العدل في ماده الاحياء بين الخطتين

[ابوطالب الشريف]

بسم الله الرحمن الرحيم السلام
السلام عليكم ورحمة الله وبركاته
الحمدلله ان السنة التحضيرية عدت،
خلصت بخيرها وبشرها
لكن في نقطة مهمة جدا لازم ما نسكت عنها
اللي هي مادة الأحياء،
كلنا عارفين ان المنسق حق الأحياء للخطة ب كان متساهل معاهم وماشي معاهم زي الحلاوة، اختبارات سهلة+اسئلة مساعدة يجي اغلبها في الاختبارات( بالنص )، حتى انه كان يسوي حصص مراجعة قبل الاختبار و يعطيهم مجموعة من الأسئلة و جاتهم بالنص في الاختبار النهائي، يعني الطلاب للخطة ب دخلوا الاختبار و في جيوبهم 40 درجة، 30 سؤال مساعدة و 10 جات من الأسئلة اللي في حصة المراجعة، اللي يقرا الموضوع هذا لحد هنا يقول ان المادة مزبوطة و منسقها مزبوط، لكن لمن يكمل قراءة اللي حقوله الحين راح ينصدم و ماراح يصدق اللي صار، المشكلة يا احبابي انهم لمن عرفوا اللي سواه منسق الأحياء غيروه على طول!!!
لمن سمعنا احنا طلاب خطة أ هذا الخبر انصدمنا بشدة في البداية، لكن قلنا لعل وعسى يكون افضل من اللي قبله، لكن المفاجأة كانت لمن سمعنا من بعض الطلاب للدفعات السابقة بأن المنسق الجديد من اسوأ المنسقين لقسم الأحياء، وهاهم اعادوه لنا مرة اخرى، حاولنا اننا نتجاهل الامر، لكن كانت الفاجعة في الاختبار الدوري الاول، اعطونا اسئلة مساعدة( 30 ) سؤال ولم يأتي منها الكثير، بل إنهم اتخذوا طريقة جديدة الا وهي وضع نموذجين صعبة و نموذجين سهلة، وكل نموذجين يحتويان على عدد معين من الأسئلة المساعدة، بل ان الاسئلة كانت صعبة نسبيا ولم تكن بتلك الدرجة من الوضوح، و نفس الحال تكرر في الدوري الثاني، وفي النهائي ايضا، الشاهد من هذا الكلام كله، اين العدل بين الخطتين؟ لماذا يتم تغيير المنسق بين الخطتين؟ لماذا لا يتم معاملة الخطتين بنفس الطريقة بنفس النظام؟ يعني احنا ايش ذنبنا اذا طلاب خطة ب اكثرهم a+ و a؟ واحنا عدد كبير مننا حاملين المادة و درجاتهم منخفضة، وين العدل؟ على الاقل اذا يبغون يغيرون المنسق يغيرونه مع الدفعة الجاية مو بين الخطتين!!!
لم نسكت على حقوقنا احنا خطة أ ورحنا لقسم الأحياء بعد الدوري الثاني و قالوا انهم راح يعطونا بونس في النهاية، لكن للأسف كانت مجرد( تصريفة ) وكأننا اطفال يتم التلاعب بنا، فلم يعطونا ولا( نص ) درجة بونس، بل ان كثير من الطلاب يجزمون بأنهم حصلوا على درجات اقل مما يستحقونها، يعني نقصوهم درجات، فلازم يا شباب ما نسكت على حقوقنا ونروح لمدير الجامعة ونشتكي لان قسم الأحياء ماعاد ينفع معاهم الكلام ابدا، تكفوون يا شباب شدوا الهمة وخلونا نشتكي للمدير عشان يزودونا بونس مزبوط عشان يعدلون بيننا ع اقل تقدير...