الفـــــــــــــــــــــــــــــــــــــــــــــــ ــــــيزياء

[mesk al-shehry]

طيب لو سمحتوا من فين نذاكر الجزء النظري,هذي مشكلتي مع المواد..
عندي الكتاب بس ما احب افتحه,شكله يفجع

و شكرا مقدما,و الله يوفقك د.روودي

[dr.ro0ody]

وعليكم السلام شوفي انا بقولك شي انا من الناس اللي ماقد ذاكرت ولا ملخص في خطة ب وجبت ماشاءالله معدل زيك +4.60 وجيت خطة أ وحده الله يسامحها قالت لي دحين كيف بتذاكري ؟ قلتلها عادي زي خطة ب بذاكر بس من المحاضرة والنوت اللي اكتبها قالت لي لااا انتي مجنونه خطه أ ما تعديها الا بملخصات !!! وجاء الدوري الاول ويلا ما بقيت ملخص الا مسكتو ملخص هناء فرحان وملخص اشرف بركات وزويل ودفتر محاضرتي كمان ولمن نزلت الدرجه انصصدمت درجتي 20 =( قلت الدوري الثاني والله ما امسك ولا ملخص وجاء الدوري الثاني ذاكرت بس من دفتر المحاضرات وماشاءالله درجتي عااااليه مع ان استاذتي سيئة وشرحها مو ذاك الزود :/ المهم دحين انتي اللي يهمك سيبي الملخصات يمكن انتي زيي انا من الناس اللي اتلخبط من الملخصات لكن الحمدلله ربي عوضني في الدوري الثاني ... يعني مو دايما الملخصات هي اللي ترفعك يمكن يكون العكس وتكون سبب في نزولك

لا انا عايدي امشي مع الملخصات افضل من الكتب __ السمستر اللي فات الكيمياء اصلن مافتحت الكتاب بس اعتمدت على ملخصات يوسف زويل وملخص السيد ونماذج اختبارات وماشي حالي
والاحصاء كان كمان اعتمادي على ملخص السعدي واطبق على اشرف بركات يعني الكتاب كان مجرد نظرة اخيرة ودرجاتي كانت تمام __ بس السمستر هادا مابعرف ايش اللي حصل معايا كل درجاتي في النزول

ذاكري من الكتاب البروبلمز والسامبل بروبلمز اللي فيهاا شامله بالاضافه الى النوت اللي تكتبيها ثم السكشن والاسئلة اللي تحلها معك الاستاذة إن كفاك وقت شوفي اسئلة الترينيغ http://prod.kau.edu.sa/faculties/sci...ics/index.aspx حلوة وفيها أفكار وجات منها بالامتحان الدوري الاول :)

زاكرت من الكتاب تقريبا كل حاجه السامبل والبروبلمز وكمان بكتب مع الدكتورة يعني شرحها مش ولابد وكمان ملخص ونماذج بس درجتي للاسف هيا هيا ماتغيرت

[dr.ro0ody]

اتذكرك انتي مره ممتآزه في الكيميآ بسم الله عليك ِ .. بسس انتي ذآكري بإخلاص وحبي المآده ابلعيهـآ واوعدك حتمشيء يها بس انا اذكرك من قبل لا نبدأ وانتي متحلطمة من هالمآددده وماتحبينها َ لأ ، لآزم تتكي على نفسي شويهه ض1 .. الله يوفففففقك عزيزتي

حرام عليكي زعلتيني تقارني الكيمياء حبيب قلبي بالفيزياء
والله اذاكرها باخلاص واعطيها حقها وزياده بعد وشاده حيلي فيها بقوووة واضغط على نفسي اني احبها بس لحد مااخرج منها ___ لاكن الاسئله والله صعبه والكل بيقول صعبه او ممكن يكون الفشل مني انا ! لاني ماامشي في الاشياء الحسابيه زي الماث والفيزكس وكمانا السمستر الاول كانت انزل درجه عندي الاحصاء
مااعرف هوا انا شويتين مو تمام في هادي المواد
يب يب من قبل مانبدا الخطه وانا خايفه من المادتين ماث وفيزكس
وياك حبيبتي ويوفقك يارب

شوفي اسئلة الفيزياء ابدا ما تعتمد على الملخصات انا ذاكرت الملخصات بس مره ما تفيد الا للفهم بس للافكار ما تجي زيها انا انصحك انك تحضري لهناء فرحان مرره كويسه واذا ما قدرتي ذاكري من ملخصاتها مرره حلوة وشارحة بالتفصيل وكمان هي منزلة نماذج لاختبار الدوري الاول والثاني وكمان النهائي والله انه كثيير افكار جات منها لان اختبار الفيزياء كان اغلبه افكاااااار واغلبها موجود بالنماذج ويبغاله الواحد يذاكر النماذج مزبووووط الله يسهلك ويعطيك على قد نيتك دعوااتك

يب يب كان اغبلوا افكار احسها بصراحه اسئله تخصص مو تحضيري لانوا والله وانا بزاكر المنهج سهل بس في الاختبار مادري ايش يسير معايا ___ ومعاكي حق الافكار ماتجي زي الملخصات ابدا
والله انا سمعت عنها هادي الدكتورة بس اول مرة اسمع انها كويسه
طيب الله يسعدك اعطيني اوقاتها عشان بشوف ازا اقدر احضر عندها او لا
عشان انا سبت واتنين واربعاء فاضيه بس عندي محاضرة وحده مهارات اتصال
اميين يااااارب والله يسهلك ويوفقك ويحقق لك التخصص اللي تبغيه

نفس حالتي اللي تدرسني سيئه جدا جدا جدا الله يهديها بس ذاكرت معها اول بأول دفتر المحاضره + ملخصات بس يوم جيت اطبق على تمارين اختبارات اكتشفت اني مو قادرة احل شي وجلست على الباب الواحد اسبوع ،، واعتكفت عند الدكتورة بالاسئله وكانت اجاباتها وحده " هو كذا،، هو قانون " =_= جاء الدوري الـ2 ،، كنت اذاكر من يوسف زويل وصادف انه فتح موقعه بالمجان ،، يعني ما ابالغ كنت افهم لدرجة اني امسك اي سؤال واحله بنفسي ! جبت درجة بالدوري الثاني مرره حلوووة ،، و اخطائي كانت من الجزئيه اللي ما شفت محاضرتها معاه ،، بس كان جدا رائع الفيزياء فهم فقط ،، لو فهمتي بتنحل كل مشاكلك معاه ،، سؤال: دخلت على صفحه الدكتورة هناء لقيت الملخصات لتشابتر 5 فيا ليت احد يقول لي من فين اجيب الباقين اعتذر على الاطاله قلت كلام مايخدم الموضوع بشي d: دعواتي لك وزي ماقالت كياني ابلعي المادة

لاحبيبتي عايدي نورتي الموضوع
وانا نفس الحاله زاكرت الميد الاول والتاني كلوا من يوسف زويل وكتاب واحل الاسئله والنماذج بس للاسف نفس الدرجه
بس ماشاء الله انتي فهمتي ودرجتك عاليه ___ انا افهم والله واحل الاسئله بس الاختبار مااحل ماادري هوا توتر وخوف او الاسئله فعلا صعبه او انا اساسياتي ضعيفه اساسا في الفيزياء ماادري والله

[dr.ro0ody]

يآ مرحبا والله , أستهدي بالله يآ قلبي , اللي رآح رآح دحين صبي كل جهدك ف الفاينل , طبقي مقولة : إنقآذ مايمكن إنقاذه .. ح أقولك طريقة مذاكرتي والحمدلله درجاتي تمآم () الدوري الآول مامسكت الكتاب أبدا وهادا كان غلط مني لأني غلطت ف الجزء النظري ف الآختبار مسكت ملخصات أستاذتي هناء فرحآن , فصفصتها .. ترتب الآفكار مره ومسكت يوسف زويل , كآن عادي لا بأس به ومسكت أشرف بركات برضو .. أحب ملخصاته لأنها تسرّع يدي على حل المسائل كمان يجيبلك أفكار جديدة دآ كآن أستعدادي بالنسبة للدوري الأول الدوري التاني , طبعا أستاذتي ماشاء الله توب ف الشرح ف جيت أمسك ملخصات زويل , شقلب أبو الافكار اللي ف راسي قلت يا بنت ما بدهآش , وقفلته ذاكرت من الكتاب والسامبل بروبلم مرة مهمة على فكرة الكتاب أنا أذاكر بس السمرايز اللي ورا كل شابتر لأنه تلخيص لـ كلام الشابتر اللي مايخلص وملخصات أ.هناء فرحان وأشرف بركات وفالنهاية نماذج الاختبارات أتعب وأنا أقول مهممممة للأمانة ألقيت نظرة على ملخص أحمد العربي بس أكتشفت أنه بيلخبطني كمان * ملخصات هناء فرحان تلاقيها ف موقعها حمليها ما حتندمي! دكتر رودي , مرة قريت رد لكِ هنآ تقولي أنك تكرهي الفيزيا .. ممكن يكون هوا دا سبب أنك ما بتجيبي فيه درجات كويسة , شوفيني أنآ قدامك .. معروفة بعقدتي من الفيزيا وف الثانوي بما أن نظامي كان تعليم مطور رحت أخدتها ف ترم صيفي عشان أخلص منها وأرتاح بجد ما تدري قديش أنآ متعقدة منها .. لكن مآخليتها عائق قدامي , لأن هدفي أكبر منها ! خليها تحدي ويا أنتي يا هيا , اللي خلاكي تجيب إيه بلس ف الاحياء والكيميا (الله يحفظك) قادر أنه يخليكِ تجيبي درجة كويسة ف الفيزيا , بس شوية جهد منك , وبببس ! ربي يوفقك ويفتح عليكِ وييسرلك أمرك دعواتك يآ قلبي , ire .. اليوم سألنا الآستاذة على الملخصات قالت لسا ح تراجعها أول بعدين تنزلها

ياهلا فيكي حبيبتي
ماشاءالله تبارك الرحمن __ ربي يحفظك __ اجل تستاهلي الدرجات عاليه
انا والله ولاشي جنبك هههههههههههههههه
بس زاكرت الكتاب وملخص يوسف زويل وقبل الاختبار مسكت النماذج

لاكن ملخص اشرف بركات وملخصات د.هناء فرحان ابدا مامسكتها ولاادري عنها
بإذن الله راح ابدأ فيه هادا الاسبوع من اول المنهج امسكوا من اشرف بركات والملخصات اللي قلتي عليها
والله الاحياء والكيمياء اهون مليون مرة من الفيزكس

بالنسبه للفيزكس انا اصلن اكرهوا من التنوي وفي الجامعه دحين كرهتوا اكتر
تصدقي بالله ( اني ازاكر المنهج وانا يدي على قلبي واللهي ازاكروا برعب وخوف __ واخاااااااااااااااااف خووووووووف مو طبيعي لما ازاكر ويطلعلي سؤال مااعرفلوا خلاص اوصل قمه التحطيم ___ عشان كدا انا هادي الماده مازاكرتها من مصادر كتيرة زيك ماشاءالله وزي البنات
بس امسك الكتاب واقرا الاشياء اللي شرحتها الدكتورة وملخص يوسف زويل ونماذج
لاني لما اخلص الكتاب والملخص احس بانجاز عظيم وخلاص احط في راسي اني فاهمه المنهج وفي الاختبار تتسهل !

الله يوفقك يااااارب ويسهلك امورك وان شاءالله تفتحي باب الكليه بالتخصص الللي تتمنيه
ماتتصوري كيف كلامك ريح قلبي الله يريح قلبك

شوفي حبيبي الفيزياء بصراحه تعتمد ع فهمك انت !! وبصراحه قريت لك رد انك خايفه منها وتكرهيهآ ~_~ انسي موضوع الكره دا لانها ماده بتأثر زي البقية انا ذاكرتها من الكتاب ،، والتشك بونينت الموجودة فيه لكن ما انصحك بالسكاشن لانها مضيعه وقت مدري اذا تعرفي تست بانك لطلعت سالم اعتقد " فيه اسئله كثيير " وانتي هنا تحتاجي تحلي اسئله بس ابدا لا تحشي دماغك في شي مو داخل معاك بالمنهج اصلا زي اللي ف ملخصات يوسف زويل ،، ابدأئي امسكي الكتاب ولخصي النقاط المقاليه ع جنب واحفظي القوانين مزبوط واعرفي كيف ممكن تشتقي من القانون قانون اسئله الفيزيا اغلبها اسئله تعتمد ع الرسم حاولي كل سؤال تقريه ارسمي رسمه مبسطه جنبه تشرحي فيها وضع المسأله وع اساسها تشوفي القانون المناسب ابدأئ ذاكريها الان واذا عندك نمااذج اسئله احلا واحلا اشرف بركات يجيب افكااار كثيرة احس اني اتشتت معاه بس شوفي الوضع اللي ترتاحيلو انتي وابدا لا تكرري طريقه مذاكرتك اللي ذاكرتيها ف الدوريات اللي فاتت ،، حاولي تفهمي هدف المسألة والاله حقتك اللي تستخدميها تأكدي انها ع العيار المزبوط لان النواتج بتطلعع غلط ع اساسها وبالتالي حتختاري غلط انتبهي اذا المطلوب ف السؤال جا والا جتا لان الاجابتين حتكون موجودة ف الاختياري اسئله الصناديق والقوى لازم تدخلي الاختبار وانتي فاهمه كيف ممكن تحللي القوى هذي حتا لو تروحي عند دكتورة سنا تشرحلك اهم قوانين القوى وكيف تحليليها < ترا مهم جدا جدا فهمها مسائل المصعد الكهربائي لازم تكوني فاهمتها وكيف تتحل لان مليون ف الميه حتجيك الاسئله النظريه موجوده بالكتاب اي شي مثقل بالاسود او موجود ف اطار مهم ويجي كسؤال نظري ان شا الله الاقي اسئله واكتبها لك هنا < لو ماضاعت حافظي ع معدلك والحاسب خليه ف جيبك احفظي مزبوط واتوكلي ع ربك ،، :) اعرف انك شاطرة ما شاء الله فلا تجي فيزياء وتخرب الدنيا عليك عشان خوفك منها ،،، ،،،،

اي والله مااحبها بس مو معناتوا اني ماازاكرها !
بالعكس انا اي ماده ازاكرها واشد حيلي فيها ___ بس معاكي حق انا اساسا ماعندي اساسيات تمام في الفيزكس وعقلي مو حق حسابات

والكتاب والله لما ازاكر الخص القوانين والتعاريف والاشياء المهمه واحتفظ فيها عندي حتى قبل ماابدا احل اي مسأله اول شي اطالع فيها عشان اعرف احل
يب انا حضرت مرتين سكاشن وبصراحه مااستفدت حاجه

تست بانك طلعت سالم والله سمعت انوا كويس ___ انا مشكلتي مااصدق اني اخلص الكتاب والنماذج احس اني مررة سويت حاجه كبيرة وانجاز واخاف امسك اي شي تاني ماادري قلبي يوجعني هههههههههه

كرهت الاصنصير من الفيزياء والله سرت من يوم اركب اصنصير اتزكر المنهج
ومسائل القوى فاهمتها والله تمام اصلن حلوة وسهله

بإذن الله راح ابدا فيه هادي اليومين من اول المنهج شابتر شابتر من اشرف بركات والمخلصات للدكتورة هناء فرحان وبعد مااخلص احل اسئله من تست بانك طلعت سالم __ كيف كدا كويس ؟


ماشاءالله تبارك الرحمن ___ الله يحفظك يااااارب وتستاهلي والله الصيدله
ماتتصوري كيف استفدت من كلامك ____ كل كلمه قولتيها والله استفدت منها
دعوه من القلب << الله يوفقك يااااااااااااااااااااااااااااااااااااااااااااااااا اااااااااااااااااااااااااااااااااااااارب

[sara g]

الدكتورة هنااء فرحان عندها محاضرة من 8-9 ما اعرف فين القاعة وانا احضر من 9- 10 سبت واثنين واربعاء مبنى سبعة الدور الثالث غرفة 72 او 73 تصقي اني نسيييت ههه
وكمان عندها احدو ثلوث بس ما اعرف الاوقات متى الله يسهلك يارب

[ababa]

انا اقولك عن نفسي انا انسانة احب افهم نفسي بنفسي مسكت ملخصات يوسف واشرف وجمعت الافكار وقارنت وشفت الطرق وفهمتها مسكت الكتاب وماسبت فيه حاجة والحمدلله كانت الدرجات مقبولة مو على قد المذاكرة لو قولتيلي ليه اقولك انو انا زيك ادخل الاختبار وانا مو واثقة من نفسي واحل وانا اقول بنفسي حلي خطأ بس والله كانت اخطائي تفاهات بس يحتاج لها شويت تركيز انتي مسكتي كل حاجه ومابقي شيء عندك كل الافكار بس تحتاجي ترتيبيها انتي تحتاجي انك تركزي لانك فاهمه بس ركزي وابدا موصعب عليكي انتي ذكية ولو قلبتي الفكرة ببالك رح تعرفينها وتحلينها صح كمان وترا عشرين مره حلوه بما انك تفهمين نفسك بس يبغالك شوية عزيمة وباذن الله رح تجيبينها

[فستان فوشي]

انا انتي يارودي
اه بس بالدوي التاني رحت خصوصية وذاكرت اشرف والله والله والله مابقيت شئ بالكتاب والملخصات مافهمتو
وبالاخير مافي فرق بيني وبين الي مازاكرت

الحين قاعدة استشير ماما اكمل مع هالخصوصية ولا اعتمد على نفسي
كلهم يقولولي عتمدي علي نفسكوانتي الي ضيعك التشتت تبغي مدرسة وتبي ملخصات
اعطيت المادة زياده عن حقهاإ
انا احس الي مضيعني الخوف والقلق بالاختبار
ايام اكون فاهم تمام بس عشاني ادي نفسي رسايل شلبية خلاص ماحل

الفيزيا متعبتني موت
والحين نفمفسي قرف ابغا ابدأ اذاكر بس خوف موطبيعي يخليني اول مافتح المنهج احس برعب شعور ماعرف اوصفو بش بدون مبالغه احس بخوف ودموعي امسكها وكانو المسأله مسأله حياة وموت

نفسي اجيب درجة بالفيزيا زيو زي الكيميا
الاحياء الي هوا عقدة وصعب تغلبت عليه
الفيزيا حاولت
عشان محد يقولي حاولي والله حاولت وشديت وكل
الحين انا محتارة ازاكر لنفسي طيب ادا ماقدرت
حتى لوكملت معاها ماحس اني حفهم منها لانو الفيزيا يبغالو عقل وانا مافي عقل مافي مخ

[First Lady]

* دفتر محاظراتك + الملاحظات الي تكتبيها مع الاستاذة
* حل مسائل المحاظرة + السكشن
* حلي نماذج اختبارات سابقة
* طريقة المذاكره لازم تمر بمرحلتين مراجعه ماقبل الاختبار ولما يجي وقت الاختبار تذاكري وتراجعي ثاني مره ,
* اذا انتي من النوع الي يتلخبط من الملخصات اتركيها ’’


وبالتوفيق ’