قمة التخلف في جامعتنا

[loly]

السلام عليكم
أول شي صلو على النبي ,,,,,

الموضوع ومافيه كنت أنا وصحباتي جالسين نشتغل على البروحكت حقنا و كان معانا 4 لاب توب
المهم و2 من صحباتي شابكين لابتوباتهم في الكهرباء عشان البطارية قربت تخلص وجالسين نشتغل في حالنا وأورقانا مكركبة وكتبنا وحالتنا حاله

شويه ما نشوف الا حقت الأمن ( السكرتيه ) تيجي وتقول
لا لا ممنوع يا بنات ونحنا نطالع في بعض نشوف ايش الغلط فينا يمكن وحده فينا مطلعه جوالها بكاميرا ولا شي
شويه الحرمه تكمل كلامها وتقول ممنوع تستخدموا الكهرباء حق الجامعه بسرعه افصلو الشواحن حقت الاجهزة وما مشيت لين ما أتأكدت 100 % انه فصلنا الشواحن

بالله قولولي ايش هذا التخلف الناس وصلو المريخ وقالك ممنوع تستخدمو الكهرباء حق الجامعه ولا مثلا انا وصحباتي رح نزيد الفاتورة حقت الكهرباء

ايش العالم دي ؟..... احس اني في مجتمع فيه متخلفين بنسبة مو طبيعية

تعليقاتكم ؟؟,,,!!!!!