مقر أختبار منطقة الريــــاض ( روووووعة ) خمس نجوم

[عبدالعزيز29]

فــعــلآ انا من منطقة الرياض واختبر كل ترم بالرياض
لكن هالترم أفضل الاترام من ناحية الهدوء والتنظيــم
وتعامل المراقبين والدكاترة اللي موجودين قمة في الاحترام
نشكــر لجنة الجامعة المنظمة ومعهد العالميـة على تنظيم القاعة
وحسـن التعامــــــل

[أبوليان01]

كله من قروشنا ومافي شي بلاش

[أدمـ ( الفراق ) ــاني]

صدقة ابو ليان من الفلوس غصب عليهم

[سلطان السبيعي]

المشاركة الأصلية كتبت بواسطة جنرال المعركة عطونا الوصف وكيف أختبر فيه ووين أسدد المبلغ؟

هلا أخوي جنرال

أول ما يفتحون إختبار المناطق و تشوف إعلانه في الأوديس . روح لمعهد العالميه ( على شارع التحلية مقابل محطة العربة )
و سدد رسوم الإختبار ( ألف ريال ) و سجل رقم جوالك عندهم

راح يعطونك إيصال سداد بالمبلغ ,
لا تنسى سجله مع الأصول المتداوله خخخخخ << للحين مخبص في المحاسبه الماليه

لا لا جد , قبل الإختبار بإسبوع أو إسبوعين يرسلوا لك مكان الإختبار


أنت المستوى الخامس ! ما أدري يشملكم إختبار المناطق أو لا

بالتوفيق .

[جنرال المعركة]

المشاركة الأصلية كتبت بواسطة سلطان السبيعي هلا أخوي جنرال أول ما يفتحون إختبار المناطق و تشوف إعلانه في الأوديس . روح لمعهد العالميه ( على شارع التحلية مقابل محطة العربة ) و سدد رسوم الإختبار ( ألف ريال ) و سجل رقم جوالك عندهم راح يعطونك إيصال سداد بالمبلغ , لا تنسى سجله مع الأصول المتداوله خخخخخ << للحين مخبص في المحاسبه الماليه لا لا جد , قبل الإختبار بإسبوع أو إسبوعين يرسلوا لك مكان الإختبار أنت المستوى الخامس ! ما أدري يشملكم إختبار المناطق أو لا بالتوفيق .

الله يعطيك العافية طيب وين أختبر بالضبط وأنا الحين داخل مستوى سادس

[عبادي اكال الزبادي]

السلام عليكم ورحمة الله وبركاته

اشكركم واقدر لكم كامل التقدير من حيث وجهت نظركم تجاه ما قام به معهد العالميه وفعلا كلمة الحق تقال وهذا لابد ان يكون شي طبيعي فكل ما فعل هذا الترم هو تنفيذ الشروط المبرمه بالعقد ما الجامعه وعلى ذلك التنفيذ يقدر بنسبة 70% فالواجب يوكن اعلى خدمه من ذلك والسبب هنا الرسوم المدفوعه تجاه تلك الاتعاب من الطالب المسكين الي هو دايم ناسي حاله وما يدري كيف الناس ويش هي تعمل ليش ما ننظر للجامعات الي من يمينا ومن يسارنا فمثلا جامعة الامام محمد بن سعود صحيح ان سمعتها بأنها شديدة التعامل ولكن تعطي كل ذي حق حقه فمن محاسنها مايلي:
1_ الرسوم اقل من رسوم جامعة الملك عبدالعزيز
2_ طلاب الرياض وغير طلاب الرياض يختبر في المكان القريب من بيته في معهد متفقين معه ومرتب اكثر مالمستوه هذا الترم وبدون رسوم فمثلا طلاب الرياض الي في غرب الرياض يختبر عنده مو يذهب للجامعه لا عنده والي في المناطق يختبر في منطقته تخيل حتى الي في خرخير عندهم قاعة اختبار والي في الحفر عندهم اختبار وقيس على هذا والمس الفرق مو قهر هذي صارت تجاره من ظهورنا بدون مقابل تخيل تطلع من الاختبار وانت ظامن 90 من 100 طبعا الي يقول الكلام هذا الي مذاكر ومتأكد منه وبعدين تتفاجأ تطلع النتيجه 60 او حواليها مو قهر وانت دافع في الرسوم 3000 ورسو الاختبار 1000 والمدرسي 2000 وعلى ذلك طالب عادي جدا نفسيه طايحه وهمه رايحه فيها
3_ يخلص الترم هذا في جامعة الامام وتطلع النتيجه وبعدها بواحد اسبوع ينزل الجدول مع المفردات وخذ راحتك ياحبي وبيني وبينك الاختبار بس عند وقت تقدر تحجر لهم بدراستك مو زي الحبايب مضيعين وقتهم عللى الشاطي ياابوي ولاتي انهزم والاهلي فاز وقبل الاختبار بشهر يجون ينططون وينزلون الجدول وقبل الاختبار بيومين يقول ادرس هاذي واحذف هاذي وانت قد ضيعت وقتك ونفسك وفلوسك للمدرسين الخاصين مهزله يابوي
4_ طالب جامعة الامام قبل الاختبار بــ اسبوعين وتجيه رساله اسم المعهد والقاعة ورقم المقعد مو كل يوم وانت كنك جالس بصالة القدوم في المطار متع ينزل جول الرحلات القادمه من الي قد وصلت زمان يافن تخلف
5 _ قلو يالله انا نتخرج الهرج كثير بس الله يعين ترى المبتعث احسن مني ومنك يدرس ببلاش على حساب خادم الحرمين الشريفين الله يحفظه ويرعاه وحنا من الحين نعد ميزانيه هذا وشكرا لكم
6 _ انا اشحث الجامعه ومجموعه من الطلاب عشان يفتحون لنا ترم صيفي والله قهر والجامعات في الهند وسرلنكا عادي الى حنا معقدييييييييين

[آخر ماتبقى]

موية وقلم رصاص وكرسي ماركة ابو كلب تكرمون ماخذينه سلف من اقرب مدرسة حكومية


كل هذا مقابل 1000 ريال

لا بصراحة العالمية ماقصرت هههههه

[EBTE]

اهلين ,,
انا من جدة ..
وكانت اختباراتي في كلية التربية بالفيصلية ( امام مستشفى عرفان )
مرا الوضع كان سيئ في القاعات ..
القاعة كلهاا نامووووووووووس وربي شئ فضييييع والمشكلة انو القاعة باردة كيف فيها ناموووس الله اعلم ..
احل بيدي اليمين ويدي اليسار احركهاا عشان الناموس وكل شويا احرك رجلي واغير جلستي عشان الناموس
ومعاملة سيئة من المراقبات لدرجة انو وحده دخلت علينا في اول اختبار كان يوم الخميس تقولنا لو سمحتوو خلصو بدري وحجي وحسحب الورق ترا اليوم خميسسس ..
والله مو مشكلتناا اذا خميس او سبت مو احنا اللي نزلنا الجدول وربي مااافي اسلوووب والمراقبة كل شويا تقول باقي نص ساعة وباقي ربع ساعة شئ مممممرااا يوتر ..
حابه اقووول الصراااحه مسؤلات الامن معاملتهممم جدا راقية اول ما ادخل من البوابة تقولي ايش عليكم اليوم يلا ربي يوفقكم ويسهلكم اختباركم كلمتها الحلوة دي تسوي شئ مرا كبير ..

[الزهيـsaudـري]

فــعــلآ انا من منطقة الرياض واختبر كل ترم بالرياض لكن هالترم أفضل الاترام من ناحية الهدوء والتنظيــم وتعامل المراقبين والدكاترة اللي موجودين قمة في الاحترام نشكــر لجنة الجامعة المنظمة ومعهد العالميـة على تنظيم القاعة وحسـن التعامــــــل

i agree with you