تحويل من تنظيم وتطوير الى علوم ادارية

[موووج الغلا]

ول مااا عندهم ولا مادة حره ولا مادة اختياريه

بطير علي كدا 9 ساعات

بس التخصص اشمل والا لا ؟؟

[بنت المدينة المنورة]

بالضبط 9 ساعات حتى انا :(

ايوا انا اللي شدني للقسم حسيته أشمل وحتى مسماه يمكن يتقبلوه اكثر في التوظيف
خاصة ان عندنا ناس عندهم تناحه ويفهموا على كيفهم يعني تقولي تنظيم وتطوير يتوقعوا انك تنظمي الملفات ويقترحوا عليك وظيفة في الأرشيف خخخخخ

أنا عندي دبلوم إدارة مكاتب دايما يحسبوه شي تبع المكتبه والكتب !! حطموني :(


المهم انا تقريبا شلت فكرة التحويل من رآسي

[alhlm]

العلوم الادارية = برنامج

التنظيم و التطوير الاداري = قسم علمي من اقسام الكلية

السؤال ايش الفرق بينهم ؟؟؟؟؟؟

[افتكروني]

ايش الفرق بين التنظيم والتطوير الاداري والعلوم الاداريه
وايهما افضل....

[موووج الغلا]

كلنا نفس السؤال ؟!!

[google 01]

تخصص مرة حلو ومجلاتة كثيرة بس اعتقد انة جديد هذة السنة اول سنة واذا حولتي ما راح يكون في طلاب في نفس مستواك

[لجين الشريف]

غريبه مآفي حره وآختيآري !

لو كنت بمكآنكم حولت بس رآحت عليآ
شفت الخطه تجمع جميع موآد الاقتصآد والادآره
يعني آكيد مجآلات التوظيف آكثر
وآكيد رآح توجهو صعوبآت بالبدآيه بحكم انو تخصص جديد بس
مع العزيمة مافي شيء اسمو صعب
عمومآ استخيرو واللي الله كآتبه بيصصير

[النديم]

الواضح بما انه برنامج جديد راح يجربوا الدراسة فيه إلى أن يتم التمكن من المواد بعد كذا يترقى و يصير قسم
الفرق بينه و بين التنظيم و التطوير مواد العلوم الادارية اعم من التنظيم والتطوير الاداري ( قسم ماله تخصص معين )
فيه مواد حسابية اكثر من التطوير و التنظيم و فيه مواد من قسم الاجتماع ومن علم النفس و الخدمات الصحية و من الادارة و من ادارة الاعمال و الادارة العامة مسار عام و من الاقتصاد ومن الأنظمة ومن البيئة بعد ....

ما خذ من كل قسم مادة أو أكثر فالواضح امامنا الان أن القسم يعتبر مساره عام

لكن التنظيم والتطوير الاداري المواد التخصصية في الإدارة و التنظيم و التطوير وتدور حول بين الثلاث اشياء هذة

والشي اللي انا شخصيا تفاجأت به أن العلوم الادارية عدد ساعات التخرج 121 ساعة فقط

و التنظيم و التطوير الإداري 129 انا ما أدري وش الحكمة

[موووج الغلا]

والله احترت احس تخصص العلوم الاداريه اشمل من تخصصنا

القهر ان بتطير مني 9 ساعات كمان الفرقيه في عدد الساعات بين الخطتين

!!!!

[amazing]

اخت موج
اعتقد انو تخصص علوم اداريه اشمل من التخصصات الاداريه اللي في كليه الاقتصاد والاداره وفرصو الوظيفيه مررا كثيره والمناصب اللي حتتوليها حلوه ومرتبها عالي غير عن الفرص الوظيفيه المتاحه قي الاقسام الاداريه الاخرى انا افكر احول فيه كمان وحتروح عليه 9 ساعات زيك
اول شي استخيري وتوكلي على ربك