حوار ولقاء الأسرة موجود في حياتك ؟؟؟؟؟؟؟؟؟؟؟؟؟؟

[بدرالبدر]

يااه قصتي قصه

بما ان الوالد ماقصر تزوج اربع حريم

واخواني واخواتي كثيرين

وماقدر كل يوم ازور كل بيت لوحده ..

بس كل اسبوع او اسبوعيين اسوي اجتماع مع البنات كلهم ... ونسولف ونتحاور .... الخ ..

باستثناء سواليف الافراح .. كل وحده تبغى لها لبس جديد مع انه اشتريت لهم قبل كذا ... كل فرح اشتري شيء جديد
لكن ايش اسوي في نهاية المطاف لازم اشتري

اما الاولاد فـ كل يوم اشوفهم بوجهي مايحتاج اجتمع بيهم ..

شكرا عباطة ..

[northstar]

عباطه شوف يكتب باللونين حقوني

عباطه ترا مالي اخ غيرك في ذا المنتدى

افزلعي
تكفى

[بدرالبدر]

شكلك نسيتي كلامك يا نورث

راح اذكرك

المشاركة الأصلية كتبت بواسطة northstar بدر شوف شكله مافي غيرنا هنا عشان كذا بقلك خلاص حنا اخوان والواحد مايعرف يمكن يموت انا مسامحتك ولك ان تشاركني في اللونين فانا النجمه وانت البدر وكلنا السماء ملاذنا فلنتحد

هههههههههههههههههههههههههههههههههههههههههههههههههه

[northstar]

بطلت بطلت

ليه تقولي امس
انت عباره عن مجرد ديكور

[بدرالبدر]

انت عباره عن مجرد ديكور

ديكور اقصد النجمه ... ولااقصدكِ انتِ ..

[northstar]

المشاركة الأصلية كتبت بواسطة بدرالبدر ديكور اقصد النجمه ... ولااقصدكِ انتِ ..

[فتفوتة سكر]

عباطه طرحك واقعي

وبصراحه وموضوعيه
نحنا (بنات وشباب ) علينا معظم المسؤوليه

نحنا كل واحد فينا كبر وصار يهتم بحياته الخاصه واصدقاءه والنت ونسي انه امه وابوه الهم حق عليه
وهات لو الواحد خطب او بدا يختار شريك الحياه وقتها بس يفكر في مستقبله وما يحسب للحوار مع اسرته اي حساب

لو البنت تجيب فنجان القهوه العصريه وتحكي مع مامتها وعن مشاكلها راااح يكون هالشي كل الألفه والموده الاسريه
بس نحن نفضل نشكي لصحباتنا او الشخص القريب منا ونبعد عن الام والاب خصوصا اذا كان اسلوبهم نصايح كل بدون نقاش


الكلام في هالناحيه يطول خصوووصا ان المشكله تتركز في الفجوه بين الاباء والابناء

فالاب يرى نفسه على صواب والابن الشاب يرى انه كفؤ للمسؤوليه ولا يحتاج لمن يرشده فحينها يتجنب الحوار مع والديه
بس في النهايه لازم الواحد يحمل نفسه مسؤولية الجفوه اللي حاصله وما يرميها على غيره


شكرا عباطه عالموضوع

[~Sm!le ^_^ Face~]

نورث انت وبدر بترجعون تفتحون الموضوع هنا كمان هنا مو مكانكم يلا برا << عفوا ياعباطه

اما بالنسبه للحوار فأنا اعاني منه في البيت كثير مع اني مسالمه وما احاول اجادل كثير
بس اخواني دايما يحولون نقاشاتنا الى خلافات لا تنتهي وما نطلع بالكلام مع بعض الا بالمضاربه
وكل واحد يبغى يطلع ان كلامه هو الصح وزي ما قلت انا مسالمه بس هما يتمشكلون ويقومون من الصاله وانا اقعد لحالي

وشكرا على الموضوع ...تحياتي

[عباطة]

عاشقة الندى .... ياليت نقرا الخطوط العريضة في معاناتك دون التفاصيل

.... وننتظر عودتك

هلا بنوورث ستار .... ههههههههه كلنا في بيوت كأنها صناديق مغلقة لو فتحنا كل صندوق وجدنا بلاوي



ماشاء الله يابدر أبوك متزوج أربعة !! ههههه ونعم الرجال والله .... شكلي بسوي زيه ... مو صعبه أهم شي

تأخذ القرار والصمود

.. أما جلستك مع أخواتك جدا روعه ... أجلس انا بس أوقات مرة بسيطة ومو مرتبة

بعدين شو قصة الالوان مع نوورث صح سرقت ألوانها هههههههه ؟؟

فتفوووتة سكر ... صعب البنت تجي لأمها أو أبوها أو أخوها وتقول ودي اتكلم معك وأشكيلك

لازم يبدأ آدم او الأم .... بشكل لين لانه طبعنا في النقاش يأخذ شكل التحقيق والمسائله ....


نقاش وليس حوار ... وكلا يبغى يقنع الاخر برأيه حتى لو كان على خطأ .... هي الصورة موجودة حتى عندي

يالمتحطمة.... بس بيها أحسن من بلاها ... مصير الحال ينعدل

شرفني مروركم ولا زال الموضوع مفتوح ننتظر ونستفيد منكم

[علي العسيري]

موضوع جميل جدا وطرح هادف

اذكان عن اسلوب الحوار مع افراد الاسره انا دائما احب اسلوب طرح المواضيع بشكل مرح يعني اخوي الصغير وخواتي

وزوجتي دائما احب ان تكون الحواجز بيننا مكسوره ونتخاطب وكما لو نكون مجرد اصدقاء يمونون على بعض ,,

اما اذا جا موضوع يتطلب الجديه ولايخلو بيت من المشاكل فاحاول ان ابسط الامور اهدي الجميع واحاول واركز على ان

لايكون هناك ضالم ولامضلوم ولاغالب ولامغلوب حتى انه في كثير من الاحيان اتحمل العبء الكبير ولهذا اول مايحصل

شي لأي واحد فيهم اول مايتم الجوء الي انا على الرغم من وجود 2 اخوان اكبر مني واختي الكبيره التي اراها دوما في

منزلة الوالده ,,

هذا مع من يصغرني اما من يكبرونني والوالد والوالده فحتى هم اكثر الوقت الامر مزاح ولو ان الوالده الله يحفضها ويطيل

بعمرها ويصبغ عليها لباس الصحه والعافيه تاخذ في خاطرها اذا سمعتني احرض الوالد على الزواج والتعدد مع اني

امزح ولايرضيني كسر خاطرها ابد ,,


اسلوب اخذ الامور بطريقه الطرفه والمرح افضل اسلوب للحوار وكسر الحواجز بين افراد الاسره ,,


مشكور استاذ عباطه على الطرح الرائع