هنا افضل المواد الحرة والإختيارية لمسار التنظيم والتطوير الإداري فقط

[nour al3mr]

الله يجزآك الجنة و يبلغك التوفيق .

[OUOODI]

لبى قليبك الله يسعدك منذ مبطي انتظر مثل هالمواضيع

روح الله يوقثك دنيا وآخره.....

[asd997]

المشاركة الأصلية كتبت بواسطة nour al3mr الله يجزآك الجنة و يبلغك التوفيق .

اللهم امين

والفضل يعود لكم بعد الله

[فهد الشايع]

ياااااا اسد العروبه نبي الفزعه هذي موادي وش رايك فيها

1- انجليزي 102 محمول من المستوى الثاني وهل فيه مدرس خصوصي كويس تنصحني فيه بالرياض
2- تخطيط استراتيجي
3- تحليل تنظيمي
4- الاستشارات الاداريه
5- ماده اختياريه ( النظام السياسي السعودي ) مع العلم الدكتور متغير وسبق وان خذت مشروعات عامه وادارة الاجهزه الحكوميه
6- مادة حرة فن الاقناع

اتمنى الرد بسررررررررعه البرق يا اسد والا وش رايك في الجدول اغير شي والا اخليه كما هو وسلااااااااااامتك

[asd997]

انجليزي 102 يبغالها مدرس ( الله يعين تدور حتى تحصل مدرس ممتاز )
- تخطيط استراتيجي ( المنهج تغير حسب ماسمعت تأكد من الطلاب )
3- تحليل تنظيمي ( للأسف ليست في مساري )
4- الاستشارات الاداريه ( دام انها عند الدكتور الفاضل عبدالله الخالدي تعتبر مادة رفع معدل )
5- النظام السياسي السعودي ( خذها وتوكل على الله وحاول تتابع مع اخوي فهد العنزان )

اسأل الله لك التوفيق

[Abu Amaar]

اخوي اسد انا ادارة عامة تنصح بالاستشارات الادارية كا اختيارية
والمادة الحرة مؤسسات المعلومات هل دكتورها يكرر الاسئلة وهل في ملخص معتمد


بارك الله فيك

[asd997]

المشاركة الأصلية كتبت بواسطة abu amaar اخوي اسد انا ادارة عامة تنصح بالاستشارات الادارية كا اختيارية والمادة الحرة مؤسسات المعلومات هل دكتورها يكرر الاسئلة وهل في ملخص معتمد بارك الله فيك

انا بالنسبة لي اخذت التامين الصحي اختيارية بدل الاستشارات الادارية في الصيفي اللي فات وحصلت فيها على امتياز

المادة الحرة عندك اكثر من خيار وكلها ممتازه واختار اللي تشوفه مناسب لك بعد الإطلاع على المنهج
فن الاقناع و المدخل الى وسائل الاعلام و مؤسسات المعلومات

[i abdullelah]

اخوي asd997 ياليت تجاوبني ع سؤالي انا متفائل فيك حبيبي انا مساري تنظيم وتطوير اداري خذيت اختياريه ثنتين فقط 1- ادارة مشروعات عامه وخذيت 2- ادارة الجودة في الأجهزة الحكومية باقي لي وحده اختياري حسب الخطه هل لازم اخذها او اعوضها بمادة حره

والي كنت باخذها اختياريه النظام السياسي وودي استبدلها بمادة مؤسسة المعلومات بالاضافه اني باخذ المواد الحره المتبقية

يعني الي اقصده حسب الخطه ثلاث اختياري وثنتين حر هل فيه اشكاليه لو اخذ ثنتين ثنتين اختياري وثلاث حر او مثلا وحده اختياري واربع حر

[asd997]

المشاركة الأصلية كتبت بواسطة i abdullelah اخوي asd997 ياليت تجاوبني ع سؤالي انا متفائل فيك حبيبي انا مساري تنظيم وتطوير اداري خذيت اختياريه ثنتين فقط 1- ادارة مشروعات عامه وخذيت 2- ادارة الجودة في الأجهزة الحكومية باقي لي وحده اختياري حسب الخطه هل لازم اخذها او اعوضها بمادة حره والي كنت باخذها اختياريه النظام السياسي وودي استبدلها بمادة مؤسسة المعلومات بالاضافه اني باخذ المواد الحره المتبقية يعني الي اقصده حسب الخطه ثلاث اختياري وثنتين حر هل فيه اشكاليه لو اخذ ثنتين ثنتين اختياري وثلاث حر او مثلا وحده اختياري واربع حر

لابد من اخذ ثلاث مواد اختيارية

المواد الحره ممكن تعوضها بالاختيارية

اما المواد الاختيارية لاتعوض بالمواد الحره

[بن ياتي]

أخواني اتمنا منكم مساعدتي انا خلصت 113 ساعة ومعدلي 2.4 والجدول نزلي فيه 6 مواد وكلها هي 3 ساعات والمواد هي :
النظام السياسي السعودي
الحكومة الالكترونية
بحوث العمليات
التحليل التنظيمي
الاتصال في المنظمات العامة
القيادة الفعالة
بحث وتدريب -تنظيم وتطوير

تكفون مساعدتكم لي لأني احتاج أرفع معدلي شويا وأتخرج وهل تنصحون في حذف بعض المواد