علاج الكيراتين

[روووني]

مامتي اشترته من النت على اساس تسويه ويمكن انا كمان اسويه

وجا معاه سي دي يعلمك كيف وكان بالفين وشويه

ومامتي ماكانت تبغا تسويه في المشاغل لانو يخلطوه مع فرد عادي

ازا كان شعرك خشن مره فأفضل انو يكون مع فرد زي حق الصوالين

اما ازاكان شعرك مومره خشن فلافضل كيراتين لحالو ولاتسوي في مشغل لانهم حيضحكو عليكي ويخلطو بفرد

وترا مو صعب بس بعد ماتحطي الماده في شعرك لازم وحده فاهمه تسويلك بمكواه السيراميك ايوه صاحبتي اشترتو من محلات عزت داعوق

وعقبال مااسويه والله يوفقنا

[ميعاد العمر]

روعة عن جد هالعلاج ف وحدة تسويه لك
وتوفر لك الشامبو والبلسم من ضمن السعر

[عسوله موووت]

حبيبتي انا امس كنت عند دكتوره جلديه وسالتها عن الكيراتين كنت مفكره اسويه
وحذرتني منه قالت ان في اخر اجتماع اطباء الجلديه اكتشفو ان فيه ماده تسبب لاقدر الله السرطان
وكل الي جربوها فرحو بنتائجه بالبدايه وبعدين انعدمت شعورهم
حتى قلت لها انه معالج قالت اي شي فيه فرد ابعدي عنه لانه يعدم مايصلح
نصيحه نصيحه نصيحه لاتسوينه
انا قلت الي عندي من خوفي عليك انتي اخت ومن كلام الدكتوره خفت وربي دخلت بس عشان انبهك

تقبلي مروري

[ريفال1]

اي والله حتى انا ابغى اذا في احد يقدر يخدمنا نكون له من الشاكرين

[كلي شمــــــوخ]

انا سمعت فيه وانو ينعم الشعر ويكسبه لمعان
بس الى الآن متردده مادري ليه

[اجتماعيه طموحه]

انا كمان سالت دكتور جلديه عنه قال موكويس لكن عندك الماسيه الي نسويها في رمضان زي المهلبيه قالي صلحي لك وكليه يوميا لفتره في مواد تساعد بنمو الشعر وتعالجه افضل وكل ماكان اكلك صحي فاد شعرك اكثر من هالمواد الضاره

[ترانيم الحزن]

انا قريت عنة يسبب السرطان