الاوراق المطلوبة عند التسجيل..

[Sweet Dreamz]

المشاركة الأصلية كتبت بواسطة ana1993 يا ناس انا الى الان ما سحبت ملفي :*( وقدمت ع الجامعة وارسلت 14 رسالة تقربيا اشرح لهم ع الاميل ولا احد رد وكلمتهم وكمان ما في رد وسجلت هل تتوقعون يلغوا طلبي عشاني ما كملت 3 شهور منسحب من الجامعة وايش الحل

اخوي , محد راح يرد عليك لا تتعب نفسك ..
بس انت لخبطتني ><"

اول سطر قلت انك ماسحبت ملفك وآخر سطر كاتب انك منسحب!

ياليت تفهمني عشان اقدر اساعدك ..

عموما لو سحبت ملفك وكان شهادتك مختومه من الجامعه اللي انت فيها فـ لازم يمر اقل شي 3 شهور هذا بعد ماتسوي اخلاء طرف من الجامعه اللي انت فيها عشان تقدر تسجل بـ جامعه ثانيه

موفق يارب

[ana1993]

ملفي موجد عند الجامعة لان ما سحبته لاني ما اطلعت ع الشروط الا 1 شعبان واكتشفت حتى لو سحبته ما راح اكمل 3 شهور وكذا بكون ما سجلت في الجامعة وكمان مسحب من جامعة وبضيع سنة كاملة !!!! ما في اي طريقة اتخلص من هذا الشرط الغبي !!! اانا الان مسجل في جامعة ملك سعود ّ! وما ابغى اسوي اي خطوة الين ما اعرف الخطوة المقبلة ايش راح تكون .
ايش برايك اسوي لان ابغى ادرس في جامعة الملك عبدالعزيز الترم الجاي كيف .. وكيف اتفادى الشرط هذا وما في اي امل اي مجال عشان انقبل لان كل شي كويس من ناحية السنة ومن ناحية الانذرات وضعي سليم بستثاء هذا الشرط

[Sweet Dreamz]

المشاركة الأصلية كتبت بواسطة ana1993 ملفي موجد عند الجامعة لان ما سحبته لاني ما اطلعت ع الشروط الا 1 شعبان واكتشفت حتى لو سحبته ما راح اكمل 3 شهور وكذا بكون ما سجلت في الجامعة وكمان مسحب من جامعة وبضيع سنة كاملة !!!! ما في اي طريقة اتخلص من هذا الشرط الغبي !!! اانا الان مسجل في جامعة ملك سعود ّ! وما ابغى اسوي اي خطوة الين ما اعرف الخطوة المقبلة ايش راح تكون . ايش برايك اسوي لان ابغى ادرس في جامعة الملك عبدالعزيز الترم الجاي كيف .. وكيف اتفادى الشرط هذا وما في اي امل اي مجال عشان انقبل لان كل شي كويس من ناحية السنة ومن ناحية الانذرات وضعي سليم بستثاء هذا الشرط

والله ياخوي وضعك صعب
بس تتسهل بإذن الرحمن ..

شوف ماراح يمديك تدخل جامعه الملك عبدالعزيز الا عالترم الثاني من السنه الجايه هذا اقل شي ..
بس الترم الاول مستحيل بحكم انك ماكملت 3 شهور منسحب

برأيي خليك في جامعه الملك سعود دامك ماشي فيها ومافي ظروف تمنعك .. ولا تضيع على نفسك سنه
ولكن اذا كنت مصر تدخل جامعه الملك عبدالعزيز اسحب ملفك من الان وسجل عالترم الثاني اذا ماكنت تبي تخصص طبي طبعا .. لأن التخصصات الطبيه نظامها سنوي مو اترام وبـ كذا راح يضيع عليكك ترم بعد ><"

هذا الحل الوحيد للأسف =(


الله يوفقك يارب ويسهلك امورك ..

[ana1993]

بالسنبة الى اخلاء الطرف اذا قدرت بطريقة ما اخلي جامعة ملك سعود يوقعن اخلاء الطلاف ع اساس انه قبل شهرين هل راح تمشي واتخلص من شرط 3 شهور هذا اللي ما خلني انام زي الناس والعالم وكيف الجامعة يتاكدون من هذا الشرط وشكرا اختي

[AlSAbEi]

إذا قدرت تقنع العمادة يقدموا التاريخ شوي بورقة إخلاء الطرف..
أو تخليهم ما يختموا على الشهادة.. فوضعك في السليم..
وترى هالإجراء بسيط جداً بس إن شاء الله تطب في واحد متفهم..
ولو عندك واسطة هناك أو تعرف أحد الدكاترة.. كلمّه وازهلها =)

بالمناسبة.. أنا كنت بجامعة ام القرى وحولت هنآآ..
طبعاً قبل مَ أحول جيت العمآدة وسألتهم:
تقبلوني لو اسحب الملف من أم القرى الآن.. (قبل شهر من التسجيل)
لقيت الموظفين ما يدرون أساساً عن الشرط.. وقلت لهم انه مكتوب في الموقع
قام دخل الموقع وقرأ الشروط ونادى خويه وجاء وشفتهم ماهم فاهمين شيء
تركتهم ورحت أم القرى ناوي أسحب ملفي وأحاولهم ما يختموا..
والحمد لله سحبته بدون ختم ولا شيء =)

آعتذر عن الإطالة