تجميع المتقدمين لماستر الفيزياء 1434 -1435

[اطياف 1]

العدد 32 قريت الرقم بالورقة
انا غسلت يدي من القبول خلاص
الحمد لله

[ms.fofa]

يمه يعني العدد مره كبير ماشاء الله
الله يستر يارب

[kakad12]

اولا الحمدلله على كل حال

الاسئلة متنوعه الصراحه من السهل الى الصعب
بس المشكلة في القوانين ( مسح الميموري )
(( انواع التاليف ))

بس الحمدلله على كل حال

عند الطلاب كان العدد 4 بس ( قولو ماشاء الله )
3 هم اللي كملو وواحد مشي بدري مدري ليش صراحه

قلت لرئيس القسم احنا 4 مالها داعي الكلفه اقبلونا كلنا بدون قروشة .
طبعا سالتهم عن العدد والقبول بس ( no comment )

شوفت العدد ماشاء الله عند البنات 30
السوال دحين العدد 20 مقعد على ما اظن تكون مقسمه 10طلاب و 10 طالبات

ولا راح ياخذو نسب ( مالنا امل مع البنات )


بس الله يكتب الخير لنا جميعا يارب

وموفقين للقبول جميعا

.

[ms.fofa]

هو قالك 20 مقعد بس ! :(

ي الله جد شي يزعل

لا دام انتو 4 باذن الله مقبولين ماشاء الله الله يقويكم


والله احنا كان الاختبار صعب مرررررهـ :(


الله يوفقنا يارب ونكون كلنا مقبولين وم يشوفوا اللعب اللي في الاختبار :)

[أنجال]

اهلين الحمد الله انكم قدمتوا اختبار وتفالوا بالخير والف مبروك للي بينقبل مقدم والي ماراح ينقبل لاتزعل تاكد انها خيره من رب العالمين لك صح المذاكرة تعب بس استفدنا منها والله تجديد معلومات خامل

بليز حبيباتي الي خشت الاختبار وفي مخها بقايا منه تطرحة هنا كفائدة وصدقه جاريه باذن الله لها للاعوام المقبله
طبيعة الاسئله ومن اي الاقسام جت ولكم خالص امتناني وشكري

دعواتي القلبيه بالتوفيق للجميع ...

[kakad12]

السلام عليكم ورحمة الله وبركاتة


بخصوص عدد المقاعد شفت حقت العام الماضي

وكانت 20 طلاب(اخذو 6 من 6 ) و 20 طالبات(اخذو 20 من 20 )

الموضوع موجود في المنتدى على فكرة وكاتبين اخر نسبة تم قبولها
يعني إن شاء الله حظوظكم قويه

والرسول صلى الله عليه وسلم يقول تفائلو بالخير تجدوه


اما بالنسبة للاسئلة
انا نسيت القوانين تبغيني افتكر الاسئلة

كانت 25 سوال اختيارات مع توضيح الحل (( بدون التوضيح مايوخذ بالاجابةعلى كلام الدكتور))
والثوابت معطاه في اخر صفحه
اللي فاكرة انو فية تركيز كبيرعلى الميكانيكا والالكتروماجنتك وكان اغلبها تعويض مباشر وفيها شويه افكار طبعا جابو من الاقسام الثانية بس مو كثير
اغلب الافكار تعتمد على فهم السؤال يعني يقولك بين السطور((دبل )) مثلا
بصراحة اللي دارس فيزياء ويذاكر قبل الاختبار بمدة ولغته طيبة يعدي الاختبار بالراحه


بحاول اختصر اللي فاكرو من الاسئلة
*حساب التسارع
*حساب القوة بدلاله الشغل والعكس كمان
*قوانين التسارع والمقذوفات
*حساب قيمة المقاومة
*حساب قيمة المكثف capacitor
*قانون كولوم
*المجال الكهربائي
*المجال المغناطيسي
*ذرة الهيدروجين
*ضرب وجمع المتجهات vectors
*حساب magnitude
* حساب kinetic energy
* potential energy
*electrons momentum or photon
*photon energy
*current in long wires
* point and line charge potential charge due to
اذا افتكرت إن شاء الله ارجع اعدل عليها

وفالكم القبول

[ms.fofa]

والله الاختبار كان صعب ومره يبي له واحد مخه مفتح في الفيزياء واحنا مره م جا ع بالنا انو ح تكون الاسئله كدا ي ليتهم ريحونا وقالوا انو الاختبار يركز ع الشبترين ميكانيكا وكهرباء ومغناطيس ركزوا فيهم

لكن يارب م يحسبوا بالاجابه ويحسبوا بالاختياري >> ادميه عصبت وحلت اختياري بس وادتهم الورقه ههههههه


والله حاله :( جد متوتره وكل يوم افكر في شهر 6 وش بيصير :(

[ms.fofa]

كمان جانا سؤال اصغر طول موجي قسم وقتها ضحكت من فلاحتي انا حافظه قانون اكبر طول موجي وهم يبون اصغر ههههههههه

انا مره م عرفت ي الله يارب ربي ييسرها لنا وننقبل كلنا بدون احتساب الاختبار :(

[و ما نيل المطالب بالتمني]

السلام عليكم

الاختبار الحقيقه تنقال انه كان شبه سهل ، بس المشكله عندي في اللغه و المذاكره ما ذاكرت زي الناس
يعني زي ما قلتوا لو عندكم لغه وكان عندكم معلومات شامله بالقوانين وكدا ح تحلو سريع

وبالنسبه للعدد أنا لما جلست في القاعه عديت البنات الحاضرات تقريبا 23 ما وصلوا نفس العدد اللي في الكشف
يعني يمكن فيه مجموعه ما حضرت معانا

الله يوفقكم جميعا وييسر لكم اموركم و يجعلني واياكم من المقبولين
قولوا آميـن :)

[دلع الروووح]

والله صحيح كلامك بس برضو بعض الاسئلة فيها فكرة

ولازم تكوني محضرة تمام والمشكلة ان الاسئلة مركزة بمادتين

لو كانت شاملة افضل حتى مايضيع تعبنا بالمذاكرة او يقولو لنا

يااارب يقبلونا كلنا