نصيحة بخصوص الوقت المحدد لاختبار الكيمياء وباقي الاختبارات

[dr.hope]

السلام عليكم

كيف الحال ؟ ان شاء الله طيبين


كيف المذاكرة معاكم

انا عارف انه ما حد فاضي لكن معليش عندي نصيحة وان شاء الله تفيدكم

طبعا زي ما انتو عارفين مشكلة الوقت في الاختبارات من اول السنة معانا

وقد ما حاولنا نزود في الوقت ما كان في فايدة

طبعا الكل عارف ان اختبار الكيمياء حيكون 60 سؤال

في 120 دقيقة يعني كل سؤال بدقيقتين

طبعا اكيد في اسئلة تحتاج ثواني وفي اسئلة تحتاج هاذي الدقيقتين

ونصيحتي هيا

ان كل واحد يجي الاختبار لابس ساعة في يده وياخذ نظرة سريعة كل شوية على الساعة

وهو يحل

بدل ما كل شوية يسأل الدكتور ولا الدكتورة ولا يدخل يده في جيبه عشان يطلع الجوال ويشوف الساعة

لانه كذا حتضيع كم دقيقة احنا في امسّ الحاجة لها

وهذه الجملة تختصر كل الكلام اللي كتبته

( درجاتنا في الاختبار مرهونة بقدرة تحكمنا وضبطنا للوقت )

طبعا الكلام اللي فوق خاص بالاشخاص المذاكرين يعني اللي ما هو مذاكر الله يعينه

ان شاء الله نصيحتي تكون مفيدة

وان شاء الله الجميع يتوفق غدا وفي باقي الاختبارات

وفي النهاية هاذي وجهة نظري ممكن احد يتقبلها وممكن احد ما يتقبلها

شكرا لكم ..