استفسار عن مواد وتخصص الادارة العامة ؟!. [عنوان مبهم]

[النديم]

الاخت بنت جدة

تخصص الإدارة العامة له عدة أقسام

منها وأشهرها مسار عام و تنظيم وتطوير إداري و إدارة مستشفيات و لها كذا مسار أخر لكن اللي ذكرتها هي أشهرها
وأغلب الأخوان والأخوات اللي إختاروا تخصص إدارة وإقتصاد إختاروا إحدى هذة المسارات

بخصوص سؤالك سهله و لا صعبة أتوقع هذا السؤال يقف عليك إنتي تحديدا ..

تخصص الإدارة جيدجدا لكن محتاج مجهود و مذاكرة وعلى فكرة الكلام هذا ينطبق على كل الجامعات و التخصصات

بالنسبة للمواد ابختصرها لك

مواد السنة التحضرية هذه شرط إنك تعديها عشان تتخصصي بعدها و هي في الغالب سهلة لكن فيها رياضيات

و إحصاء و تحليل إحصائي تحتاج منك مذاكرة طيبة وطبعا فيه مادتين إنجليزي واحد و إثنين .

المواد التخصصية اللي تحتاج رعاية و مركزة في مذاكرتها هي

مبادئ المحاسبة و المحاسبة الحكومية و بحوث العمليات و تنمية الموارد البشرية و نظرية التنظيم

أما الباقي فيحتاج مذاكرة جيدة فقط .

وأتمنى من الأخوان والأخوات يذكروا أي مادة أكون نسيتها ...

أما عن سؤالك إذا القسم له مستقبل أو لا فهذا أولا التوفيق بيد الله عز وجل ثانياً عن الأقسام اللي وظايفها بعد الله

تكون قريبة هي اللغات الإنجليزية بحكم إن التعليم فيه نقص كبير في معلمين الإنجليزي و بعض التخصصات العلمية

لكن الإدارة بشكل عام ما تقيدك في وظيفة معينة بالعكس أي مكان ممكن إنك تلقين فيه نفس التخصص و مطلوب

عموما أنا طولت بالكلام لكن إذا فيه شي مو واضح حاضرين .

وتقبلي مني وافر التقدير ...

[بنت جده؟]

طيب ممكن تقولولي كل ماده تتكلم عن ايش بالضبط ايش تدرسو فيها عشان ابغى اعرف التخصص ايش يندرس فيه بالضبط

كمان انا سنعت انه حتى مواد النظري لازم تفهميها موتحفظيها كيف هذا مافهمت

[بنت جده؟]

ااو دلوني على موقع الاقي فيه تساولي

[النديم]

المشاركة الأصلية كتبت بواسطة بنت جده؟ طيب ممكن تقولولي كل ماده تتكلم عن ايش بالضبط ايش تدرسو فيها عشان ابغى اعرف التخصص ايش يندرس فيه بالضبط

المشاركة الأصلية كتبت بواسطة بنت جده؟ كمان انا سنعت انه حتى مواد النظري لازم تفهميها موتحفظيها كيف هذا مافهمت

أهلين من جديد أخت بنت جدة

بالنسبة للمواد تتكلم عن إيش ( إنتي تقصدين توجه القسم ككل أو كل مادة و توجهها )

عموما بالنسبة للقسم يتكلم و يشرح لك أمور الإدارة من كافة النواحي كا بداية و تنظيم و تطوير

ونظريات علماء في مجال الإدارة و حتى من النواحي المالية كا ميزانيات و تحليل لجوانب الإدارة

بالنسبة للمواد اللي تنحفظ أو تنفهم هذه النقطة في كل الأقسام فيه أشياء تنحفظ و فيه أشياء تنفهم

يعني أشياء عادية تعتبر و على فكرة المواد كثير منها حلوة وممتعة لدرجة إنك يصير فيه ميول

للمواد هذه .

بس تبين الجد و الكلام الأكيد الإحساس هذا تحسين فيه لما تعطي المادة حقها في المذاكرة

والقسم إجمالاً سلس و فيه ترابط في موادة بشكل واضح يعني ممكن تدرسي مادة و تلقين

الكلام اللي فيها في مادة ثانية بس كا إستشهاد أو تكميل أو تخصيص عشان أكون أدق بالكلام .

وأتمنالك التوفيق و إذا فيه إستفسار حاضرين ...