بخصوص سحب الملف

[wejdo_o]

كلمنا العميده وقالت اذا بتسحبوا وتقدمو في نفس الجامعه لازم تسحبو قبل 10/4 واذا بتقدمو على جامعه ثانيه على حسب شروطها يعني اذا كانت الجامعه مو شارطه سحب الملف بمده عادي تسحبو قبل الاختبارات النهائيه .

سؤالي / اذا عندي dn في وحده من المواد تنزلي المكافأه عادي ولا يوقفوها لأني ناويه ما أحضر بس استفيد من المكافأه عـ بـال ما أسحب من الجامعه لأنو بقدم في جامعه ثانيه ؟؟

[S.Bn]

المشاركة الأصلية كتبت بواسطة رفيقي كتاب ربي اتوقع لو كان سـمـلـقَ موجود كان اكثر واحد افادك :\

من زمان عنو دا العضو

[smasim]

السلام عليكم
يأحلوووه ولاتزعلي أنا دخلت بس عشان أفيدك بتجربتي

أنا العام زي كدا قلت باسحب لانو معدلي كان مررا واطي وبعدين قلت لا باكمل واشد حيلي وعلى الترم الثاني شديت حيلي وكانت خطتي ا وجبت في المواد كلها درجات كويسة ماعدا الفيزياء كانت الدرجة واطية فوقتها قلت خلاص وجبت انو اسحب وسحبت نهاية شهر 5 ولساكمان اتذكر اخدت مكافأة شهر5:)

وطبعا قبل السحب استشرت أستاذه في الجامعة اسمها أستاذه نادية أياز هيه سكرتيرة وكيلة عمادةالقبول والتسجيل دكتورةنورة بأدياب وقالتلي انو احسن شيء ليا اسحب وارجع السنة الجاية عادي وراح يقبولني عادي لانو لما تسحبي راح يعطوكي ورقة إخلاء طرف تفيد بانهم خلاص فصلوكي وانك ماعاد تدرسي عندهم وحتى ممكن اي جامعة تقبلك عادي ونصحتني كمان انو أعيد القدرات والتحصيلي عشان ماتعرفي كيف بنات الدفعة اللي حيجو كيف حتكون نسبهم عاليه والا واطية وكمان ترا السحب لازم يكون قبل الفااااينل وانا كنت سحبت قبل الدوري الثاني اممممم وبس....

اسفه اذا كنت طولت بالسالفة بس حبيت أني أفيد واذا عندك اي سوال او استفسار اسالي أنا في الخدمة لانو العام كنت زي وضعك كدا أبا اي احد يفيدني....

وحأقولك حاجة كمان أنا دحين رجعت قدمت بعزوز وانقبلت الحمدلله ودحين معدلي مرررا حلو ولله الحمد......

تحياتي:)

[wejdo_o]

up
سؤالي / اذا عندي dn في وحده من المواد تنزلي المكافأه عادي ولا يوقفوها لأني ناويه ما أحضر بس استفيد من المكافأه عـ بـال ما أسحب من الجامعه لأنو بقدم في جامعه ثانيه ؟؟

[memo0o 02]

لا عادي تنزلك مكافئة ..
طيب شد حيلك وذاكر قبل ماتفكر تسحب وش وراك ماعليك بالمكافئة فكر بالنسة الي بتضيع على الفاضي حتى لو كنت بتسحب اقلها احضر هنا واستفيد لما تروح جامعه ثانية رح تلاقي نفس المواد علشان ماتصعب عليك بعدين افهمها من بدري ..

[memo0o 02]

بالنسبة للدي ان كلمي الدكتورة يمين يسار فوق تحت و رح ينشال بس خليكي فوق راسهم لنه طلاب التحضيري يمشوهم متخافيش !!