وش رايكم في اختبار بحوث العمليات bus 322

[red line]

الله يعين والله الاسئله طويله ويبغالها وقت اكثر
ياريت احد يكلم الدكتور يتساعد معانا

مع تمنياتي للجميع بالتوفيق

[تسويقار]

الاسئله متوسطة الصعوبه طويله الخطوات على ساعه ونص ظلم

وكمان ساحبين الاوراق قبل الوقت !!!

في خطا بالنقل فقره بادنى التكاليف

والدكتور رافض اي ستفسار


الله يوفقنا وياكم وجميع المسلمين

[kaled150]

ياشباب بصراحه زمن الاختبار مايساعد يكفي انك تقعد على اعصابك تحاول تجاوب وتراقب الوقت وهنا التخبيص والتأليف يبدا ماادري ليش مايخلوها ساعتين على الاقل يعني فرقت النص ساعه هذي بس وش نقول دام دكتور المادة (القبضاي) كاسر (الشبّيحه) ومساعد الطيار الشعيبي

واليوم دار المحادثه التالية :مع كاسر
السؤال : يا د .كاسر الوقت ضيق والسمبلكس لوحدها يبيلها نص ساعه ؟
الجواب - ولك مو شغلي اصطفلوا

السؤال الثاني : يا د كاسر زودو الوقت طيب
الجواب : انتو هيك الانتساب مايعجبكم العجب

الختام : طيب شكرا يا د كاسر
الجواب : هي مو حالة

وتحياتي لاخلاق الدكاترة الحلوة
ومشي حالك ياولد
وحسبنا الله ونعم الوكيل بس

[عجلان العجلان]

يوجد خطاء بسؤال 23 طريقة النقل

وقد كتب طريقة النقل بإدنا تكلفة والإجابة غير موجودة وليست من ضمن الخيارات بعد التأكد من طريقة فوجل وجدت الجواب من ضمن الخيارات وحطيته قلت اكيد فيه خطاء وهو هذا المقصود

[العريف]

الاسئلة كانت كثيره لا تناسب الوقت اطلاقاً بالاضافة لوجود 3 قيم متغيرات في السمبلكس يعني ما راح تخلص الجداول الثلاثه ... الوقت لا يسع أبداً...
وفقره 23 فيها غلط وحسنا فيها حوسه وبالاضافه الى خدع في الاجوبه ... الله يستر

[fahad hamad]

اقسم الله سويت شخبط شخبيط هههههههههههههههههههههههههههههههههههههههههههههههاي والله اسئله فيها لفه قوووووة

[ناوي تخرج]

الاختابار من النوع المتوسط
للأمانة لا يوجد صعوبة ، المشكلة مشكلة وقت نوعاً ):

لكن الله يسهلها

و تمنياتي لكم بالتوفيق

[alwafei]

الوقت الوقت الوقت لا يكفي أبدا

[J o O o K i]

انا اللي هبل فيني المراقب .. استلمت الاسئلة وحليت الصح والخطأ شوي اشوف السمبلكس .. قلت في نفسي وين الجدول .. يالله نرسم الجدول دام اني حافظه ولله الحمد .. الا وشوي المراقب يقول عدا نصف الوقت .. قلت وش به ذا قام يخبص .. تركت السمبلكس ويالله على سؤال النقل ادنى تكلفة وطريقة فوجل اشوف انه في لخبطه .. قلت اتركه ونروح حق شبكات الاعمال المسار الحرج واسلوب بيرت اللي من ضمنها الوقت المبكر والوقت المتأخر وخلصتها الا شوي باقي ربع ساعة .. قلت في نفسي لا حول ولا قوة الا بالله نرجع لحق النقل خلصت واخر شي السمبلكس .. الا اتفاجئ انه في سؤال خارج نطاق التغطية .. وش مفهومك لبحوث العمليات .. هذا الفت فيه تأليف لاني ما ادري عنه .. ولا احد جاب طاريه لا الدكتور ولا احد .. لا حول ولا قوة إلا بالله ..
مراقب غريب لاحد ياكل لبان ولا فصفص الا وش دخله في اللبان والفصفص هذي حرية شخصية .. يمكن ما احل الا بالفصفص خخخخخخخخخخخخـ

المفيد الوقت كان ضيق كالعادة في المواد العملية مثلها مثل المحاسبة والتحليل الكمي ومالية شركات .. مدري اخاف اجيب درجة شينه .. الله يستر

لا خرجت ادور على السيارة نصف ساعة مدري وين وقفتها .. اثاري المادة هبلت فيني

[Saad M Subeiy]

اول ياشباب الاسئلة والله ماهي صعبة بسيطة بس عندي ملاحظات
اولاً مدري وش يحس فيه اللي حط الاسئلة لاني اجزم ان فيها اغلاااط كثيررة
وثانياً عامل الوقت مايساعد نهائياً اقل شي السؤال الاخير لاتجيب لنا الاوقات المبكرة والمتاخرة لانك بترجع تطلع وقت كل مسار لحاله وتطول

بالنسبة للنماذج يا ابطااال انا نموذج ب والسؤال حق الصح والخطا انا حطيتها كلها خطا

لكن املنا ليس في زيد ولا عبيد ولا كاسر ولا غيره

املنا في الله سبحانه وتعالى

فالكم النجاح يارب