اذا غبت عن اختبار الاحصاء ايش المطلوب عشان اختبر بوقت ثاني ..؟

[Mot]

المشاركة الأصلية كتبت بواسطة arnoty ترى الموضوع مو بالسهوله اللي انت مفكرها استهدي بالله وذاكر مو اي عذر ينقبل وراح تتمرمط اخر مرمطه لو الدنيا كذا سهله ماكان احد غلب

ليه ماينقبل العذر
يعني الي عنده عمكليه وجايب عذر ماينقبل عذره .....؟

[Mot]

انتضر ردود الباقين

[what-the]

والله الأسئلة جتنا الترم الأول طحين الله يعينك. كلها كانت لف ودواران بعكس البنات كانت سهلة

[Mot]

المشاركة الأصلية كتبت بواسطة what-the والله الأسئلة جتنا الترم الأول طحين الله يعينك. كلها كانت لف ودواران بعكس البنات كانت سهلة

وش نسوي عاد حنا الاتصال 50 فقره وهم 100
غلطه وحده حنا ننقص درجتين
الله يعين

[أم صفيه]

السلام عليكم

ايش سويت غبت ولا اختبرت

انا انتساب و50 سؤال فقط

والله يستر

[Mot]

انا انتساب يا ام صفيه واختباري يوم الثلاثاء وشكلي بغييييييييييييييييييييييييييييييييييييييييب

[Mot]

ردو علي بليييييييييز

[أم صفيه]

الله يوفقك ويسهل عليك الحين انت بدال ما تحط في بالك الغياب قي هاليومين كان ذاكرت انا ذاكرته في 6 ساعات ومذاكره اي كلام بس حليت زييين مع انو السؤال بدرجتين

بس دام القوانين والاله الحاسبه معك مره هالشي مريييح ومنجد اسهل من مما تتصور

ركز على الرموز ومعانيها وشوف القوانين وطقطق في الاله وبيجي الحل صح

على العموم استخير وانا اشوف تتوكل على الله وتختبر بدال الحوسه واحتمال مايقبلوا عذرك لانه متأخر جدا

الله يكتب لك الخيره ويوفقك يارب

[makawi_f]

السلام عليكم ورحمة الله وبركاته

أخي Mot اذا ما ذاكرت ولا ابو مشي حالك

مالك الا تغيب على قولك لان الاحصاء اغلبه سهل بس كونك ما ذاكرت راح تشوف كل شي صعب x صعب
وراح يكون حلك بالتخمين وانت وحظك يا صابت يا خابت
بس على الغالب خابت ههههههههه

المهم اليوم اختبار الاحصاء اذا ناوي تغيب رووووووووووح اقرب مستوصف او مستشفى وخذ منه تقرير غياب
ويوضح لك بالتقرير ان وضعك ما يسمح لك بالحركة والجهد
واذا كان تقريرك من مستشفى حكومي يكون أقوى وأضمن وفي الغالب الكل ماشي حتى لو كان مستوصف أهلي
وراح يحدد لك موعد ثاني ان شاء الله تختبر المادة
وفي حال انك ما جبت عذر راح تشيل المادة وتختبر فيها مع التخصص هذا اذا ما كان عليك الا احصاء
اما اذا شايل نص المواد عاد احتمال تاخد ترم خاص عشان تعديها

انا لي شخص قريب غاب عن اختبار الاحصاء ورفع لهم معاملة الكترونية وجاه الرد مثل ما قلت لك
راح يشيل المادة ويختبر فيها مع التخصص ــ علماً انه ما عنده عذر طبي

مع انه الافضل والافضل انك تذاكر على الطاير وتتوكل على الله


وبالتوفيق

[Yazzooo]

طال عمرك انا بغيت اسوي مثلك الفصل الاول في اختبار الاحصاء وخايف منه لان المادة طويلة شي يبيلها وقت ومراجعه وحل نماذج والحقيقة كان الاختبار صعب, لكن الحمدلله اخذت a+ فيها بتوفيق ربك
سالت عن الغياب وحسيت ان فيها مرمطة ويلطعونك ليما يطلع القرار وفيه ناس جابوا عذر طبي ولا انقبل
فـ انصحك حاول تجتهد وتستغل واقتك وانسى التفكير بهالموضوع والله يوفقك