بنات تشيروا عليه بمين ارجوكم ردوا

[متاخره واااايد]

ياقلبو لاتخافي من الجدول

جيبي ورقه وقلم واكتبي كل ماده تبغيها وخشي وشوفي الشعب واوقاتها وسجليها وبعدين رتبي اوقاتك براحتك

كده يكون اسهل عليكي

موفقين ^_^

[فرفشة]

مشكورين انا قصدي اش المواد الي يبغالها فتح مخ وانتباه يعني دسمة ومعلوماتها كثيرة احطها من بداية دوامي والمواد الي مابها شي يمشي حالها احطها في اي وقت يعني يتناسب مع جدولي واسماء الاستاذات افيدوني فيهم مع مين اخذتوا وكيف اسئلتهم واسلوبهم او سمعتوا عن وحدة احد درس معاها كويسة قولوا
جزاكم الله خير الله يوفق الجميع يارب

[orkida]

بنات مين افضل استاذة اخذ معاها مادة مراحل نمو الطفل ؟؟؟

[ساكنه في بيتنا]

مشكورين انا قصدي اش المواد الي يبغالها فتح مخ وانتباه يعني دسمة ومعلوماتها كثيرة احطها من بداية دوامي والمواد الي مابها شي يمشي حالها احطها في اي وقت يعني يتناسب مع جدولي واسماء الاستاذات افيدوني فيهم مع مين اخذتوا وكيف اسئلتهم واسلوبهم او سمعتوا عن وحدة احد درس معاها كويسة قولوا جزاكم الله خير الله يوفق الجميع يارب

مراحل نمو و أسس تغذيه يبغالها تفتيح مخ ..

ارشاد و توجيه ما اخدتها فما ادري ايش فيها ..

رياض أطفال نص نص في كلام يبغالك تنتبهي و كلام عادي ..

علم نفس + طرق تدريس , قرقرقرقرقرقرقر ... مو لازم تكوني مره منتبهه ..

[ساكنه في بيتنا]

بنات مين افضل استاذة اخذ معاها مادة مراحل نمو الطفل ؟؟؟

الله أخدت معاها الماده سافرت ..

الله يذكرها بالخير ..

ما اعرف مع مين نازله تحين ..

بس لا تخافي اساتذه الطفوله ان شاء الله كلهم فيهم الخير ,, بس الماده نفسها دسمه يعني الرزاله حتكون من الماده مو من الاستاذه :) ..

[Rana Hesham]

المشكلة يامتأخره إنو منزلين شعب من غير أسماء أستاذات

[ساكنه في بيتنا]

سكووونه لكي وحشه يابطه ^_*

دوبني اشوفها ,, معليه

تحين تقولي اني اتكبرت و طنشتك << طولت الموضوع و هو قصير ..

وانتي كمان ,, و الله نورتي المنتدى مره تانيه ..

المشكلة يامتأخره إنو منزلين شعب من غير أسماء أستاذات

يا قلبي لا تشيلي هم ,, الحمد لله اغلبهم طيبين و حبوبين ,, و تقريبا اسلوب الأسئله واحد بين اغلب الدكاتره ,,

انتي اتوكلي على ربنا و ماعليكي ..

[Rana Hesham]

مشكوره ياساكنه

[orkida]

سكونة بطلبك طلب اذا ماعليك امر
اول مره ارتب جدولي هههه فحبيت
بس اوريك ايش تشيريني اخلي كده تمام
ولااعدل في شيء ؟



السبت :


علم النفس العام 9،00 ــــ 10،00
ارشاد الطفل وتوجيهه10.00 ـــ11.00
رياض الأطفال 11،00ـــ 12،00
الأحد :
اسس تغذية 8:00-9:00
مراحل نمو الطفل 9:30- 11:00
طرق تدريس الطفل 11:00ـــ 12:20

الأثنين :

علم النفس العام 9:00ــــ 10:00
ارشاد الطفل وتوجيهه10.00 10.50
رياض الأطفال 11،00ـــ 12،00


الثلوث:

اسس تغذية 8:00-9:00
مراحل نمو الطفل 9:30- 11:00
طرق تدريس الطفل 11:00ـــ 12:20

الربوع :

علم النفس العام 9:00ــــ 10:00
ارشاد الطفل وتوجيهه10.00 10.50
رياض الأطفال 11،00ـــ 12،00



كلكم بنات بالله ايش شوركم ؟؟؟

[ساكنه في بيتنا]

مشكوره ياساكنه

العفو يابنتي :) ..

اوركيدا ..

ان شاء الله جدولك تمام ..

بس الله يعينك بعد مراحل نمو طرق تدريس ,, انصحك تنامي فيها ..

اقصد عشان كلهم قرقرتهم كتير .. بس ما عليكي .. لأنو طرق تدريس تعتمد على الحفظ اكتر من الفهم يعني مو لازم
تكوني مركزه كتير ..

ربنا يسهلك الترم و ترفعي معدلك يارب ..