برفسورة في جامعة الملك عبدالعزيز تدعو الطالبات لنزع الحجاب والسباحه !!

[love me for me]

انا صح ما اعرفها بس مع تروبيكانا والبنات في الكلام
لانو انا بتدرسني وحده من برا وديانه غير والبنات يتريقو عليها وكل ما تسأل حاجات مهي فاهماها
البنات يضحكو ليش هوما يضحكو علينا لمن نكلج في الانجليش واحنا نقرى او نكتب ؟؟؟؟ ما اظن واتحدى في وحده اتريقت او ضحكت علينا هوما زينا يبغو يتعلمو ورد على سؤال ليش جيابين ناس من بره اظن لغتهم احسن -_- فيعلمونا
وبعدين لمن تكون وحده من بره ما حنتكلم عربي ودا الشي مره في صالحنا
وانا اظن الكلام اشاعات ومتوقعه بعد وقت حيطلعو كلام كمان على حقتنا
اهو اشاعات وحرام قطعو الناس رزقها :( وربي حرام ازا الناس ما تعرف الصح من الغلط وتجي على طول رفع خطاب
وظلم وينقطع رزق الادميه وشوفو الفكره الي حتكون ببالها دحين عن المسلمين

[زحلاوي]

مشكورين ولكن حبيت أوضح بعض الأمور
أولاً : -
أنا قرأت الخبر ونقلته وأنا والله ما شفت أي شي - اترك الحكم لكم -
ثانياً : -
قال تعالى : (( وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ ))
هذا يعني أنو ما راح تكون راضيه عننا كل الرضا
ولكن هذا لا يمنع أن تكون مخلصه في عملها وتؤديه على الوجه المطلوب منها
ثالثاً : -
البعض طلب المصدر :
http://www.slaati.com/inf/news.php?action=show&id=11828

[بنت عبد الله]

الله يهدينا وياهم

[برد ودفا]

ما اعتقد انة راح تتجراء وتوزع كتب


اولا انسانة كبيرة فى السن على حسب كلامكم ووواعبة تعرف انظمة وقوانيين البلد مو معقولة جات على عماها


ثانيا حسافة يمرون مثل هالناس من تحت يدنا ويعيشعون عندنا سنين ويرجعون بدون ما يعتنقون الاسلام


المفروض حتى لو الكلام اللى عنها صحيح

ليش ما حاولت احدى الطالبات او الاستاذات تغيير قناعتها ببراهين وادلة


سورى بس هاذى وجهة نظرى حبيت اشارك فيها

[J O M A N A]

للاسف عندنا خرجين بكالوريوس و ماجستير سعوديين و في النهاية يتعاقدوا مع اجانب
وكمان ما نعرف ايش ديانتهم والله عيب عليهم !!

[gust a girl]

المشاركة الأصلية كتبت بواسطة j o m a n a للاسف عندنا خرجين بكالوريوس و ماجستير سعوديين و في النهاية يتعاقدوا مع اجانب وكمان ما نعرف ايش ديانتهم والله عيب عليهم !!

اسمحيلي انا مع انه يدرسون اجانب خصوصا في الانقلش وبعدين على طاري انه سعودية تدرســك شفنا السعوديات واسلوبهم وحتى شرحهم مرررررررررة مايشرحوا << صح انه مو الكل بس هذا بالنسبــــة للي انا شايفتة >>
وعلى حكاية البرفسورة وكلااامها ترى عاااتي احنا كان عندنا وحدة تتكلم عن البوي فريند وانه لازم كل وحدة يكوون عندها بوي فريند واحنا ماخلينها تسترسل في الكلاام على طول سكتناها هذا الي كان مفروض يصير مع البرفسورة مو انهم يطردوها صراااااااااااااااحة مررررررررة حرااااااااااااااام.........

[د-فوفه]

اولا مرحبا انا بس حابة اوضح نقطة مس ان كنزي موجودة بالفرع...والحين تم فصلها ادا ماخاب ضني درست عندها لمدة اسبوع كامل كانت مثال للاخلاق الي عمري ماشوفتها لدرجة انو اول يوم داومت فيه عندها لمن تجي تنادي اسمي مو من بعيد تجي لمن عندي وتقولي ممكن تجي معايا,,بس عشان اكتب الرقم الجامعي تبعي..كان يمديها تكلمني وهيا مكانها واقولها الرقم الجامعي تبعي تاني موقف..سوتنا مجموعات عشان نتكتب شي وكانت فيه بنت جالسة لوحدها قامت غيرت مكانها وهيا شالت اغراضها ماخلت البنت تشيلها ,,, ولمن تلاقي شي مرمي ع الارض تجي بنفسها وتشيلوا حتى لو البنت رمتوا قدامها وطبعا هيا مررررة كبيرة في السن وبالنسبة لديانتها هيا ديانتها كاتلوكية .... وطبعا لمن اتكلمت عن الديانة انا غيرت الليفل تبعي هيا مااعطت كتب....هدا بهارات في نقل الكلام هيا قالت كل من يلبس الحجاب مجنون وجلست تشرح وجهة نظرها وطبعا البنات ردوا عليها وقالت انو ليش مافي كنايس وانتو ماتحترموا الديانة تبعنا وهكذا.. بس ماوصل الامر انها تعطي كتب الرجاء التاكد من مصدر الكلام... لانو في كلام زايد كان المفروض حثها على الاسلام لانوا كدا بدل ماتخلوها تفكر بالاسلام ....حيسير العكس تماما وجهة نظري اخلاقها اخلاق انسانة مسلمة ياريت كل المسلمات زيها بس الله يهديها ويهدينا ويهدي الجميع الى مايحبه ويرضاه

صح كلامك ميه ميه تروبي

كل واحد مفتخر بديانته احنا ماعلينا سواا النصح

وطبعاا احنا طالبات جامعيات مستحيل تكون عقولنا صغيره تجي وحده تمشيهاا

يعني كل واحد عارف مصلحتو فين

شكرا زحلاوي ع النقل جزاك اله خير

[ملكة جده]

السلام عليكم ورحمة الله

اولا: انا من تقدم برفع الشكوى للإداره بناء على طلب المعهد الانجليزي لإننا شكونا من عدم فهمها لنا من عدة جهات فطالبنا بتغييرها لنا ولم نطلب بفصلها.

ثانيا:كل ماكتب عنها غير صحيح سوا انها تكلمت عن الحجاب بانه عائق علينا فكيف نعيش به وقمنا بإعطائها الرد السليم ووجهة نظر الاسلام من هذه الناحيه.

ثالثا: المعلمه آن كينسي كانت تشرح لنا جميع الدروس في حدود عاداتها الاجنيه المناقضه لديننا
صحيح رايت منها القليل من الادب رغم اني واجهت معها انا وغيري بعض المشاكل لانها كانت تنعتنى بالشتم (يعلم الله اني مو من النوع اللي يطول لسانه على اي معلمه والتزم الادب معهم)
وبالرغم من ذلك لم افعل شئ سوى الامر المطلوب مني وهو رفع الشكوى
الشكوى كانت تحوي التالي:
1- لم نفهم من شرحها اي شئ
2- لمدة اسبوعين لم ننتهي من الباب الثاني فكانت تاخذ وقت اطول بكثير من الازم
3- الخطأ الوحيد الصادر من الطالبات هو كثرة الكلام والضحك مع بعضهم ولم تكن قادره على ضبط الفصل صحيح انه من المفترض ان الطالبات هن من ينبغي عليهن الالتزام بالصمت ولكن من واجبها ايضا ضبط الفصل
4- قامت بتغييب طالبتان لمدة اسبوعين كامله وانا هي الطالبه الثانيه
5- لم تكن ولم نكن قادرين على التواصل مع بعضنا او فهم بعضنا
6- ناقشتنا حول : لم الفتاة لا يكون معها ولد صديق لها بوي فريند على قولتها وفهمناها انه ديننا لايسمح فقامت تتكلم لم دينكم يمنع امور كثيره
7- كيف سوف تتمكنون من القياده وانتم محجبات حاولت من جهتها تسيير امر الحجاب(يعني زي نكشف الوجه بس)
المهم قامت اداره الجامعه بالازم والتحقيق معها
نرجوا من الإخوه الكرام عدم نقل اي موضوع الا عندما يتم التاكد منه
وشكرا

[زحلاوي]

اشكر الجميع
أعيد وأكرر أنا لم ارى شي

[lloll-bah]

حسبي الله ونعم الوكيل ....من جد آخر الزمان
هذي المفروض يقلعوها برى السعوديه... خسارة الراتب اللي يندفع لها..
أنا مسغربه أنها إلا الان تدرس ....
وماشاء الله هي استغلت الفرصه وراحت تدعو لدينها...واحنا المفروض نسوي زيها ونهديها كتب عن الاسلام وعن فضل الحجاب...