شهادة الانتساب لا تقبل في الماجستير

[pinkberry20]

اخوي وش التخصص الي طلبت

لاني قريت شروط بعض التخصصات كاتبين بالانتظام

وبعض التخصصات مو كاتبين بالانتظام

[آخر ماتبقى]

ادارة اعمال

[pinkberry20]

فعلا انا قريت شروط التخصصات ادارة اعمال لازم تكون خريج منتظم

لكن اداره عامه مافيها هالشرط

جرب وسجل بتخصص ثاني

ويارب يقبلون وبشرنا

[pinkberry20]

شوف هالملفين

[امير نفسه]

المشاركة الأصلية كتبت بواسطة آخر ماتبقى السلام عليكم ..... مشكلة هالشهادة .... انا عارف ان الانتساب ليس كالانتظام بصراحة بس جامعة الملك سعود ترفض قبول تكملة الماجستير اذا انت خريج انتساب جامعات اهلية زي اليمامة والشرق ترفض الانتساب بحجة مستوى الجامعة مايتنازل يقبل الانتساب خوف على مستوى الجامعة التعليمي وش الحل؟؟؟

هذا الكلام غير صحيح
انا خريج انتساب وادرس ماستر بجامعة الملك عبد العزيز ولي زملاء يدرسون بجامعات اخرى

[آخر ماتبقى]

انا عارف ان جامعة الملك عبدالعزيز هي الي عامله طبخه الانتساب عشان كذا تقبل هالشهادة كتكملة ماجستير يقولون طباخ السم لازم يذوقه ههههه

بس جامعة الملك سعود ماتقبل الانتساب كلية ادارة الاعمال عندهم ماتقبل لا موازي ولا غيره رايح بنفسي ياناس

ماضيعنا الا قيل وقال الواقع غير

[%Bander%]

المشاركة الأصلية كتبت بواسطة آخر ماتبقى انا عارف ان جامعة الملك عبدالعزيز هي الي عامله طبخه الانتساب عشان كذا تقبل هالشهادة كتكملة ماجستير يقولون طباخ السم لازم يذوقه ههههه بس جامعة الملك سعود ماتقبل الانتساب كلية ادارة الاعمال عندهم ماتقبل لا موازي ولا غيره رايح بنفسي ياناس ماضيعنا الا قيل وقال الواقع غير

برنامج ماجستير ادارة الاعمال في جامعة الملك فهد للبترول والمعادن اقوى من جامعة سعود
و احد الزملاء يدرسه الان

[pinkberry20]

فعلا طلع كلامك صحيح ميه بالميه

قالو لي مانقبل خريجين الانتساب والتعليم عن بعد في كليه اداره الاعمال بكل تخصصاتها

بس تقدرون تقدمون ع كليه الترابيه والاداب ونقبلكم

بالله احنا خريجين اداره نروح نتخصص ايش في التربيه والاداب وش هالظلمممم لخريجين الاداره

لاتطبيق مثل التخصصات ولاماستر

وش الحل يعني

والابتعاث الداخلي اكيد يشترطون خريجين انتظام وماراح يقبلونا

والي يقول جامعه عبدالعزيز وفهد

طيب سكان الرياض وش يودينا جده والشرقيه

حسبي الله عليهم

[عبدالعزيز المقبل]

المشاركة الأصلية كتبت بواسطة pinkberry20 فعلا طلع كلامك صحيح ميه بالميه قالو لي مانقبل خريجين الانتساب والتعليم عن بعد في كليه اداره الاعمال بكل تخصصاتها بس تقدرون تقدمون ع كليه الترابيه والاداب ونقبلكم بالله احنا خريجين اداره نروح نتخصص ايش في التربيه والاداب وش هالظلمممم لخريجين الاداره لاتطبيق مثل التخصصات ولاماستر وش الحل يعني والابتعاث الداخلي اكيد يشترطون خريجين انتظام وماراح يقبلونا والي يقول جامعه عبدالعزيز وفهد طيب سكان الرياض وش يودينا جده والشرقيه حسبي الله عليهم

ما ذكر أعلاه مخالفة واضحة وصريحة من القسم المذكور للمادة 13 من لائحة الدراسات العليا
فليس له تحديد نوع الدراسة التي على اثرها يقبل او لا يقبل..
المهم ان يكون المتقدم حاصلا على الشهادة الجامعية من جامعة معترف بها مع تحقيق شرط المعدل واي شروط اخرى

خاطبوا ادارة الجامعة و وزارة التعليم العالي
وخلال 60 يوما إن لم تتلقوا رد ايجابي تقدموا بشكاويكم لديوان المظالم...

[المبتعث]

السلام عليكم ورحمة الله وبركاته . . .

لدي استفسار بارك الله فيكم . . . .
اردت اختبار قدرات ودخلت على موقع قياس وحصلت كلها لطلاب التعليم العام وبالنسبة للجامعيين كاتبين المستويات وحاطين( 1.2.3.4.5.6، خريج)
أتوقع هذي خاصة بالمعلمين .
وسؤالي بارك الله فيكم اختبار قدرات للي عنده رغبه في دراسة الماجستير ، أين أجده ؟
وشكراً . . .