محتاجه مساعدتكم برفع معدلي

[حسوون العولقي]

انصحك تنزلي محاسبه 101< يعني ماده علميه وصعبه .. بهذا الترم واهم شي تذاكريها من بدايه الترم واذا فيه مدرسه تشرحها لك يكون الافضل

واداره موارد بشريه bus231 <<< تعتمد على الحفظ .. يعني مو صعبه مره

تنميه موارد بشريه bus 335<< حقيقه ماده سهله اخدتها مع الدكتور هاني العمري لها ملخص مايتعدى 33 ورقه تقدري تجيبي فيها 90 وفوق وترفعي معدلك يعني ماده معدل اسميها

وكمان ثقافه اسلاميه < تعتمد على الحفظ وتقدري تجيبي معدل فيها

وعندك لغه عربيه 201 < مرره سهله واعتبرها ماده ترفع المعدل


كذا 14 ساعه تجيبي بالنظري فوق 80 واكثر من كذا.. راح يررتفع المعدل كثير وباقي الاترام وزعي بين المواد العلميه والنظرري .. وانا مع وجهه نظر عادل بس المهم يرتفع المعدل الترم هذا وبعدها رتبي جدولك .. وشدي حيلك .. وانصحك بالجد والاجتهاد من بدايه الترم .. وبإذن الله راح يرتفع معدلك .. اتمنى اني افدتك

[جمــانه]

الله يعطيك العافيه والله ماقصرت
منجد شكرا

[ضلع طويق]

اسمعي يااختي نصيحه مافيه ماده سهله بذاتها على حسب الدكتوره اللي انتي عندها يعني بتنزلين مواد اول شي تنظرين بقائمه الشعب وتشوفين من الدكتوره المتساهله والمتعاونه وبعدين تضيفين الماده عندها والماده صعوبتها وسهولتها على حسب الدكتور ,,وبالتوفيق .

[kald]

اتمنى لك التوفيق .... بالنسبة للمحاسبة لازم تاخذيها هالترم لانك لسا باقي عندك كذا معلومة من المذاكرة الاولى وتشدي حيلك من بدري وراح تكون طريقة الاسئلة نفس السمستر اللي طاف ...... واذا نجحت باذن الله على طول خذي المحاسبة 102 لانها مرتبطة مع 101 ارتباط كبير....

بالنسبة باقي المواد .... القضية قضية تنظيم وقت ودراسة ما بدري وكل شيء راح يهون ويتسهل باذن الله

بالتوفيق

[ggoonn]

انصحك نصيحة اخ
خوذي النوع الاجتماعي فقط
ترفع معدلك الى 4

[جمــانه]

ان شاء الله اخوي
مشكوووووووورين

[سهاام الليل]

هلا فيكي جمانة اسال الله العظيم انه ما يضيع تعبك ابد وبالنسبة للمعدل باذن الله سهل تقدري ترفعيه بس الموضوع محتاج منك جهد اكثر وبالنسبة لحمل المواد كل انسان تحصله ظروف ومن فينا ما عدت عليه ظروف نزلت معدله لان هذي اربع سنوات قابلة للزيادة ومو كل ترم حيكون الموضوع سهل تحصل احيانا شغلات تهزك شوي بس الواحد يسوي اللي عليه وقبل كل شي يتوكل على ربنا حق التوكل وهو المعين على كل شي
شوفي حبيبتي المحاسبة 101 مارح اقولك مادة سهلة وتافه والكلام هذا كله لانه غلط المادة محتاجة تركيز ومجهود كبير بس في نفس الوقت هي اساسيات تمشي معاكي في المنهج اذا عرفتيها خلاص بفضل الله تمشي
بس انتي قبل لاتضيفي اي مادة تعالي هنا واستشيري البنات مين افضل استاذة في المادة وكيف اسئلتها واطلبي اسئلة اعوام سابقة لنفس الاستاذة لان اغلبية الاستاذات يكررو الاسئلة
وهذي الاشياء يعني في المحاسبة فاطمة كمال روووعة وانيسة الكل يمدحها حاولي تاخذي معاهم وتكوني معاهم اول باول الشي اللي ما تفهميه في لحظتها اسالي والمحاضرات الحين مسجلة اي شي يستعصي تقدري ترجعي تفتحيها
وطبعا اكيد المذاكرة من بدري مفيدة لابعد الحدود وطبعا تكرار المذااكرة يثبت المعلومة
بس ابغى اقلك شي ما ينفع تاخذي كل المواد السهلة في ترم واحد لانك بعدين بتنصدمي لما تاخذي بقية المواد وبتضغطي نفسك شوفي الحين خذي مواد سهلة وصعبة وانتي بس محتاجة دفعة بسيطة يعني ترم بفضل الله لو ارتفع معدلك حيكون فارق في حياتك الجامعية لانك كل ماتذكري فرححتك بارتفاع المعدل بتطمحي لانه يرتفع اكثر وصدقيني بسهوووووولة تقدري ترفعيه بس لا تحطمي نفسك بنفسك وقولي اني اقدر ارفع معدلي بفضل الله ولاتقولي خرابيط لمن توثقي بربك ثم بنفسك حتى نفسيتك تتغير وانتي تذاكري وتقولي اقدر بفضل الله خذي المحاسبة 101 واعتبري نفسك ما حملتيها وكانها مادة جديدة حتدريسيها لاول مرة بس هالمرة بنفسية غير قولي في نفسك المادة فهم بشوية تركيز بتصير سهلة
-اللغة العربية 2 مادة حلوة وسهلة حفظ والكتاب صغير خليها مناسبة
-طبعا محاسبة 2 اجليها الين ماتخلصي واحد ويااااااارب تجيبي فيها فل ماااارك وترى مو صعب حطيها في راسك وشوفي بس لاتقتنعي وتقولي يارب انجح لا اذا سالتي الله اساليه باحسن شي احنا ضعاف عاجزين بس هو مايعجزه شي
-ادراة اعمال انجليزي bus103اذا هذي المادة نصيحة لوجه الله خذيها الحين لان اللي تدرسها استاذة رانا الله يسعدها كانت مرة متعاونة معانا ومسهلة علينا لانها عارفة انو المادة صعبة علينا واعطتنا اسئلة مراجعة ونفسها جا في الاختبار فلا تضيعي الفرصة وخذيها
-ميبادئ الاقتصاد الكلي حلوة المادة مع هدى خيري هي عملي ونظري
خذي ثقافة 301 اذا ما بتاخذي اقتصاد كلي مع اني افضل انك تاخذيه بس يمكن يكون صعب تاخذيه مع المحاسبة انا شخصيا اخذته مع المحاسبة
بس هذا اللي عندي اتمنالك التوفيييييييييق
والله يوفقك يااااااارب