لكل من حصل على معدل مرتفع في خطة ( أ )

[maryam.n]

شكررررررررا لكل اللى ردوا الله يعطيكم العافية ...


صراحة ريحتوني كنت محتارة في خطة أ .. ما اعرف مين الدكتورات الممتازات ..

[lola.lazoza]

ماث روحي لهتون شعيب لا تفوتككك مراا شرحها جيد وزق وتعجب الكل مأشالله ويقولو دعاء قاروت كويسة

فيزياء كنت عند لبنى سندي بس ما ناسبتني مرا بس كانو في بنات يفهمو منها و كمان يمدحو سناء أباطة
حاسب واتصال مايفرق بس آدعي تكوني عند أساتذة طيبين وما يخسفوكي

[العيال كلهم]

لاتسمع كلام منافسك ، فهو لايريد لك الخير

[Hoshi]

السلام عليكم ورحمة الله وبركاته
شوفي هذا الموضوع عَنآقيدْ مٌقتطفَه من السَنَه التَحَضِريِهِ ]l---~masoory صاحبته متكلمة بالتفصيل عن كل مادة والملخصات الكويسة فيها وطريقتها في المذاكرة اتبعتها والحمد لله جبت درجات جدا عالية في الرياضيات والفيزياء ما توقعتها
الرياضيات أنا كنت عند هتون شعيب وكان شرحها جدا رااااااااااائع سريع وينفهم ووقت المحاضرات دايما تقول لنا معلومات نكون نسيناها تساعدنا في الحل او طرق مختصرة وكيف جات اختبارات السنوات اللي فاتت وفي ايش غلطوا البنات غير انها تلتزم بوقتها فما تاخرك عن المحاضرة اللي بعدها لكنها ممكن تاخذ اجازة الترم الجاي لانها حامل
في الرياضيات الملخصات مو ضرورية جدا اذا كنت عند استاذة تشرح كويس لكن فيه ملخصات جمال السعدي ولا تنسي تركزي على تمارين الكتاب صح تاخذ وقت ومتعبة لكنها مفيدة وايضا اسئلة الاختبارات السابقة

اما الفيزياء كنت عند منسقة المادة لبنى سندي وشرحها حلو لكن لازم تكوني مركزة تماما معاها وللا حتضيعي لان الكتاب ابدا ما له داعي الا في الاسئلة المقالية لازم ترجعي له وتقري بتمعن وهي كمان تعطيكي معلومات عن الاختبارات السابقة احيانا
والملخصات عنك طلعت سالم يشرح ويلخص القوانين بطريقة مرتبة ويحط اسئلة وعندك كمان اشرف بركات لكن اشرف بركات احس اسئلته تدوخ وبصراحة اشتريت ملخصاته لكن ما ذاكرت منها كتير احسه لخبط لي معلوماتي
واهم شي في الفيزياء اسئلة السنوات اللي فاتت حطي تحتها مية خط يعشقوها عشق مو طبيعي وفي الاختبار النهائي جاني سؤال بنفس الارقام والجواب من احد نماذج الاختبارات

واما الحاسب برغم سهولته لكن الاسئلة غلسة شوية يجيبوا لك من بين السطور وانت تحوسي انا درستني حليمة سمرا ورااااائعة هذي الانسانة دايما تنبهنا على المعلومات اللي ممكن تجي في الاختبار في الدوري الاول انا ما اهتميت لكن جاني سؤال سهل موية والاستاذة ذكرته لكني ما ذاكرته ونقصت واحيانا تقول معلومات ما تكون موجودة في الكتاب لكن عموما الحاسب مو مهمة فيه الاستاذة اهم شي كيف تذاكري

واما الاتصال هذي المادة الغثيثة وطلباتها مشكلتها بس في التكاليف وللا الاختبار بس تحتاجي تقراي بتركيز كلمة كلمة

عموما موادنا كانت سهلة والاساتذة اللي درسوني كانوا متعاونين بلا استثناء وحتستمتعي اكيد في الترم الجاي

[M!SS Lara]

المشاركة الأصلية كتبت بواسطة روزهـ لارآآآ ي بعدي ممكن تحطيلنا الملخصات لا هنتــي ،،

نص ملخصاتي اخذتها من بنت كانت الفات تحضيري ..
وبعدين حملت الباقي وطبعته وفي منها اشتريتها من مكتبات درا الهدى ودار الحافظ والشقري :)

[طموح بنوتة]

بنات تنصحوني اشتري كتب الرياضيات والفيزيا ولا مالها داعي ؟؟؟
*ـ^

[M!SS Lara]

^^^^^
الافضل تبادلي كتبك حبيبتي ..

انا اشوف انو كتاب الماث مهم لأنو شرحه حلو ومرتب والفيزياء مش ابدا إلا الشابتر التاسع

[اللهم صلي على المصطفى]

السلام عليكم
في البدايه حابه انبهك على نقطه معينه قد تختلف طريقه المذاكره من شخص الى شخص في اشياء معينه بس الشي المشترك
والكل يوافق عليه اكيييد (مذاكره كل شي اول باول ) ولا تراكمي المحاضرات عليكي واي شي مو فاهمته لاتترددي في السؤال ابداااااااا المهم في هذي الخطه الفهم ثم الفهم

هذي الخطه حلوووه وبجد راح اشتاق للريضياات مررررره بس يبغالها شدت حيل

الرياضيات والفيزياء اهم شي الاستاذات في المرتبه الاولى
الريضيات / درستني اماني باجمال انسانه روووعه وتفهــــم وكانت بعد ماتنتهي من اي فقره تسال احد عنده سؤال واذا عندك اي استفسار بعده يمديكي تروحي ساعاتها المكتبيه ماعمرها حسيتها انها اضايقت ابداااا <<كنت بلشه ترى عندها خخخ
وكانت تنبهنا عن الاخطاء اللي يغلطوها البنات كثير في الاختبارات او الاسئله اللي ممكن تجي
بجد جدا متعونه بس عيبها انها سرررريعه ولازم ترجعي البيت تثبتي المعلومات ولا بتروح منك

وفي استاذات ماث يمدحوهم كثير زي هدى افندي دعاء قاروت وهتون شعيب

الفيزياء / اهم شي الفيزياء تعرفي وتفهمي الاساسياااااااات لانوا في الاختبارات مايجيبوا ابدا مسائل معقده
وكان الاكثر الاشياء الاساسيه الدقيقه والمسائل السهله اللي تعرفي ايش تستخدمي من قانون ...درستني هناء فرحان متعاونه لابعد درجه وطيبه جداااا جدااااا وكانت تساعدنا قد ماتقدر كانت تنزلنا ملخصات لكل شبتر وكانت مره مفيده حتى بنات كثيرين يذاكروا منها من غير شعبتها وتنزل في المكتبه اسئله اختبارات العام مع الحل بالطريقه <<وهيا تكون حلتها
انا مااقول انها احسن وحده ولا اسواء وحده الصراحه كانت (متوسطه ) لازم تركزي معاها تمام في المحاضره
بس اللي اعرفه في استاذات مره كويسات زي لبنى سندي وسنا اباظه ووجود الديري
واللي انبهك منه استاذه اسمها اماني السريحي هذي لو جيتي عندها انقلي على طوووووووووووووووووول من غير تفكير درستني محاضرتين والحمد الله نقلوني هما من نفسهم بجد كانت اسوا محاضرتين حضرتها

اما الحاسب والاتصال اهم شي استاذات طيوبات لانوا الدرجات في يدهم
الحاسب درستني ساره نصيف /مرره عسل وحتى غلط كم غلط في الاختبار العملي بس تراعي واعطتني الدرجه الكامله اما الاتصال الصراحه نص ونص درستني ساره الشهري
واسفه على الاطاله وبالتوفيق

[وعد2012]

انا جبت الفل مارك في الماث والفيزكس واذا تبغي تاخذي بنصيحتي الماث زاكري من الكتاب وحلي الهوم وورك و استعيني بملخصات السعدي و حلي نماذج اسئلة سابقه لأنها كتيييير حتفيدك وبالنسبه للفيزياء انا كنت عند سناء اباظه وفادتني كتير وكنت احل السكاشن ونماذج الاختبارات اللي تنزلها لبنى سندي بموقعها لأنها هي منسقة المادة وبالنسبه للملخصات ما كنت ازاكر من اي ملخص بس كنت اطلع على التست بانك لأشرف واما مهارات الاتصال والحاسب فهي سهله مره تقدري تاخذي الفل مارك بس زاكريها كويس ......وان شاء الله اكون قد افدتك

[اللهم صلي على المصطفى]

المشاركة الأصلية كتبت بواسطة طموح بنوتة بنات تنصحوني اشتري كتب الرياضيات والفيزيا ولا مالها داعي ؟؟؟ *ـ^

انا عن نفسي اشتريت الاثنين مصور
الفيزياء بجد مايحتاج ابدااا الكتاب حتى الاستاذه تقولنا انسوه بس شوفوا المسائل من الكتاب وترجموا علشان تفهموا السؤال بس
والرياضيات عن نفسي مااحتجت الكتاب الاصلي