ساعدوني في الإنسحاب من الجامعة ؟

[عبدالكريم عمر الحارثي]

الله يعطيكم العافيه جميعاً ولكن ما توقعت بصراحه أخذ درجة خايسه في الإحصاء الدوري الاول والمصيبة الأكبر في الدوري الثاني
مع العلم أن درجاتي فل مارك في الأحياء والكيمياء
هذا سبب أنسحابي بصراحه راح عليه 20درجة في الاختبارين في الأحصاء

المهم أشكركم على التجاوب أنا طموحي عالي وأتمنى لو تجاوبوني على سؤال الإنسحاب

الله يوفقكم جميعاً

[حيــــــاة]

بدايةً بجاوب على سؤالك ..
* الإنسحاب في اي وقت تقدر تنسحب ،، كل الي عليك انك تروح للعمادة وقولهم ابى انسحب وبيوقعوك على استمارة انسحابك وكذا طلعت من الجامعة .
* ماشاء الله موزونك عالي يقبلك السنة الجاية بالراحة ، بس اهم شيئ لم تقدم يكون عدى على انسحابك من الجامعهة 3 شهور .
.،.
بس نصيحة قبل لاتنسحب ،، الي الي مخليك مو قادر تتحمل ؟
درجاتك دوري اول وثاني ؟ حاسس انها مابتوصلك لحلمك ! ومابتدخلك التخصص الي تبيه !
طيب عالأقل حاول لنهاية الترم وشوف معدلك كيف يكون .. باقي معك 40 درجة فاينل كفيلة انها ترجح بكفة معدلك ككامل .. ممكن يكون في بونسات محترمه تعوض النقص ،
بتجتهد وتشد حيلك وتغير طريقة دراستك في هالشهر وتتعلم من اخطائك وتمشي كويس في الفاينل وتفرح لم تشوف الدرجات وتقول الحمدلله اني ماسحبت .
منت عارف اش الي لسى مخبى لك ،،
اذا انت ماشاء الله مستواك اساساً عالي بس صدمة بداية التحضيري <وعوامل التعرية > اثرت عليك وقفلتها كدا في وجهك ،،
استنى شوي على نفسك وكمان حاول ،، اذا انت اساساً هالفترة ماعندك شيئ ومافي جامعه بتقدم عليها عالترم الثاني يعني منتظر منتظر الين رجب ،، فكمل الترم <هذا اذا كان سبب انسحابك هو المستوى الدراسي مو شيئ ثاني مانعك انك تكمل >

واخيراً تأكد إن عندك طموح عندك حلم عندك هدف تبي توصله مافي مخلوق يقدر يوقفك ومافي مادة توقف في وجهك لا احصاء ولا منسقها ،
الي نقصته في مادة عوضه في غيرها ،، حاول واسعى ولاتتخاذل وربي مابيضيع لك تعب ،

مو مشكلة انك تنسحب عشان لاتضطر تدخل تخصص ماتبيه وهذا مو عيب <انا وحدة وقفت سنتين ونص كاملة عشان لا ارضى بالقليل >
بس المهم انك ماتتراجع من اول او ثاني او عاشر مطب ،، ذام باقي في محاولات ادخلها خوضها واجهها انت تقدر وتقدر وتقدر وتقدر ..
بس كمل هالترم وبعدها انسحب ..
.،.


الله يوفقك وييسر لك دروب الخير : )

وآسفه عالهذرة الكثير ><

[حيــــــاة]

وبكرة كيمياء ابسحب

ماخذ 30 في الدوري الاول وبتسحب في بكرة ليش ؟
وان كنت للآن ماذاكرت ،، استهدي بالله وقوم فك كتابك ،،
صدمتك من الاحصاء قفلت كل شيئ في وجهك ،، بس صدقني والله باقي باب .

وإن كنت معزم مره بتطلع من الجامعه ،، عالأقل انسحب بقوة وانك حاولت لآخر رمق وماتخاذلت ،،
ادخل امتحان بكرة .. ادخله ادخله ولاتضيعه .
عشان صورتك قدام نفسك انك دخلت بقوة ونزلت اقوى وبمحاولة لآخر يوم ،،


م ووووو ف ق : )

[Reem Mohammed~]

أدخل وكمل اختباراتك الان ،
حسب ما شفت انه مو انت لوحدك الاختبار كان صعب بالنسبة له ..
وهذا يعني انه الجميع راح تنزل معدلاتهم ..
وبالتالي المنافسه وقت التسكين راح تكون متساوية تقريبا ..

اعطي نفسك فرصه لما بداية الفصل الثاني وبعدين يحلها الف حلال ..
بس لا تتسرع في لحظة غضب

بالتوفيق يااارب

[عبدالكريم عمر الحارثي]

ربي يعطيكم العافيه جميعاً بصراحة ودي أرد على كل واحد منكم لكن لن أوفيه كامل حقه أنتم ناس جلتموني اشعر بأني لست وحدي
أشكركم من أعماق قلبي وأتمنى لكم التوفيق وأشجع فيكم الروح العاليه وعدم الأستسلام وهذا يدل على أنكم أشخاص ناجحين ولن يقف في طريقكم
شي أسمه صعب .
بالنسبة لقراري أتخذته في لحظة أنفعال
وجاوبت على ورقة الأجابه من راسي
يعني فيه أحتمال أخذ
صفر

ومن الأفضل لي أنسحب

وأنا عارف النتيجة مسبقاً


تحياتي للجميع ويارب تتحقق أحلامكم
أخوكم عبدالكريم الحارثي تذكروا هذا الاسم جيداً لأني أعلم أني سأحقق شيئاً عظيماً في ذالحياة
ولكن الوقت لم يحن لذلك .

[وما توفيقي الا بالله]

لو تفكر فيها ,, الاحصاء ماهي من شروط الطب .. يعني ماعندك مشاكل كمل للاخر وان شاء الله ترجعلنا في ذا الموضوع وتبشرنا بقبولك في الطب

[طارق النزاوي]

اخوي عبدالكريم درجاتك جدا حلوة قرار الانسحاب متفاجأ منو لان على هذا المنوال الكل بيسحب بسبب مادة لازم تفرق بين الثانوية والجامعة .. الجامعة كل مادة على حدا يعني الطب طالبين معدل معين والاحياء والكيمياء مرتفعة والهندسة طالبين الفيزياء والرياضيات .. انت الحين تشوف الشيء اللي تكون افضل فيه وتختار تخصصك .. الاحصاء نذاكر شيء والاسئلة تجينا بشكل مغاير لاننا احنا نحفظ شكل السوال وفهموا والانجليزي سيء عندنا فهم السوال نص الاجابة هذه النقطة اللي لازم يفهمها منسق المادة ويجيبلنا الاسئلة بشكل واضح وكثير اعرفهم مخبصين وانا من ظمنهم الاختبار الاول طلعت فرحان ةلكن انصدمت من الدرجة لكن درجتك في الاول حلوة والثاني حتى لو خبصت يبقالك 40 درجة وانت تبني معدلك على 9 مواد طيب خذلك مدرس خصوصي ممكن يفيدك انا الحمدالله استفدت من تجربة واحد قبلي واصعب شيء ف الجامعة اول شهر اذا عديتو انت ملك بسبب الظروف النفسية ا>بدال ماتسحب سوي تاجيل ترم اذا في امكانية < والله يوفقك ويسدد رايك