ممكن مساعدة ؟ أفقد الأمل ولا لأ ؟

[Justice Grey]

المشاركة الأصلية كتبت بواسطة wafa al7arbi معليش ايش قصدك بالنسبة العامة انا فاهمة الخاصة بس ايش هيا العامة دي ؟؟؟ والبنت اللي تسأل انتي الانقليزي ليفل كم اللي جبتي فيه a+ لو 2 ف وراكي 3و4 لو 3 وراكي 4 فيعني لسا باقيلك مواد تعوضي فيهاآ شدي حيلك مره ف الانقليش ادا باقيلك ليفلز وشدي ف الفيزياء وحاولي تجيبي فيهم امتياز وتعوضي اللي ناقصك بسبب الكيمياءء //. وبالتوفيق ياآرب ، حتى أنا مره نفسي ف الطب ودرجاتي عالية بس الانقليش نازل فصرت افكر فالمختبرات .. فشوفي انتي تخصصات طبية تانية وادا ماجبتي الطب لاقدر الله تجيبي شبيه له بس ان شاء الله تفرحي بقبولك ف الطب وبالتوفيق مره تانية ""

لا حبيبتي a+ في ليفل 4 الحمدلله :)
إن شاءالله أعوض الكيمياء في الرياضيات و الفيزياء زي ما قلتي
و شكرا على مرورك و الله يسهل علينا كلنا و يوفقنا جميعا

[أسرار سامي♥]

آيووووآ فِي أمل
دَايماً في أمل و دايماً في ربي تدعيه كل وقت ْ
ويعني دحين هالترم فاضيه :) ماعندك آنجلش
و ترجعي البيت بدري
استغلي أوقاتك ترى خطة ألف مرة لزيزه وحتى ب :*
الفيزياء و الماث حلوييين
احضري مع دكتوراتك كويسات وافهمي مزبوط
و الاتصال و الحاسب مايحتاج اتكلم عن سهولتهممم
تضمني ال100 بسهولة بإذن ربي
أبدأ أبدا لاتستلمي من أول شي سارلك *
Yes you can do it
توكلي على الله ولا تتواكلي وشدي حيلك و موفقه يارب

[Justice Grey]

المشاركة الأصلية كتبت بواسطة أسرار سامي♥ آيووووآ فِي أمل دَايماً في أمل و دايماً في ربي تدعيه كل وقت ْ ويعني دحين هالترم فاضيه :) ماعندك آنجلش و ترجعي البيت بدري استغلي أوقاتك ترى خطة ألف مرة لزيزه وحتى ب :* الفيزياء و الماث حلوييين احضري مع دكتوراتك كويسات وافهمي مزبوط و الاتصال و الحاسب مايحتاج اتكلم عن سهولتهممم تضمني ال100 بسهولة بإذن ربي أبدأ أبدا لاتستلمي من أول شي سارلك * yes you can do it توكلي على الله ولا تتواكلي وشدي حيلك و موفقه يارب

شكرا أختي على كلامك الجميل :')
إن شاء الله أشد حيلي دا الترم
وشكرا على مرورك و بالتوفيق

[AoDi]

النسبة العامة كل مادة تضربيها في عدد ساعاتها وبعيدن اجمعيهم واقسميهم على مجموع عدد الساعات "فاكرين في الاحصاء الـ weighted mean "...كل المواد في حالة النسبة العامة

وطبعا هادا لكل مادة عدد الساعات 3 ماعدا الانجليزي 2 و المستويات اللي عديتيها ماتنحسب

طبعا مواد خطة أ اكثر فممكن تزيد النسبة العامة

[Justice Grey]

المشاركة الأصلية كتبت بواسطة aodi النسبة العامة كل مادة تضربيها في عدد ساعاتها وبعيدن اجمعيهم واقسميهم على مجموع عدد الساعات "فاكرين في الاحصاء الـ weighted mean "...كل المواد في حالة النسبة العامة وطبعا هادا لكل مادة عدد الساعات 3 ماعدا الانجليزي 2 و المستويات اللي عديتيها ماتنحسب طبعا مواد خطة أ اكثر فممكن تزيد النسبة العامة

بس قبل التخصص في إيش يطالعوا أول .. النسبة العامة ولا الخاصة ؟

[Reem Mohammed~]

لا تفقدي الامل
وربنا كريم <3

[Yasmina95]

المشاركة الأصلية كتبت بواسطة justice grey بس قبل التخصص في إيش يطالعوا أول .. النسبة العامة ولا الخاصة ؟

في التخصص يطالعوا اول في النسبة الخاصة عشان تدخلي في المفاضلة و تكوني جايبة فيها اقل شيء 85
بعد مادخلتي بالمفاضلة حيبدؤوا يعبوا اول 200 مقعد بأعلى نسبة عامة و اللي هيا نسبتك بجميع المواد ماعدا الانجليزي المستوى الاول

[Justice Grey]

المشاركة الأصلية كتبت بواسطة yasmina95 في التخصص يطالعوا اول في النسبة الخاصة عشان تدخلي في المفاضلة و تكوني جايبة فيها اقل شيء 85 بعد مادخلتي بالمفاضلة حيبدؤوا يعبوا اول 200 مقعد بأعلى نسبة عامة و نسبتك بجميع المواد ماعدا الانجليزي المستوى الاول

الله يعطيكي العافية و شكرا عالتوضيح :)

[wafa al7arbi]

المشاركة الأصلية كتبت بواسطة aodi النسبة العامة كل مادة تضربيها في عدد ساعاتها وبعيدن اجمعيهم واقسميهم على مجموع عدد الساعات "فاكرين في الاحصاء الـ weighted mean "...كل المواد في حالة النسبة العامة وطبعا هادا لكل مادة عدد الساعات 3 ماعدا الانجليزي 2 و المستويات اللي عديتيها ماتنحسب طبعا مواد خطة أ اكثر فممكن تزيد النسبة العامة

طيب تعرفي كم قفلت دي النسبة للسنين اللي فاتت لان كل اللي اعرفو النسبة الخاصة (ادري انها تتغير على حسب الدفعة بس بعرف كم تقفل ف الاغلب)
وشكرا

[فيصل هندي]

يا اختي لا تشيلي هم اي شي إحنا بالتحضيري نسوي كل الي علينا و نترك الباقي على الله
ماراح تسوي شي اكثر من الي مكتوب لك .. و انتي سوي كل الي عليكي عشان لا تندمي ف ياي وقت

و بعد ذلك التسكين في الطب يعتمد على دفعتك إذا كانت شاطرة او لا

و الله يوفقك و يدخلك التخصص الي راح تنجحي فيه سواء الطب او غيره