حسبنا الله ونعم الوكيل يا مزجاجي

[الـبدر]

حضرت له محاضرة واحدة فقط في الدورة التأهيلية ومن كلامه الكثير عن نفسه وعن سفرياته وعن بطولاته قمت وأخذت الكتاب وخرجت من المادة وماكلامي هذا إلا تأكيدًا لرد الأخت (jojo111)
والله يعينك أخوي الأسد فليس جديدًا من هذه الجامعة اختيار اعضاء هية تدريس يتمتعون بما يتمتع به المزجاجي عليه من الله مايستحق ..

[eiiid]

الله يعدي الماده عليكم على خير ..

الحمدلله إني حذفتها ف آخر يوم ..
..
لكن واحد من الزملاء خريج هذا الترم بمشيئة الله أخذ هذي الماده معاكم وقال لي إن هالدكتور مايرسب ب سهوله ويدف إلين 60 ,, عسى أن يكون ب هالكلام عزاء لكم ..

[المجروح 8]

اخوي الاسد هون على عمرك والله ما تستاهل الدنيا زعلك
الدنيا كل ما عليها فان
اعرف انك مقهور وانا اخس منك قهر على اسلوب الاسئله لكن
العلم الأكيد ان شاء الله ما فيها رسوووووب

[atwi]

الله يكون في العون.....والله ان الجامعه كلها بكفه والمزجاجي ...اقصد المزاجي بكفه.....
تشوف الماده تقول سهله يجيب اسئلة تقول للوهلة الاولى معقول هذه المادة اللي ذاكرتها ولا انا ملخبط وداخل في اختبار ماده ثانية......الله حسيبه

[مستشفى]

أن شاء الله النجاح حليفكم
العام الماضي بنفس الطريقة ونفس اللي صار معكم
والاخوان جميعا نجحوا بمعدلات طيبة جدا

[Abu Amaar]

صلحوا حملة وتجمعوا امام مكتب العمادة اللي يتبع لها زي ما صلحوا طلاب جامعة سعود بالرياض وقدروا يحققوا مطالبهم بعد اختبار الرياضيات الصعب خلوا الدكاترة يركعون لهم وهم طلاب انتظام وكان نقة الالتقاء جروبات وبلاك بيري مع بعض اتفقوا وتجمعوا بعد الاختبار مباشرة وركعو ادكاترة ولبوا مطالبهم باعادة الاختبار

[HULK_14]

اخوي اسد المزجاجي له من اسمه نصيب للعلم فقط هو بروفسور يعني خذه على قد عقله << تكفى يانيوتن

الترم الفائت اخذنا الماده عنده ...وكان فيه ملخص ولا فهمت منه شي لاني حسيت ان الماده نثر موب نقاط

واشتريت الكتاب من المكتبه بعد مادريت انه نفذ من العبيكان ويالله لقيته في اخر الرياض بفرع بحي العزيزه واخر نسخه بعد المهم فتحت الكتاب حتى مؤلف الكتاب فاشل كلها اقتباسات ومراجع يعني اصلا الكتاب متلخبط ...

بداية الاختبار البرفسور المزجاجي اعتذر لنا رسميا بالقاعه الكبيره بمبني 81 وقال الكتاب بصراحه تحسفت انا وافقنا عليه ويقصد ان فيه لجنه مكونه من دكاتره وافقت على الكتاب...يقول الكتاب لايستحق يكون بالجامعه واكد اسفه وقال سيتغير الترم القادم اللي هو الترم هذا...

طبعا وزعت الاسئله تفجأت الاسئله من خارج المنهج اكثرها لكنها مرتبطه بالمنهج للفاهم واسمحو لي اقولها للي فاهم الماده موب حافظها جاب الغزالي والبيك وطقتهم وانهم من ضمن ثقافة المنظمه نسبيا الاسئله حتى لو ماذاكرت صدقني تحاوب على نصها حتى ان الطلاب بردت كبودهم انهم حلوا رغم انهم تفاجئوا ..طبعا لماسلمت الورقه له رحت كلمتهم قلت له مو معقوله يادكتور قال قسم خخخخخخ شطحه ..قلت مو معقول تتكلم يادكتور وتقول ان الكتبا اكبر غلطه وافقتوا عليه وانا اقول لك ان الكتاب اقتباسات ونثر على الفاضي ولحسه حتى في فهمه ولا يساعد على القرأه فكيف بالمذاكره تصدقون صار يقولي كل شوي صادق قال الحفظ ياولدي ياصدقه خخخخ للقران والاحاديث فقط اما باقي مواد الجامعه فهي للفهم بصراحه عجبني كلمته هذي نعم افهم الماده لاجل تساعدني في امور عملي وحياتي لان الحفظ مصيره اكثره الزوال من الذاكره وجهة نظر احترمها

قلت بما ان هالدفعه هي كبش فداء للكتاب كما ذكرت يادكتور لازم من مساعدتهم لانهم تفجأوا بأسألتك وايضا بانتقادك للكتاب ..قال ابشروا قلت اكيد قال بصوت عالي سمع الطالب ابشر ابشر ابشر هيا اخرج ههههههههه والحمد الله جبت على ماأظن فوق 80 وكل الطلاب والله اعلم لم يحمل الماده احد ...

الله يفرج عليك وعلى اخوانك الطلاب ...لكن نظرية ان المواد للفهم وليست للحفظ اعجبتني تمنيت اكثر الدكاتره مثله بس موب مثل ثقافة اسئلته ..

[رنوو^_^]

حسبي الله ونعم الوكييل الله يعييينك ..

[الاسد88]

شكراً لكل من تفاعل مع الموضوع والحقيقة احلام البارحة كلها كوااااااابيس بسبب المزجاجي الله يهديه ..

تصدقون يا اخوان بأنني لا احب الخسارة ابداً وقد خسرت مراراً ولا احب الرسوب ولم ارسب من قبل بفضل الله سبحانه وتعالى ثم انني اجتهد بقدر ما استطيع والله سبحانه لا يضيع جهد احد فهل يطلع لي المزجاجي ليضيع تعبي ؟

بصراحة أستأنست عندما قرأت بعض الردود وأعلم بأن غيري كثير مروا بيوم عصيب وحسبنا الله ونعم الوكيل والله سبحانه قادر انه ياخذ حقنا منه ومن اشكاله ..

[طلال1111]

تعليق بسيط على كلام ابوعمار ...

((( الركوع لله وحده ))