الإستعداد لإختبار بحوث العمليات pad 351 الفصل الأول لعام 1436 هـ.

[sauddd]

تغير ف توجهاته يعني صار ينجح؟ تغير سلبي او اجابي مشكله النظري 20 درجة بس

[الكسول]

مجهود جبار وتشكر عليه

[صــالــح]

المشاركة الأصلية كتبت بواسطة سبيعي صعب كلامك اخوي صالح صحيح .. انا اختبرت بحوث العمليات الترم الثاني 1435 مناطق جاب لنا السمبلكس لكن بجده ما جاهم السمبلكس .. والفصل الاول 1435 عكس كذا ... اتمني لكم التوفيق لكن ذاكروا كل شي لان انا في اختباري الترم الماضي المدرس اللي درسني قال ما راح يجيكم السمبلكس وما راح يجيكم كخ وبخ .. وصعقت بالاختبار كل اللي قال المدرس ما راح يجي الدكتور الادريسي جابه .. لكن الحمدلله عديتها بصعوبه .. نصيحتي لكم ذاكروا كل شي ..

نعم صدقت أخوي سبيعي صعب ، ونصيحتك في محل الإعتبار ..

[صــالــح]

المشاركة الأصلية كتبت بواسطة ماهر 111 وحسب خبرتي بالأدريسي توقع أنه يتوقع بأنه لأياتي شي من مسائل المناطق ويخالف التوقعات ... ويجيب نفس مسائل المناطق لاكن عسا الله يفتح على قلبه ويسهل الأمور ... مع ملاحظة بأن هناك تغير بتوجهات الدكتور بالأترام الأخيره

الفكرة اللي في بالك ، مرت علي وتعوذت من أبليس ، الله يستر ..

[صــالــح]

أحد المسائل المهمة " الرسم البياني " شاهد الشرح ع اليوتيوب للأستاذة أمل تركستاني

من البداية إلى الدقيقة 31 .. ولا عاد تكمل لأن الباقي درس ثاني ..

أنا درست عند مدرس خصوصي ، وقاعد أراجع مع الأستاذة ع اليوتيوب وأستفدت منها بشكل رائع ..

أنصحكم بالمتابعة وهآت معك ورقة وقلم وأكتب ..



والدروس الأخرى سوف أطرحها على مواضيع وأضيف تعليقاتي عليها ..

[صــالــح]

الآن ، شرح مسألة " النقل "
طبعاً ، هناك طريقتين لحل مسألة النقل ،
*من الشرق للغرب ( الشمالي الشرقي )
* وطريقة أدنى تكلفة ( أقل التكاليف )
والغالب أن الإدريسي يبيك تجاوب بطريقة أدنى تكلفة ، وإذا ما ذكر في السؤال ، أعرف أنه يبي أدنى تكلفة
والأسئلة تكون كالتالي :
1- تكلفة الحل المبدئي .
2- الخلايا المشغولة
3- الخلايا الشاغرة
4- تكلفة الحل النهائي
5- الفرق في التخفيض بين الحل المبدئي والنهائي ..
شاهدوا الشرح ع اليوتيوب في الرابط أدناااااه ، وتوضح معكم الصورة ..
..
ملاحظة : مسارالعمل في الدقائق 6:30 لا تركزون عليه ..
..

]

[صــالــح]

مسألة التخصيص ،

الإدريسي يحدد لك في السؤال ، هل هو عوائد والا تكاليف ،

* العوائد : أول خطوة : تطرح كل الأرقام اللي بالجدول (الأساسي) من أكبر قيمة فيه .

وثاني خطوة : تطرح كل عمود من أصغر قيمة فيه . من الجدول اللي طلعته من أول خطوة.

وثالث خطوة : تطرح كل صف من أصغر قيمة فيه. من الجدول اللي طلعته من ثاني خطوة.

* التكاليف :

أول خطوة : تطرح كل عمود من أصغر قيمة فيه . من الجدول الأساسي ( اللي بالسؤال)

وثاني خطوة : تطرح كل صف من أصغر قيمة فيه . من الجدول اللي طلعته من أول خطوة.

فرق بسيط بين العوائد والتكاليف .

والمطلوب : تخصص كل موظف على الوظيفة اللي تناسبه ، ممكن يعطيك رموز بدال أسماء الوظائف وهكذا ..

الشرح في الرابط أدناااااه ..

..

[صــالــح]

أتخاذ القرارات ,

يعطيك جدول ، ويطلب منك أحد أو كل القواعد التاليـه :

1- قاعدة المتفائل: عوائد ( أقصى الأقصى ). تكاليف : ( أدنى الأدنى)

2- قاعدة التشاؤم: عوائد ( أقصى الأدنى ). تكاليف : ( أدنى الأقصى )

3- قاعدة الأسف أو الندم: عوائد نطرح كل عمود من أكبر قيمة فيه ، تكاليف : أصغر قيمة.

*هذه القواعد مشروحه في الرابط أدنااااه ..

أما بالنسبة للقواعد التاليه ، ليست مشروحه بالفيديو ،

* قاعدة لابلاس : مجموع الأرقام على عددها . < في كل صف .. يعني 3+2+1 ÷ 3 وتطلع الناتج .. وتختار الناتج الأكبر أذا كانت عوائد ، والأصغر إذا كانت تكاليف ..

* قاعدة هورتز : ويعطيك نسبة التفاؤل ، مثلاً 60 ، أعرف أن الطرف الآخر( التشاؤم) نسبته مكملة للمئة ، أي 40 % .

وإذا كانت عوائد تضرب الأكبر في نسبة التفاؤل ، والأصغر في التشاؤم ، < إذا كانت المسأله عوائد ، وإذا تكاليف العكس ..

..

*ملاحظة : في قاعدة الأسف ، نختار أقل قيمة سواء عوائد أو تكاليف .

* في حالة المخاطرة : يعطيك نسبة لكل حالة طلب ، وتضربها في كل قيمة في كل صف وتطلع الناتج ، وتختار الأكبر إذا عوائد والأصغر إذا تكاليف

.. ( مشروحه بالفيديو )

..

[الكسول]

بيض الله وجهك
انا كنت مفكر اخذ مدرس يراجع لي بس بعد المقاطع اتوقع مايحتاج

[صــالــح]

بك ، هك ، بخ ، هخ ، و فك ! < لفك الرموز شاهد الشرح ..

هذي مسألة الأوقات المبكرة والأوقات المتأخرة ..

بك : بداية مبكرة.

هك: نهاية مبكرة

بخ : بداية متأخرة

هخ : نهاية متأخرة

فك : الوقت الفائض

عندي أحساس أن المفك ، يبي يجينا فالأختبار