بخصوص التوفل يوم 17/2

خجوـوـولة · 31-01-2009, 08:09 AM

بليييييييييييييز اتأكدو من وقت الإختبار والمبنى الله يسعدكم
وردو ضروري بلييييييييييييييييييييز
موفقات جميعا

mada_al7ob · 31-01-2009, 08:26 AM

أنا باذن الله حدخل الاختبااار كمان بس اللي اعرفو ان الاختبار من الساعة 9 - 12 ولازم تجي قبلها بساعة
اول شي تسلمي قسيمة الايداع في المبنى التالت الدور الاول غرفة رقم (327)
عشان تدخلي الاختبار...
الله يوفقني ويوفقكم ياااااااااارب

jode2008 · 31-01-2009, 02:03 PM

تعالوا من بدرري من 8 وعن نفسي بجي من بوابه شماليه يعني مبنى التاسع او 12 كلهم قريبين لبعض ..
مدا تسليم قسيمة الايداع قبل الاختبار يعني هالفتره الين قبل 10/2 مو في يوم الاختبار ..

جديده · 31-01-2009, 04:06 PM

بنات سمعتوا عن كتب مفيده تساعدنا في الاختبار والي عندها الكتاب ياليت تكتب اسمه بالكامل بالانقليزي عشان الكل يستفيد

دلوعه غير · 31-01-2009, 04:56 PM

طيب بنوتات

الامتحان في أي مبنى؟؟

amoonah · 31-01-2009, 06:47 PM

انا رحت سلمت قسيمة الايداع يوم الثلاثاء وقالت لي وقت الاختبار زي ما طلع لك في قسيمة الترشيح يوم الخميس الساعه 9 بس تعالى قبل الموعد بساعه واذا تغير راح نرسل لكم على الجوال

وادخلي من البوابة الشمالية مبنى رقم 12 ...

وانا ما اعرف ولا شيء بالجامعة راح ادور على المبنى والله يسهل لنا ولكم يارب

jode2008 · 31-01-2009, 07:51 PM

اقرب بوابه شمالية .. وراح يستلمون منا الاوراق ويعطونا ورقه برقم الغرفه والمبنى .. يعني لازم نجي قبل الاختبار بدري وقبل الزحمه ..

خجوـوـولة · 03-02-2009, 11:01 AM

يابناااااااااات انا لمن رحت مبنى عمادة الدراسات العليا بس طلبت مني اصور استمارة الترشيح
وقسيمة الإيداع تبع البنك والأوراق الثبوتية
واخدت صوره من كل شي وخلت معايا قسيمة الإيداع تبع البنك الخضرا والبنكية
البعض يقول انو المفروض كان تاخد منك قسيمة البنك
مو تاخد صورة من القسيمة!!
اخاف تكون نسيت او غلطت واروح يوم الإختبار يعملولي سالفه
والله مرررررررره خايفه
يعني اللي سوتو معايا صح ولالا
واذا مو صح ارجع اروح للجامعه مره ثانية
يؤؤؤ والله مشواااار
ايش تنصحوني بلييييييييييييز

خجوـوـولة · 03-02-2009, 11:03 AM

بنات سمعتوا عن كتب مفيده تساعدنا في الاختبار والي عندها الكتاب ياليت تكتب اسمه بالكامل بالانقليزي عشان الكل يستفيد

هذا ياقلبي كتاب مررره مفيد للتوفل ويقولو والعهده عالراوي
انو اغلب الأسئلة تيجي منو سواء قرامر او ليسننق او ريدنق
ومحدد فيه الوقت لكل اختبار عموما مره الكتاب جييييييد
ودا اسمو بالانقلش
Longman PREPARATION COURSE FOR THE TOEFL TEST
ومشهور بلونق مان
مابغا منكم غير دعوه انو ربي يسهلي الإختبار وانجح فيه من اول مره ياااااااااارب
وينولني ويحققلي اللي فبالي ..
موفقات جميعااااااااا
ولاتنسوو تردو على استفساراتي اللي فوق الله يسعدكم :)

الكايد الشهراني · 03-02-2009, 11:23 AM

يابنات انا ارسلت اوراقي فاكس
كيف اعرف انه اوكي خلاص ادخل الاختبار
لاني ادق محد يرد علي

بخصوص التوفل يوم 17/2

ملتقى الماجستير العام و الدكتوراه