بحيرة المسك في جدة .. صور بالاقمار الصناعيه

[ليدر أستوديو هبقات]

المشاركة الأصلية كتبت بواسطة maryam طيب مافي تقديرات متى رح تصير هذي الكارثه؟!!

أتفاولي خير

وإشاء الله ما في كارثه

قلك كارثه

لو أسمع أحد يقول كارثه ياويله

( معليش صدقت نفسي )

لن الآن شغالين في شبكة الصرف الصحي

وبعدها بيحلوا مشكلة هذه البحيره

واللي تسمى في كليتنا بحيره جنيف

وبالنسبه لشبكة الصرف

قريب ستنتهي المرحله الأولى واللي هي الشبكة الرئيسية في الشوارع الرئيسية

ورغم إن هذه الفتره كانت ممله وصعبه لكن المرحله الثانيه ستكون أمكر صعوبه وملل

وهي الشبكه الفرعيه والتي ستوصل بكل بيت ومبنى

والواحد حيجي يلقى قدام بيته محفر ولا يمديه يدخل السياره البيت أو على الأقل يجنبها قدام الباب

لكن الصبر الصبر

المهندس المعماري .. ليدر

[نضال]

بايوك ..

مافي شي اسمه لو انهار مجاري جدة فين حيودوها ...

فيه شي اسمه لو انهار جدة كلها حتصير مجاري !



مشاري

انا طلعت الصور بنفس البرنامج .. صراحة برنامج فتاك :)



تورس - مريم

الامانه و البلديه حتى الان بتحاول توجد حلول للمشكله و للعلم .. دا النوع من البحيرات منتشر في كل انحاء العالم لكن على نطاق المدن الصغيره او المتوسطة ...

جدة قطرها يبلغ حوالي 530 كلم ..

و لو عملنا مقارنه مع باريس حتلاقو ان باريس نفسها قطرها ما يتجاوز 60 كلم

اللي انا اقوله هنا ان دا النوع من البحيرات موجود في كل انحاء العالم .. لكن الامر اللي صار يشكل خطورة هو وضع السد ..

فيه معلومات مفصله راح انشرها لكم بنهاية الفصل الدراسي إن شاء الله

و بالنسبه للتقديرات , مافي تقديرات تشير الى وقت وقوع الكارثه , لكن بوجه عام الجهات المختصه ماهي تاركه الموضوع على هواه زي ما قال ليدر

[الشاكي]

أنا أول مره أشوفها من فوق

لكن أيام الثانويه

مدرس راح مع طالبين وصوروها من قريييييييييييييييييييييييييييييب

وهاتك ياقرف

وربي تقول بحيره

مد البصر

هذا من غير العمق



الله يحمي جده

[متفائل بحذر]

جده يبغالها اعادة بناء من جديد ..
كذه مرررررررررررررره ما تنفع .. البنيه التحتيه مررررررره سيئه ..
الله يستر بسسس

[قلب المحيط]

مفروض اول شيء يقوموا بيه انهم يغيرو اسم البحيرة

الله يحمينا صراحه تعتبر سوء خاتمة لو صارت الكارثة

[x_bioc]

سمتو آخر خبر





كنت باتكلم مع دكتور علم البيئه في دا الموضوع و قالي شي محد فينا ممكن يتوقعه


المصيبه يا جماعة الخير مو في انهيار السد


انتو عارفين اغلب شمال جده ردم بحر !!
فتخيلو ان خبراء البيئة في جده سوو ابحاث ولقو انو هناك في سيل من المجاري تحت الارض بيمشي جهة شمال جده


من شرق الخط السريع " يعني جهة البحيرة" الييييييييين الغرب " يعني البحر"


و قالي كمان ان الوضع اتفلت من يدنا ..... يعني يا انهم يشوفولهم حل في المجاري دي يعني يسحبوها و يودوها مكان تاني

و نفضل تحت رحمة ربي

او انو الوضع يستمر كما هو عليه ....... و حتما في الايام القليله الجيه و بنسبة مؤكده 100% حيحدث انهيار لطبقات الارض

و يمكن يحث طوفان كبير يغرق شمال جده كلها بسبب اختلال التوازن الي حيحدث في طبقات ارضيه شمال جده


و ازيدكم كمان من الشعر بيت


في حديث عن النبي صلى الله عليه و سلم بمى معناه ان حيجي طوفان بين مكة و المدينه في اخر الزمان

و يكون عقاب من الله


و اغلب المفسرين قالو ان اقرب لا يكون مكان الطوفان جهة درة العروس و جهة ابحر


و الله اعلم

[الشاكي]

الله يحمينا


أما عن الطوفان فهذا عارفه من زمان وسمعت فيه

لكن السيول اللي من تحت الأرض فهذي خطيره جداً جداً جداً


الله يجيب العواقب سليمه

[نضال]

هلا والله

بيتنا الجديد في المحمديه

طمنتني الله يطمنك ..






طيب كيف ياشباب؟؟


ما يجي نشتري جيتات ؟؟

[الشاكي]

الظاهر شوي بأروح أشتري قوارب نجاه أبو هواء

لعل وعسى

لكن الموت جاي جاي ماحد هارب منه

[قلب المحيط]

الله يستر من الجاي
لكن الحديث والله اعلم إنه بين مدينتين مقدستين ماحدد بين مكة والمدينه ممكن بين مكه والقدس او المدينة والقدس او مكة والمدينه
والله اعلم