سؤال سؤال سؤال

[LAYAN89]

ألنسبة الموزونة قصدكم نسبة الثانوية؟؟ ولا نسبة الثانوي مع اختبار القدرات؟؟

[RanNo0^_^]

النسبه الموزونه مع القدرات الجامعه قفلت إنتظام الين نسبة 85 للعلمي والاداري
بعدين نزلوها الين 82.5 للإداري إنتظام
وبعدين فتحت تأهيلي الين السبعينات على ما اعتقد
وهده السنه كانت اخر سنة تاهيلي يعني السنه الجيه مافي تأهيلي بعد كده
بس انتظااااااام وإنتسااااب

باللتوفيق للجمييع

[LAYAN89]

طيب فيه شي اسمه تحصيلي غير عن القدرات صح؟


ايش الفرق

وايش النسبة اللي ياخذوها من القدرات والتحصيلي ونسبة الثانوية العامة؟؟

[samer jam]

85 ميييييييين ياعم
انا السنه اللي راحت جاتني رساله من الجامعه ان (اقل نسبه موزونه بالنسبه للمسار العلمي هي 81 وعليه فانه تم قبولك للمسار الاداري)

[RanNo0^_^]

انا نسبتي كانت 81.72 وما انقبلت لا إداري ولا علمي انتظام
انقبلت تأهيلي
والنسبة الموزنه تشمل القدرات والتحصيلي والثانويه العامه
على ما اعتقد 50 % ثانويه و 25 % قدرات و 25% تحصيلي
والتحصيلي اختبار بيعتمد على المواد اللي اخدتها في الثانوي بتجي الاسئله منها
اما القدرات هيا اسئله زي اسئلة الذكاء واغلبها تكون حسابيه
في كتب يبيعوها اشتري منها عشان تاخد فكرة

[MeMe1]

أنآ كآنت نسبتي الموزونة 82 وعليهآ ولـ الأسف
قبلوني في الكلية وطبعآ رفضت وسحبت ملفي
وسجلت بـ الجآمعة إنتسآب بعد مآرفضوآ نهآئيآ تسجيلي إنتظآم أو تأهيلي

جد الله لآيسآمحهم , كآن هـ النظآم يمشي على نآس ونآس
تخصصي علمي بـ الأخير أدرس إدآري وإنسآني لآ وإنتسآب
كله من القدرآت مع إنو عمرهآ نسبتي في الدرآسة مآنزلت عن الـ90%

[samer jam]

المشاركة الأصلية كتبت بواسطة meme1 أنآ كآنت نسبتي الموزونة 82 وعليهآ ولـ الأسف قبلوني في الكلية وطبعآ رفضت وسحبت ملفي وسجلت بـ الجآمعة إنتسآب بعد مآرفضوآ نهآئيآ تسجيلي إنتظآم أو تأهيلي جد الله لآيسآمحهم , كآن هـ النظآم يمشي على نآس ونآس تخصصي علمي بـ الأخير أدرس إدآري وإنسآني لآ وإنتسآب كله من القدرآت مع إنو عمرهآ نسبتي في الدرآسة مآنزلت عن الـ90%

ايش بتقووووووووول انت والله ماني فاهم ولاشي
( قبلوني في الكلية و رفضوآ نهآئيآ تسجيلي إنتظآم أو تأهيلي) <<< كيف تجي دي؟

يابنات احنا بنتكلم على الشباب بس

[اريج العمر]

ايه صح كل اللي كانو نسبتهم تحت 79 اتقبلو في الانتظام التأهيلي والانتقالي بس التأهيلي اكثر
بس دفعت 09 تم قبول نسبة 88% من المتخرجين .. وانا قريت في جريدة عكاظ انو السنه هذي بيكون القبول بنسبة 95% يعني ان شاء الله خير تفاؤلو في الخير تجدوه

[samer jam]

احنا بنتكلم على الشباب بس لاتلخبطونااااااااااااااااااااااااااااااااااااااا

[متفائلة دومآ:)]

صح انا افتكر انهم وقفو اخر شي على 81 انا كانت 83 والحمدلله انقبلت بس في اخر شي واللي انقبلو اقل من كدا كانو تاهيلي