هنا نقهر الستيب معـا - (متجدد)

[leenah2010]

المشاركة الأصلية كتبت بواسطة بنت جدة المنكوبة السنة دي عملو 3 واحد في شهر محرم والثاني في شهر 4 والثالث إلي دحين في شهر 8

الله يستر..
شكــرا على المعلومة المهمة..
أتمنى أسمع منك نصائح قبل ما نخش أول مرة بحكم خبرتك ما شاء الله <<بدت تخاف

[بنت جدة المنكوبة]

ماأقدر أنصح لأني أحس إنو دخلت الإمتحانات شختك بختك
بس مقارنة ببديل التوفل فررررررررررررررق واضح تماما
بس البنات إلي مستواهم حلو عدوا الإمتحان
ماشا الله صحبتي أخذت في السبعينات

[بنت جدة المنكوبة]

أول مانزلوا مواعيد الإمتحانات
كانوا حاطين بس شهر محرم وشهر 8
بس سمعت بعد ماامتحنا في شهر محرم إنو الجامعة نفسها طلبت من المركز يسووا إمتحان في شهر 4

[بنت جدة المنكوبة]

القطع الريدنج كانت نوعا ما حلوة
جات أفتكر قطعة تتكلم عن الحرب العالمية
في أشياء تحسيها في الأسئلة مايحتاج تقرأي القطعة زي كم مرة سارت حرب عالمية
جات كمان قطعة تتكلم عن نوم الحيوانات والبشر
وقطعة تتكلم أظن عن النجوم

[بنت جدة المنكوبة]

إيش معناتو بالعربي

وأبغى شرح للدرس
subject/verb agreement

[عنفوان الصبا]

بنات .. بدأ يتسرب الخوف إلى عنفوان ^.^
الله يستر
( وما توفيقي إلا بالله عليه توكلت وهو رب العرش العظيم )

1000 شكر للجميع هنا لينا وبنوتة والكل
بنوتة ..إذا تذكرتي شئ ثاني عن الاختبار ياليت تضيفيها هنا
وجزاكم الله خير جميعاً

[mno24]

مساء الخير صبايا بنت جدة الحلوة ممكن اسالك كيف الاختبار الوقت يكفي عشان نستوعب لاني اذا شفت القطع احوس واشرحيلي ايش هوا تحليل الكلمة او الجملة ماني فاهمة وانتي اختبار ك وين سجلتي

[لاوصول إلا بالعلم]

جزاك الله كل خير يا أخت لينا على ما قدمتيه وجعله في ميزان حسناتك وكذلك بقية الأخوات
الحقيقة أنني بدأت الآن بالمذاكرة وفتحت الموقع الذي فيه الصوتيات
فكرته جيدة لكن القطعة طويلة ألا يوجد موقع آخر بنفس الطريقة ؟
جعلك الله مباركة أينما كنت.

[بنت جدة المنكوبة]

المشاركة الأصلية كتبت بواسطة mno24 مساء الخير صبايا بنت جدة الحلوة ممكن اسالك كيف الاختبار الوقت يكفي عشان نستوعب لاني اذا شفت القطع احوس واشرحيلي ايش هوا تحليل الكلمة او الجملة ماني فاهمة وانتي اختبار ك وين سجلتي

كل قسم 25 دقيقة
من ناحية يكفي هادا على حسب مستواك كيف في الإنجليش أنا مو كل شي كان يمديني
مافي تحليل الكلمة كان بيجي اختيار يعني متى تكوني بادءة بالكابيتل والفواصل متى تحطيها بس كلوا كان يجي اختيارات وفي كمان يجيبولك زي قصة مرا قصيرة وترتبي أحداثها بس كمان كلو اختيارات

أنا اختبرت مرتين في كلية التربية وجلست في نفس مكاني قدااااااااام

اللسيننج صراحة خبصت أحس إنو مااستوعبت شي من الكلام فحطيت أي إجابة

[leenah2010]

عنفوان الصبا، العفو حبيبتي حياك..


mno24، أهلين..

تحليل الكتابة يهتم بقواعد الكتابة، يعني طريقة كتابة جملة صحيحة بشكل عام،
مثل: الحروف الكبيرة والصغيرة، الفواصل والنقط، الربط بين الجمل بأدوات الربط and, or, but .....الخ
مثلا ممكن يجيب لك جملة، ويحط لك خطوط تحت كلمات معينة فيها، ويسألك اش الكلمة الخاطئة..
ممكن يجيب جملتين ويبغاك تربطي بينهم بـ and أو or
حملي النشرة من أول صفحة في الموضوع، وحتلاقي أمثلة على تحليل الكتابة في صفحة 13..


لاوصول إلا بالعلم، وإياك الله يسلم عمرك ويخليك..
معليه بس أي موقع تقصدي؟
http://www.esl-lab.com/
بالنسبة لي راندل أحسن موقع والقطع في المستوى السهل قصيرة مرة
ما تاخذ نص دقيقة أحيانا.. ويمديكي تتطلعي على النص مكتوب
وتشوفي الكلمات الجديدة ومعانيها.. لو حبيتي أشرح لك الطريقة
ما عندي مانع..