أسمعوا ياجماعة : ترا بدينا جد خلاص [stop]

[the change]

ياحبايب

والله الاختبار عند الباب اهو يدق , بس محد يفتح

أبدأو ذاكروا من قلبكم خلاص





عملت هذا الموضوع (تشجيع وتحميس)

- أي احد يذاكر جزئية او شابتر أو شيء من التريننق يجي هنا ويقول ايش اللي ذاكره

- إللي عندهم طرق مذاكرة خاصة وحابين يفيدون بيها غيرهم يجوا هنا ويكتبوها عشان يتحمس الكل ويتشجع






هذا الموضوع من باب او من مبدأ : الهمة والعمل

الاحياء مهمة ولازم نعملها

ونبدأ من اليوم والحييين كمان , وكل شويا اقولها : اخونا اسير الاحياء نزل تريننق ومحلول

ذاكروا منه كل يوم وكل وقت مجموعة أسئلة

كل ماتجي تفتح اللاب او تخش المنتدى افتح التريننق وخذلك جزئية فيه






شخصيا : ذاكرت الشابتر الخامس والسادس وجالسة حاليا ومركزة على التريننق

من بكرا الصباح الساعة 5 بالزبط : حصحى أذاكرلي شويا (الشابتر السابع )

والمدة اللي أقضيها في السيارة حذاكر شويا , وفي الجامعة شويا





توكلوا على الله

وبدل ماندخل المنتدى نقرأ تحبيطات وتعب نفسي وشيء يكسلنا ومايفيدنا بشيء

خلونا نجي هنا ونحمس بعض (لانو هذا الصح)

التحبيط والقلق والتعب النفسي ماينفع









وثم إنه لامكان للردود المحبطة والتي تدعو الى النوم والكسل وعدم الاجتهاد في هذه الصفحة , وأتكلم بجدية











تحياتي لكم :the change