محتارة في امري احول او لا..؟ ساعدوني جزاكم الله خير

[cuty]

شوفي ياقمر اول شي استخيري والله يخترللك اللي في الخير إن شاء الله ...انا انجليزي ودخلته لاني صراحه مرررررره احب الانجليزي وفي التحضيري اخدت في 98 بس لمن دخلت التخصص الله لايوريكي والله اني كرهت عمري حسيته جداااا صعب وممللللل جدا ادب وبلاغه ونقد ومسرح وشكسبير واوووووو ويبغالوا شدة حيل وماتفوتي عليكي ولا محاضره ويالله يالله هادا وانا الحمدلله اللغه عندي في الكلام والفهم مره تمام بس اكتشفت انه مو هادا المهم والله ...عشن كدا استخرت وحولت علم اجتماع لان لمن فكرت فيها الوظيفه والله انتي وحظك اذا ربنا كاتبلك هيا حتاخديها حتى لو معاكي ثانوي وغالبا فالوظايف اهم شي الانجليزي والحاسب يعني فالمقابله الشخصيه الحمدلله اقدر اتكلم وافهم انجليزي تمام ودحين دخلت دوره كمبيوتر عشان اخذ الرخصه الدوليه لقيادة الحاسب باذن الله وهاذي الشهاد ممكن توظفك حتى لو مامعاكي الا ثانوي يعني والله ادخل القسم اللي يريحني وسهل علي ولا اني اتعذب نفسيا فالانجليزي ذا وياكثر البنات اللي شهاداتهم انجليزي وطايحين فالبيت بدون وظايف...عشان كذا تبغي نصيحتي استخيري ربنا واختاري القسم اللي يريحك واذا تقدري خذي دوره حاسب والله تنفعك كثييير فالوظايف واذا ماكنتي تعرفي انجليزي كثير برضه خدي دوره انجليزي من اي معهد افضللك من الجامعه والله اني جلست سنتين فالقسم وما استفدت منه ولا شي.. والله اني افتح فلم امريكي استفيد من الترجمه اكثر من القسم نفسه والله يخترلك اللي في الخير :)

[خنفشاريه]

الله المستعان ....

[شناشن]

اعتذري ترم وخذي دورة انجلش وحاولي تطوري نفسك في القرمر والرايتنق والسبيكنق
وربي يوفقك اختي الانجلش مره مطلوب

[طالبه محتارة]

أختي اووول شي استخيري... ثاني شي اذا انتي ماتحبي الانجليزي خلاص حولي لتخصص انتي تحبيه.. ولاتشيلي هم الوظيفة الارزاق بيد الله سبحانه... بالتوفيق

[رشــآ]

انا اقول خدي علم اجتماع مرره سهل وحلو كثير اخذوه وقالو سهل وكمان لو مستقبل
ومرره صعب انك تكملي الانجليزي ومو عاجبك
واهم شي استخيري وسوي اللي يريحك والله يكتب لك اللي فيه الخير

[ريموووووو]

ادا مو قادره و مرا متعبك و شايله مواد
انصحك تغيريه
خدي شي تاني يناسبك

[شناشن]

أدخلي دراسات اسلاميه ح ينفعك دنياء ودين