نبي تجمع لرفع شكوى على الحركان والادريسي

[لعبتي]

وش السالفه ؟
وش الماده ؟
من الدكتور؟

[مشعل أبوتركي]

المشاركة الأصلية كتبت بواسطة لعبتي وش السالفه ؟ وش الماده ؟ من الدكتور؟

السالفه عطاهم 20 سؤال مسائل رياضيه

الماده بحوث عمليات

الأستاذ الادريسي

[الــيــورو]

وش دخل الحركان المادة عند الادريسي

[مشرافي]

الله يعينكم و يوفقكم يارب

من جد شي يقهر

ما اقول غير حسبنا الله ونعم الوكيل

[بدر النفيعي]

يا اخوان الله يسهل أموركم ويعوضكم خير

لكن الماده عند الأدريسي

الحركان وش دخله بالموضوع تدعون عليه
وهو من أفضل الدكاتره بالجامعه من نواحي كثيره منها الاخلاق والتعاون مع الطلاب
وساعدنا كثير وساعد الي قبلنا كثير كثير

استهدوا بالله والله ينصر المظلوم

[وجة نظر]

الحركان من افضل الدكاتره حسب ما اسمع عنه ولاكن للاسف صحيح الماده عند الادريسي لاكن الادريسي يقول الاسئله الي حاطها الحركان

[see you later]

شباب استهدوا بالله << ماادافع عن أي دكتور لكن والله الحركان لو تبون عيونه ياطلاب الانتساب ليعطيكم أنـآ من قبل أخذت المادة عندهـ والله وانتم ماحلفتوني اني داخل الاختبار مااعرف شئ بالمادة < وبدون حاسبة وكانت كلها مسائل وقال حل على الورقة الخارجية ولاحليت ولا سؤال على الورقة الخارجية حطيت الخيارات ومشيت , وجيته بعد الامتحان وماقصر الرجال تغاضى عن الحل في الورقة الخارجية ونجحني الله يجزاهـ الف خير

وبعدين مادة بحوث العمليات أكيد كلها مسائل << متأكد مليون بالمئة ان الدكتور فهد الحركان ماله أي خص بالسالفة , لايمكن يكون بوجهين مع طلاب بوجه ومع طلاب اخرين بوجه اخر ......
والله يوفقكم ان شــآء الله يارب وتأكدوا ان شـآء الله اذا كانت المادة عندهـ كلكم ناجحين بإذن الله .

[B-52]

ليه تسبقون الاحداث يمكن يكون كريم معكم ويدفكم بالدرجات

وهذا ما عهدته على الحركان والاادريسي وياخوفي بتصرفكم هذا

تحطوا العين عليكم وتاخذوا درجتكم المستحقة بدون زيادة

انا اشوف انكم تقابلون الحركان او الادريسي وتاخذون العلم من

روسكم لراسة وبعدين لكل حادث حديث

[المسفهل]

الحركان بطل والله نفسه حلوه والله ماحببني في الجامعه الا هو رجل كريم متسامح سعودي اصيل لكن ودكم من يحطكم عند حداد والله ان نشوف ذيك المدارس مدرسة فلان لم ينجح احد

[حفيد الشوق]

يااخوات والله احترنا ، المادة نازله عند الادريسي وش دخل الدكتور الفاضل الحركان بالموضوع

واذا كان مثل ما قال احد الأخوان ان الحركان هو حاط الاسئلة نبغى الأهم مين راح يحط الدرجات ؟؟؟؟؟؟؟؟؟؟