ابي استفيد من تجربة خطة ( أ ) سنة تحضيرية

[Bshbosh]

المشاركة الأصلية كتبت بواسطة yasmina95 ^ اها شكرا الله يسعدك طيب و الجدول كيف حيكون الدوام ؟ اذا تقدري تنزلي جدولك :) اشوف دوامات خطة أ

انا عشان مسائي فمافي بريكات كثير اما بنات الصباح مره كثير فيمكن جدولي راح يكون اختلاف كبير لمن تكوني صباحي ^^

[Positive]

^الجدول يختلف على حسب الانقلش
صراحة مرا كان طويل ومتعب من 8 الصباح الى 4 العصر يومين ف الأسبوع
ومن 8-3 ثلاثة أيام ف الأسبوع

[Yasmina95]

المشاركة الأصلية كتبت بواسطة bshbosh انا عشان مسائي فمافي بريكات كثير اما بنات الصباح مره كثير فيمكن جدولي راح يكون اختلاف كبير لمن تكوني صباحي ^^

المشاركة الأصلية كتبت بواسطة positive ^الجدول يختلف على حسب الانقلش صراحة مرا كان طويل ومتعب من 8 الصباح الى 4 العصر يومين ف الأسبوع ومن 8-3 ثلاثة أيام ف الأسبوع

اها اوكي

شكرا ليكم ^__^

[GóòG]

ماث .. ليندا الزبن تفهم وكل شي وأخلاق وروحها حلوة بس انها سريعة شويتين لكن حتتعودي ع أسلوبها ، وكمان لو مافهمتي شي تشرحلك هو وازا مرة منتي فاهمة تقولك تعاليلي بعد المحاضرة
مزاكرتو انا كنت ازاكر بس من الكتاب .. بس ندمت اني مازاكرت الوورك شوب ف نصيحة ازا حتزاكري الوورك شوب زاكريه اول باول ******،، حتلقي في موقعها الوورك شوب ونمازج للدوريات والفاينل******

• الوورك شوب يعني حيفيدك انك تاخدي افكار وتمرني يدك ع الحل فقط لا غير .. عشان كدة امسكي كل درس اول باول ..


فيزيا .. سمعت عن سامية ابو شوشة وسناء اباظة وهناء فرحان انو شرحهم تممام .. مزاكرتو عندك ملخصات اشرف بركات وفيديوهات يوسف زويل المهم انك تكوني فاهمة سواء من دكتورتك او تفهمي نفسك من مصدر تاني .. بعد كدة بس امسكي وحلي ف النمازج مرا مهمة النمازج السابقة ،، حتلقي في موقع دكتورة هناء فرحان السلايدات وكمان ملخصات ونمازج للدوريات والفاينل ،، وكمان في ملزمة نمازج بتنباع في خوارزم******


الاتصال .. يكفي انك تقريه بفهم يعني مش لإزم تحفيظه نصا ..


الحاسب العملي .. كنت اطبق مع الاستازة وأزاكر من التدريبات******

والتطبيقات ماكنت امسكها لانها نفس التدريبات بس الفرق انو التطبيقات مختصرة .. والتدريبات شاملة وفيها تمارين اكتر******

الحاسب النظري .. كانو يقوولو امسكو السلايدات والكتاب .. انا عن نفسي الدوري الاول والفاينل مسكت الكتاب ،، والدوري التاني مسكت السلايدات ..

يعني شوفي ايش اللي حيريحك******

• السلايدات والتطبيقات والتدريبات والواجبات حتلقيها في موقع وحدة مهارات الحاسب الالي ..

******وان شاء الله اكون أفدت الجميع ..******

[GóòG]

وبالنسبة للبونس ..
فالماث والفيزيا عندنا عشرة******
والحاسب خمسة******
والاتصال درجتين******

الاتصال لو ستة تكاليف بـ 30 درجة كل تكليف بخمسة درجات وهادي هيا التكاليف
1) القراءة
2) الانصات******
3) العرض******
4) المقال الـنقدي والبريد الالكتروني******
5) الحوار******
6) السيرة الذاتية وخطاب التقديم******

الحاسب كان 3 اختبارات نظرية اتنين منهم بـ 10 درجات والأخير بـ 15 درجة
و العملي 3 اختبارات اتنين منهم بـ 25 درجة والأخير بـ 15 درجة******

وبالتوفيق للجميع ..

[Yasmina95]

^
طيب يا حلوة اختبار النظري للحاسب الكتروني صح؟ مش تظليل؟
وجيكون بالعربي صح؟

والاتصال النظري سواء الدوري او النهائي حيكون الكتروني صح؟ وبالعربي كمان؟

[Yasmina95]

و اذا مثلا وحدة جابت 33 في الميد الاول والتأني لكلا المادتين فيزياء او رياضيات
البونس مايروح للنهائي ؟ يصير بالنهائي معاها 10 درجات بونس ؟

[GóòG]

المشاركة الأصلية كتبت بواسطة yasmina95 ^ طيب يا حلوة اختبار النظري للحاسب الكتروني صح؟ مش تظليل؟ وجيكون بالعربي صح؟ والاتصال النظري سواء الدوري او النهائي حيكون الكتروني صح؟ وبالعربي كمان؟

يب الحاسب والاتصال اختباراتهم إلكترونيه وبالعربي ..

[GóòG]

المشاركة الأصلية كتبت بواسطة yasmina95 و اذا مثلا وحدة جابت 33 في الميد الاول والتأني لكلا المادتين فيزياء او رياضيات البونس مايروح للنهائي ؟ يصير بالنهائي معاها 10 درجات بونس ؟

حيكون معاكي عشرة درجات بونس

3 في الدوري الاول و 3 في التاني ،، واربعة في الفاينل .. نفس نظام الاحياء

[Reem Mohammed~]

ما بزيد على كلام البنات اللي قبلي
جد كفوو ووفو ، بس بعطيكم تجربتي كمان والاساتذة اللي درسوني ( انا بفرع الشرفية )

الماث
اول شئ حضرت عند استاذة هالة الزمعي ، وبعدين اتغيرت لـ عواطف الجدعاني
جدا جدا فرق ، هالة كانت بتقرأ من الكتاب والسلام وهالشئ ابدا ما ينفع في الماث ، الماث يحتاج فهم
استاذة عواطف الجدعاني كانت بجد مختلفة وتشرح من قلبها ويهما انك تكوني فاهمه مهمها كانت المسألة صعبه او بسيطه ، تركزي على الافكار وطريق التعامل مع المسأله وقت الاختبار واثناء الاختياري ، من جد الله يعطيها الف عافية ، كنت اذاكر من الكتاب + اسئلة السكشن ( وجدا مهم السكشن عشان يثبت الافكار )
الوورك شييت قالوا لي مفيد ، وراجعته قبل الدوري الاول بس للاسف كانت الاسئلة بمستوى اعلى من الوورك شييت ومعاد رجعت له ،، صار كل اعتمادي على شرح الاستاذة + الكتاب فقط .
مشكلة الاسئلة في الماث انها تجي افكار خارجيه مو زي الكتاب ، وشويه صعبه ، لازم تطبقي الفكرة على المعادله قدامك ، غالبا خطوات الحل تجي سهله ، بس المشكله في تفكيك المعادله قدامك واختيار المدى و ... الخ ، فاهم شئ لها التمرين ثم التمرين ثم التمرين ،،
افضل الاساتذة زي ما سمعت ( ضحى و عواطف ) ..

الفيزياء
حضرت عند استاذة ليلى جعبور ، وهي منسقة المادة بفرع الشرفية ، جدا جدا رائعه وتشرح بذمة وضميير
كان اعتمادي على السلايدات + فهمي من الدرس .. كنت ارجع احيانا لـ اسئلة يوسف زويل
هالماده التمارين اللي فيها دسمه حبتين ومايجي كثيير منها بالاختبار ( بمستوى صعوبتها وتعقيدها ) فأسئلة يوسف زويل كانت منوعة
( فيه تست بانك ، بس للاسف مو لكل الشباتر :\ )

الحاسب
جدا ممتعة هالماده ، واحلى شئ فيها اللي نخلصه معاد نرجع له ^^
العملي جدا سهل وواضح ، بس لا تهملوا مذاكرته عشان تقدروا تحصلوا على الدرجة الكامله بثقة وسهولة
اعتمادي كان فقط على السلايدات ، والشرح فيها بالتفصيل الممل ، اصلا الكتاب قدامه يصير غبي ><
مشكلة السلايدات انها طويلة جدا وقت المذاكرة ( بالنسبة للناس اللي تذاكر قبل الاختبار بيوم او يومين )
بس لازم اعدي على كل شريحه عشان اتأكد انه مافي فكرة فاتتني ..
وفعلا اي فكرة اعرفها اقرأها والفكرة اللي احس اني ما اعرفها على طول اطبقها على البرنامج ، وهكذا لما اخلص
ممكن قبل الاختبار تعتمدوا على التطبيقات ( في موقع الجامعة ) وتعتبر تميرن شامل لكل الافكار ( اعتمدت عليها بالعملي الثاني ) وفعلا كانت شامله .
هذا بالنسبة للعملي ،الجزء النظري دائما متعب بالنسبة لي :(
وبالرغم انه كل درجاتي في العملي كانت كاملة ، بس النظري دايما ناقصة درجة >< واول دوري نقصت درجة ونص ، الاسئلة تجي دقيقة شوية
والحمدالله على كل حال

الاتصال
كنت مع استاذة أسماء العمري ، جدا رائع وجميلة هالاستاذة
بجد حمدالله اني كنت معاها ،، استمتعت بالماده واستمتعت بالتعرف على شخصيتها
اول السنة اعطتنا اوراق فيها التطبيقات مع النقاط اللي راح تقيمنا على اساسها + ساعاتها المكتبية ومعلومات شخصية عنها
الماده ممتعة والتطبيق فعلا ما خرجت عن النقاط اللي قالت انها بتقيمنا على اساسها
يعني لو سويتي واحد اثنين ثلاثة زي ما هو مكتوب فباذن الله الدرجة الكامله في كل التطبيقات ..
مازالت مشلكتي مع الجزء النظري مستمرة ><
وبرضو نقصت درجة في النصفي ودرجه في النهائي
ونص درجة تقريبا على وحده من التطبيقات اللي كان فيها الشغل جماعي -_-
( تطبيق البرزنتيشن ينقسم لجزئين ، جزء الاعداد للعرض وهنا ياخذوا المجموعة كاملة نفس الدرجه + وجزء خاص يقيم اداءك اثناء العرض ، وهذا كل وحده وحسب اسلوبها والاغلاط اللي تسويها )
التطبيقات كانت ممتعة وحلوة ، واهم نصيحه اول ما تاخذي التطبيق على طول سويه وانتهي منه بسرعه ، ماراح ياخذ وقت


اتمنى اكون افدتكم
الخطه جدا حلوة ، لا تقلقوا
بالتوفيق ياااارب