طالبات التدريب الميداني ( 2) * جميع الشعب

[انا توتي]

السلام عليكم ورحمة الله و بركاتة
أ/ ايمان ابي سألك عن التدريب الميداني2 لاني انتساب و عايشة بالرياض و ما قدرت احضر وقت دورة الانتساب لانه كان عندي ظروف خاصة وما كنت اعرف انه في تطبيق عملي وانا اختباري يوم السبت ..
ما في حل لمشكلتي اذا تقدري
شكرا و جزاكي الله كل خير و جعلها الله في ميزان حسناتك

[nana14]

حبيبتي ممكن تطبقي الاختبارات اللي هيا وكسلر وايزنك وتوصيل الدوائر
على اي احد عندك في البيت وتسوي التقارير العربي والانجليزي

والتدريب اكيد انك ماحتلحقي تتدربي وكمان التدريب عليه فقط 20 درجه

وكمان لازم تشدي حيلك في الاختبار عشان تجيبي الدرجه كامله
والاختبار عليه 40 درجه
والتقارير كمان 40

وباذن الله كذا تضمني النجاح في الماده

وبالتوفيق ان شاء الله

[جوري2006]

من فين اجيب ادوات اختبار وكسلر يعني اشتريها من مكتبة او اخذها من عند استاذة المادة ؟

[nana14]

حبيبتي وسكلر حتطبقي فقط الجزء اللفظي
اللي هيا المفردات المعلومات والمتشابهات والحساب اعادة الارقام وبالعكس والفهم
لانه ماهي متوفره ادوات الجزء العملي وبالنسبة لدرجات العملي حتفترضيها افتراض

وبالتوفيق ان شاء الله

[ملكة الغرور]

يابنات الله يسعدكم اللي في شعبة استاذه حنان تقولي اش المصطلحات اللي معانا بالانجليزي

[nana14]

نزلي سؤالك في دا الموضوع ان شاء الله تلاقي اللي يفيدك


http://www.skaau.com/vb/showthread.php?t=403591


بس تقريبا مصطلحات الانجليزي من التقرير الانجليزي دا كان مع استاذه ايمان ماادري
عن استاذة حنان

[ملكة الغرور]

الله يعطيك العافيه
الله يوفقك يااااقلبي

[أ/إيمان الطباع]

المشاركة الأصلية كتبت بواسطة جوري2006 من فين اجيب ادوات اختبار وكسلر يعني اشتريها من مكتبة او اخذها من عند استاذة المادة ؟

يمكنك الحصول عليها من موضوع بطارية تدريب ميداني

http://www.skaau.com/vb/showthread.php?t=385634


بالتوفيق

[كلي دلع]

متتتتتتى تنزل الدرجااااااااااااااااااااااااااااااااااات

[أ/إيمان الطباع]

المشاركة الأصلية كتبت بواسطة كلي دلع متتتتتتى تنزل الدرجااااااااااااااااااااااااااااااااااات

لقد رصدت الدرجات

و لكن يوجد العديد من الطالبات تقاريرهن جدا سيئة و البعض لم يعرف بالتقارير

فأنا بانتظار التقارير الخاصة بهن لرصد الدرجات لكامل الشعبة


مبدئيا


تم رصد الدرجات في الأعمال الفصلية

يمكنك الاطلاع عليها في أعمال الفصل..... للاطمئنان و معرفة درجتك


بشكل عام الدرجات مرتفعة جدا



بالتوفيق