصير اسمي دكتوره أنا لو ابغى الناس ينادوني دكتوره حتى لو كنت في اي تخصص و اخذت الدكتوراه حينادوني دكتوره ^_^

لكن لأن قبل كنت أحسب ميولي طب و كمان كنت زيك احب الكيمياء و الاحياء..
لما دخلت الجامعه عرفت عن تخصص الكيمياء الحيويه و زي اي مخلوق سعودي ( كلية العلوم عندنا دائمًا يقولوا مالها مستقبل .. إلخ ) آمنت بأن رزقي بيد الله مو بيد البشر و توكلت عليه و قلت يلا مافي إلا العلوووم و تخصصت كيمياء حيويه..

سنه و اثنين و الثالثه عدت و الحين ان شاء الله آخر سنه اللي هي الرابعه دعواتك لي بالتوفيق..

حبيت القسم بالأصح نسيت شيء اسمه طب عارفه ليه..؟ لأن الطب يعتمد على الكيمياء الحيويه .. ^__^

يعني احنا الاساس..

اسألي اي طبيب ( بشري ) هل درس كيمياء حيويه ولا لا..؟

حيقول لك اكييييييييييد ^_^

على فكرة الدراسه مع السنه التحظيريه 4 سنوات مو خمسه مجرد تصحيح

القرار بيدك بعد الله كمان لا تنسي اهم شيء الإستخاره ..

و لا تسمعي كلام احد قصدي اي احد يقووول لك يوووه علووووم حتقعدي في البيت اعرف ناس تخرجوا من الطب و قاعدين بالبيت المسأله ارزاق :)

و بعدين لو ما العلوم ماهي مهمه كان ما انفتحت جامعة كاوست..!

اهم شيء اقعدي مع نفسك خذي ورقة و حطي على اليمين مثلا كيمياء حيويه و اليسار طب..
و حطي ليه ابغى دا القسم.. شوفي اي واحد كفته بترجح اكتر..

و قرأت انك حابه تكملي في كندا ^_^

شيء جميل اهنئك عليه ربي يوفقك..

في كندا و اعتقد امريكا مستحيل تدخلي كلية الطب إلا لازم تدرسي 4 سنوات تقريبًا - حسب ما قرأت - في كلية العلوم بعدين تقدري تكملي في الطب..شفتي كيف العلوم مهمه بس للأسف عندنا ما أحد مقدر دا الشيء..!!

معليش شكلي طولت و قرقرت كتير ^__^

عمومًا الله يوفقك و ييسر لك الخير

[DNA..~]

على فكرة..

نسيت اقول

القسم جدًا ممتع و لا يخلو من الصعوبه..

يتكلم عن التفاعلات البيوكيميائيه داخل الجسم..

بروتينات ، كاربوهيدرات ، فيتامينات ، احماض امينيه .. وأهم شيء حبيبنا الـ dna

:d

كل يوم تكتشفي شيء الحلو فيه تستفيدي منه في حياتك اليوميه..

لو احتجتي اي شيء لا يردك إلا كيبوردك..