بمناسبة الغاء فروع رابغ

[الحمد الله على كل حال]

ياناس طيب لو انقبلنا باشياء مانبغاها لو وحده تبغى طب وميولها طب واخرتها قبلوا حاسب وهي اساسا ما تبغاه وغيريها يتمنى الحاسب بس ماقدر كذا حيكون جد قهر لجيل كامل
انا من رائي يزيدوا عدد الطب بحيث الي 4 وفوق ينقبل طب عشان ما يدخلو تخصصات مناسبه لغيرهم

[اميرة جده*]

الله يعين على دي القرارت

طيب الحين انا سمعت انو التحضيري من السنة الجاية حيكون في رابغ !!

صح دا الكلام ولا

[Miss-ShoSho]

ادعو الله يطرح في 14 رغبه البركه
^

يمكن خير لنا و يسير يزودو اعداد المقبولين في التخصصات
والله 14 رغبه احسن وافضل من 7 رغبات اللي كانو حاطينها في البدايه
وممكن بسبب نظامهم المخرف اتغير فجأه وبعدين يرجع ثاني او ممكن في اصلاحات من العماده
>> الله اعلم

عسى ان تكرهو شي وهو خير لكم
استخيرو و ادعو الله بالبركه

[اجواني]

عسى ان تحبو شيئا وهو شرا لكم ، ان شاءالله ربي يكتب اللي فيه الخير لنا وكل واحد فينا يدخل التخصص اللي يبغاه

[وعد2012]

المشاركة الأصلية كتبت بواسطة الحمد الله على كل حال ياناس طيب لو انقبلنا باشياء مانبغاها لو وحده تبغى طب وميولها طب واخرتها قبلوا حاسب وهي اساسا ما تبغاه وغيريها يتمنى الحاسب بس ماقدر كذا حيكون جد قهر لجيل كامل انا من رائي يزيدوا عدد الطب بحيث الي 4 وفوق ينقبل طب عشان ما يدخلو تخصصات مناسبه لغيرهم

اختي انا معاكي انه من القهر يحطوك في تخصص انت ماتبغيه لكن اما بخصوص انهم يقبلوا كل اللي معدلاتهم 4 وفوق اسمحيلي ما اوافقك الرأي لأنه انا اللي شفته من البنات ومو كل البنات حتى ماأعمم انهم يبغوا طب علشان كلام الناس وانها ماشاء الله دخلت طب وبعدين الطب مهنة شريفة وفيها ارواح ناااس تخيلي من دفعة السنة اللي فاتت خالتي تقول كان في طالب حتى اعضاء الجسم مو حافظها بالانجلش لدرجة انه يقول للمعده ستوماتش وهو متخرج من التحضيرية بمعدل 4.9 ويقولك ايه كان عندنا تست بانك
انا ماأبغى اعمم لكن الاحسن انهم يقبلوا للطب نااااااس فااااهمة وعااااارفة لأنه واللله ياناس دي ارواح بشر مش لعبة دولا غير الطلاب اللي يدخلوا بال * لأنه دحين اللي انا شفته انه البنت لمن يكون معدلها عالي تقووول خلاااص انا ماينفعلي الا طب وبعد كم سنة تكتشف انه مايناسبها وهذي حصلت لبنات
وجهة نظر وارجو ان تحترم

[الحمد الله على كل حال]

بالعكس اربعه يقبلون وبعدها ندرس الطب والي مايقدر يسحب كذا على الاقل الشخص جرب
مو يدخل قسم قوي مثل الحاسب وهو اساسا مافكر فيه
بعد ما يسحب من الطب حيعرف ميولوا صح وقدراته
هاذا حل بالنسبه لي افضل من ان مستقبل الشخص يعتمد على الدفعه الي هوا فيها

[M!SS Lara]

الله يستر يارب ...
استررررررررر يارب :"(

[Sweet Dreamz]

^

+1 :(

[وعد2012]

المشاركة الأصلية كتبت بواسطة الحمد الله على كل حال بالعكس اربعه يقبلون وبعدها ندرس الطب والي مايقدر يسحب كذا على الاقل الشخص جرب مو يدخل قسم قوي مثل الحاسب وهو اساسا مافكر فيه بعد ما يسحب من الطب حيعرف ميولوا صح وقدراته هاذا حل بالنسبه لي افضل من ان مستقبل الشخص يعتمد على الدفعه الي هوا فيها

اختي هم مايحطوكي في تخصص انت ماتبغيه يعني حيدخلوكي على حسب الرغبات اللي انتي حددتيها يعني اكيد حتختاري الرغبات بعد ماتعرفي كل شيء عنها انا من كلامك حسيتك انك بس متأملة على رغبة وحدة الله يوفقك وتدخلي اللي تبغيه بس لازم تكون في احتياطات مادامك في دي الجامعة

[كياني]

لعلهـآ خيـررةة .. :)
الحمد لله .. على كل َ حآل .
بس ايش الاسبآب ؟؟!