كلية الطب هدفك؟....إذا تفضل لو سمحت.

[Miss Dreamer]

من جد كلام أخويا فراس صحيح 100%

إذا كان هدفكم كلية الطب أو اي كلية ثانية لازم تشدوا حيلكم ..
وتخلوا اللي بتدرسوه الآن بالتحضيري للمعرفة العامة مو بس عشان الإختبار ..

أما بالنسبة لكلية الطب ..
ركزوا كثير عالأحياء والكيمياء لانها أساسيات .. (( ماعدا جزء النبات فالأحياء ماحيمر عليكم فالطب ))

دحين احنا بندرس كيمياء حيوية وكثير بنات معايا فالدفعه وانا منهم
نلخبط فالأساسيات ،، زي مثلاً أبسط شئ أنواع الروابط وبنرجع لكتاب الكيمياء حق سنة أولى عشان نراجع معلوماتنا المتبخرة

=-=-=-=

xamnus

بالنسبة للكتب ،،

أفضل شئ لك كبداية تشوف المصطلحات الطبية وكيفية تركيبها ..
عندك كتاب Medical Terminology لـ Chabner

بالتوفيق ..

[Feras L. Kindi]

الأخ fi9 ماقصر معاكم :)

المشاركة الأصلية كتبت بواسطة Miss Dreamer من جد كلام أخويا فراس صحيح 100% إذا كان هدفكم كلية الطب أو اي كلية ثانية لازم تشدوا حيلكم .. وتخلوا اللي بتدرسوه الآن بالتحضيري للمعرفة العامة مو بس عشان الإختبار .. أما بالنسبة لكلية الطب .. ركزوا كثير عالأحياء والكيمياء لانها أساسيات .. (( ماعدا جزء النبات فالأحياء ماحيمر عليكم فالطب )) دحين احنا بندرس كيمياء حيوية وكثير بنات معايا فالدفعه وانا منهم نلخبط فالأساسيات ،، زي مثلاً أبسط شئ أنواع الروابط وبنرجع لكتاب الكيمياء حق سنة أولى عشان نراجع معلوماتنا المتبخرة =-=-=-= xamnus بالنسبة للكتب ،، أفضل شئ لك كبداية تشوف المصطلحات الطبية وكيفية تركيبها .. عندك كتاب Medical Terminology لـ Chabner بالتوفيق ..

يعطيكي العافيا أختي وبالفعل هذا الكتاب اللي راح كنت اقترحه :)

وعندك كتاب الأناتومي حق الجامعة اسمه fundamental of anatomy
و كتب باداوود ( General Histology )
أنصح في الكتابين دول وبشدة الأول عمارة عن رؤوس أقلام لتشريح جسم الانسان وهو اللي المقرر علينا هذه السنة واعتقد السنة القادمة واللي بعده كمان خاص بالخلايا والانسجة.

اشتروا الاول من مكتبة الكتاب الطبي والثاني من دار الحافظ اللي بنفس شارع قرطاسية 2000 ... اعتقد عرفتوا مكان القرطاسية فين الحين

وبالنسبة للثاني عند دوار الجامعة عند الجامعة بلازا خلي الجامعة بلازا ع يمينك والدوار قدامك .. خذ الدوار ولف يمين راح تلاقي المكتبة ع يسارك صغيرة لوحتها مو كبيرة ..يعني لازم تسوي لها يو تيرن.

أنصحكم بشراء الكتب اللي فوق اللي ناي من جد يدخل وشادد حيله .. الاول بـ150 تقريبا والثاني بـ46 أعتقد.

افتحوها واقرأوها اتصفحوها تراها سهلة.

[الحمد الله على كل حال]

نصيحة نصيحة لاتفكروا ان طب عشان ماما ولا بابا
صدقوني اي مجال قريب من ميولك راح تتوفق فيه وكمان حتجيبوا معدل براحه فيه

صدقوني الطب مجال يعتمد على ناس شطار بالاحياء لهم قدره على تحليل المشاكل الاستنتاج يعني بالنهاية بعد 7 سنوات انت مطالب بعلاج المرضى سواءا درستوا المرض او لا
يعني مافي شيء بمجال الطب ان هادا الجزئيه مو معانا وهاذي الجزئيه ماتدخل بالاخختبار
صدقوني خلوا هدفكم علاج المرضى وزيادة نسبة الاطباء المتميزين بالسعودية مو بس لبس والشكل وفلان دخل طب
اذا كانت اسبابك لدخول الطب هو البرستيج او حلم امي او ابي نصيحة خلي مقعدك للي راح يبدع فيه

السنة التحضيريه سنه بسيطة جدا يعني معدل بسهوله تقدر تتاخد اربعة ونص بس مو عشان كادا خلاص انا راح ادخل طب لا
ادخل الي راح تبدع فية
في مجال الطب مجال صيدلة علوم طبية علو حاسب بزنس لو طخلت اي مجال ومعدل تخرجك فوق الاربعة ونص معنى دالك ان المجال ناسب ميولك وكل الوضايف جاهزه لك