مشكلة في حياتي ، واحتاج مساعدتكم

[RHF]

وعليكم السلام ورحمه الله الموضوع بصرااحه طويل جداً انا من وجهه نظري لابد جلست مصارحه مع صديقاتك انا لااعلم مايدور مابينكم بس حسب كلاامك في شي سر مابعرفوو الاهم من ذالك مثل ماذكرت لك لابد من توضيح والصدق مع البعض اما السكوت وتحملي بقلبك وكل يوم يزيد معك لا واجهي العالم وجلسي معاهم وخليك عا الضاهر اشياء مخفيه مافي افضل من الصراحه مافي وخليك اجتماعيه مع العالم الانفراد بالوحده مو حلوو وتوكلي عا الله سبحانه ولا يقعد يوسوس فيك الشيطان اهتمي في الامور التي من صالحك وبس غير كذا لا زيارات اقارب زوري عادي بس لاتخبري العالم بالسالفه هذي خليها عاديه جدا هذ والله اعلم -- لاتقولي صقر دكتور نفساني هههههههههه ربي يوفقك وبعيد الشر عنك وسلامتك

هههههههههههه بالعكس صقر انا محتاجة احد يديني على راسي

مممممم مو مسألة صديقات ، انا مو دا همي ، بس انا مضايقة لانو الموضوع كل مالو يكبر ، وكل مالي باستغني عن ناس ،

وبالعكس انا قررت اخرج عن سكوتي و اقولكم هنا ، كلكم زي اخواني واخواتي ، وابغاكم تساعدوني ، لانو هنا كلنا افكارنا تقريبن مختلفة عن بعض ، فاسمع من دا و من دي و اخد اللي ينفعني

مشكور صقور

[RHF]

اناا من كثر ماانا اجتماعيه والله يجوني ناس يسلمو عليا ويجلسو معايا ولا اتذكرهم ولا تجيني وحده تقولي تتذكري لما قلتلك اقوم احاول اتذكر اقولها ما سار ذا الشي انتي شكلك كلمتي غيري بس ملخبطه هههه والبنت متأكده من كلامها وانا اشككها بنفسها لاني مااذكر

مممممممم لا انا عكسك في دي لاني اتزكر ادق التفاصيل

[RHF]

أختي رهف لاتشيلي هم ولا شيء أنا عندك من النوع اللي ما أحب أرتبط بأصدقاء كتير يعني في الحارة عندي ما أطلع من البيت كتير في الجامعة ما أحب أتعرف على أكتر من إتنين فقط وما أحب أقوي علاقتي مع أحد أخليها سطحية بسيطة مو متعمقة أخواني ما أحب أختلط معاهم في النقاشات الحادة والشديدة المداكرة في الجامعة لوحدي ما أحب أداكر مع أحد رهف دا شيء طبيعي مو مشكلة نفسية إقرأي كتب تطوير الذات كتير إبحثي عن بنات متل بنك بيري وتمشي كتير لتغيير الجو أتوقع إنو إنتي من الشخصية اللي ماتحب تمارس الحياة بجراءة وتتخوف من أشياء كتيرة إقرأي كتب ديل كارنيجي ترى المؤلف دا سبب في تغيير حياتي بعد الله لاتفكري إنو اللي معاكي دا مرض نفسي أو وهم بالعكس إعتبري حياتك سعادة خالطي الناس وتحملي إدا تبغين حل لمشكلتك بسيطة بس لازم يكون عندك رغبة قوية إبحثي عن صديقات جريئات مثلا بنات خوالك أو أعمامك أو بالجامعة وإختلطي فيهم ومارسي معاهم الحياة في المعقول راح تشوفي إنو الشيء دا صعب لكن مع مرور الوقت راح تصيري متلهم جريئة لأنو عادة تتحول العادات إلى سلوك يومي وطبيعي أعتذر على الإطالة الكلام يطول بس هي جملة إضربيها بمسمار في عقلك وهي فكر في الحياة واصطنعها تجد الحياة ملء يديك وعينيك إحساس ناجح

يعطيك العافية اخوية احساس ، مممممم الكتاب ان شاء الله حشوفو

وبالنسبة للجرأة ، ما اعتقد في احد جريئ اكتر مني ، وانا عندي علاقات كتير ، لاكن ما تدوم ، ولازم اقطعها وقت احس اني مضايقة ، او اي حاجة ،

احس الناس زي الهم على قلبي ، من صاحبات او زميلات او اهل ،

انا احس انو الراحة في البعد عن الناس :(

وانا عارفة انو دا شي غلط ،

وبالنسبة للرغبة ، انا شايفة انو دا الشي صح بيني وبين نفسي ، لانو كل ما قلت معرفتك بالناس ، كل ما بعدت عن المشاكل اكتر ،

ولاكن انا زعلت وفكرت في الموضوع بجدية ، لانو بدأت اضايق حتى من اهلي ( اهل امي و الوالد )

ومشكور

[RHF]

و عليكم السلام.. ترى الشي ده عادي جدًا و طبيعي.. أنا من الناس إللي حوالليني محسسيني أني مصلحة إجتماعية و دايمًا يشكوا لي همومهم.. و في فترة من الفترات حسيت أنه نفسي أصرخ أقول اسكتوااااااا لا احد يكلمني إللي فيني مكفيني.. بس ما عملتها.. ترى ما أشوف دا عيب أبدًا خصوصًا إنك اجتماعية يعني مو منغلقة و في حدود العلاقة السطحية هذا شي جدًا رائع.. أنا طول عمري الين 2 ثانوي زي كدا و كانوا البنات يقولوا: لولو مع أنه كلامها كثير ما احد يعرف عنها شي،، تعرف عننا كل شي و ما احد يعرف إللي في راسها.. و كنت أفتخر بدا الشي و بالعكس عاجبني أنا ما أشوفه عيب أبدًأ أبدًا.. يعني لا تشيلي هم الموضوع جدًا عادي.. بشرب كاسة كوفي عشان راسي مصدع شوي و برجع لك إن شاء الله.. تقبلي مروري رهوووفة||~

ممممممم لولو اول شي صحتين

ممممممم انا ما اقدر اقول اسكتو ، لاكن تلاقني اقطع العلاقة ، يختي سار الموضوع ايزي مرة ،

خلاص طفشت من احد ، ولا خلاص احد غمني و همني ، اتركو على طول

مع انو دا والله مو مبادئي ، سرت احس اني اخدة الناس لوعبة ، وقت ابا اكلمهم كلمتهم ، وقت ابا اتركهم تركتهم ،

وكلو في سبيل اني ما اشيل هم احد غير همي انا و امي و اخواني ،

والدائرة كل مالها تضيق ,,

مشكورة حبيبتي

[RHF]

انتي شوفي مين اللي منكده حياتك بهمومها وابعدي عنها وسطحي علاقتك فيها انا كان عندي صحبه طول الوقت تبكي من الحال اللي هيا عايشاه بصراحه البنت وضعها مررررره صعب الله يرزقها باللي يسعدها بصراحه كلمتها وقلتلها لا تشكيلي همومي ويكفيني اللي عندي وهيا بطلت تشتكيلي يعني بس ممكن تضحك معايا ونمزح وكنت اقولها اللي في بيتك خليه بس في البيت لا تعلمي احد عن همومك ترى والله في ناس يفرحو لما يشوفوكي مهمومه انتي مالك مكان تفرحيبو غير المدرسه اذا اتنكدتي في المدرسه وفي البيت وين راح تنبسطي بس والله البنت تقول حياتي اتغيرت 180 درجه

ايوا صح ، انا زي كدا

والمبدأ دا بينك بيري ماشية عليه

بس انا ما بشكي لاحد عن مشاكلي و همومي ، دي مخليتها ليا

وزي اني ما احب احد يضايقني بهمومو ، انا كمانا ما اضايع احد بهمومي

لانو انا من ززززززززززززمان اكتشفت ، انو لمن الوحدة تشكي الحال لاحد و تتبكبكلو ، محا تستفيد شي ، ولا حيقدم ولا حيأخر ، وكلو بيد الله

فخليني مفرفشة احسلي

[RHF]

وعليكم السلام ورحمة الله وبركاتة هلا بأختي ^^ أنا أشوف أنة شي طبيعي ، أهم شي على الأنسان والدينة وأخوانة والباقين يتغيرون مع الوقت ولكل مرحلة الأنسان يكون صداقة ولا بد من تفرقة الأيام ماشاء الله عليك عندك صديقة وعندك أهل ^^ أفضل من الذي لا صديقة ولا أهل عادي ياختي لا تفكري كثير ^^ أكثر الناس في هـ الزمن بدون صداقة والكل يكتفي بالأهل لأنهم الأضمن والأهم ^^ تحيتي

اهلين اخوية دارس ،

انتا جبتها صح ، انا عندي ( أهل : امي و اخواني ) + ( صديقة : بينك بيري )

انا مو مضايقة عشان الشي دا ، انا زعلانة لاني كل مالي باضيق الدائرة بدون قصد :)

ومن جد الحمدلله على كل حال و دي نعمة من ربنا :)

وانا كمان مرتاحة بوجودهم هم مكفين و موفين ، ولاكن انا مضايقة لاني سرت اخرج الناس من حياتي بكل بساطة و ما كانو دي حاجة غلط ، الناس ماهم لعبة ،

وكمان لاني ما كنت كدا ، وانا عارفة انو دي مرحلة في حياتي و حتعدي بازن الله على خير

مشكور اخوية :)

[O-DODY-O]

هوفه الله يسعدك يارب


ايوا فليها ولا تشيلي هم احد

[RHF]

وعليكم السلام والإكرام .... أول شيء بقولك إياه .. إني مرة أستغربت من الكلام <<ليش ؟ لأني لما أشوف ردودك حسيت أنك بنت حبوبة وإجتماعية <<ما شاء الله عليك ثانيا ... مشكلتك مريت فيها وصرت ما أثق في أي أحد وخصوصا البنات ,وما كلمت أحد أبد حتى أهلي ما كانو يشوفوني من كثر الزعل وما عاد أبي أختلط بأحد علشان ما أسمع مشاكلهم ..... بس الصراحة ندمت على كل يوم مر علي وأنا بالحالة دي ... لأني ضيعت سنين على ولا شيء.. ومن ثلاث سنين بدأت أشتغل وأخذت كورسات كثيرة في الحاسب وe والتطوير،،، وأحاول أشغل تفكيري بإي شيء ثاني .. إلين صرت تمام وعديت كل شيء وكبرت على كل شيء ...وإن شاء الله هالسنة راح أكمل دراستي بعد إنقطاع طويل .. حبيبتي أنا ما ألومك على إلي تسوينه لأن هذي ردت فعل طبيعية .. وإلي سبب لك هدي المشكلة هم البنات إلي كانوا معك بالثانوي ... بس حبيبتي لازم تحاولي تغيري من طريقك في التعامل مع الناس ما أقولك تثقين بأحد ... ولكن ما تعملي لأحد حذف أو مقاطعة فجائية ،،، لحتى ما يزعلوا منك ... وحاولي ما تخطلتي بالبنات الأنفعاليات أما بانسبة لأقاربك واصليهم وإذا سمعتي شيء ما عجبك روحي عنهم أو أعتذري يعني شوفيلك صرفة.. ،،، إلا صلة الرحم لاتقطعيها علشان ولا شيء ... وبالنهاية توكلي على ربك ،،، ولازم تواجهي مشكلتك ،، لأن الهروب مو حل .. والله يخليلك أهلك وصحبتك ويزيدك محبة .. ويوفقك إلى ما تحبين ... أتمنى إني أكون أفدتك ولو أدري أني قروش على راسك كثير ودخلتك بمشكلتي ... بس السموحة منك .. وأعتبريني أختك الكبيرة وأي سؤال حاضرين للطيبين ..

ههههههههه يناسو اوختي الكبيرة :)

ايوا يحقلك تستغربي ، لانو انا طول وقتي اضحك حتى مع الناس ،، يعني زي ما وضحت في رد انا محا استفيد شي لو كنت نكدية

غير اني انكد عاللي حوليا وانا مني زي كدا

مممممممممم المشكلة يا داليا انا كمان لمن احس انو الشخص اللي قطعت عنو ، لو جيت ارجعلو حيزعل و محا يتقبل الحركة ، خلاص اقطعها معاه للأبد مممممممم

ومن جد انا خايفة اني اندم ، انا لسا ما وصلت لمرحلة الندم اللي انتي وصلتيها وكانت نقطة التغيير،

انا احس اني كدا مرتاحة ، ممممممم زي قولت اني شارية راحتي بالبعد دا ،

مع انو صح دا يعتبر هروب مممم

وبالنسبة لاني اشغل وقتي ، وقتي كلو مشغول مع دائرتي الصغيرة ( امي و اخواني وصاحبتي و سكاو )

//

اخر شي ، يعطيكي العافية يا اوختي الكبيرة ، والله لا يحرمني مساعدتك :$

[LeLou]

المشاركة الأصلية كتبت بواسطة rhf ممممممم لولو اول شي صحتين ممممممم انا ما اقدر اقول اسكتو ، لاكن تلاقني اقطع العلاقة ، يختي سار الموضوع ايزي مرة ، خلاص طفشت من احد ، ولا خلاص احد غمني و همني ، اتركو على طول مع انو دا والله مو مبادئي ، سرت احس اني اخدة الناس لوعبة ، وقت ابا اكلمهم كلمتهم ، وقت ابا اتركهم تركتهم ، وكلو في سبيل اني ما اشيل هم احد غير همي انا و امي و اخواني ، والدائرة كل مالها تضيق ,, مشكورة حبيبتي

شوفي يا عسل ترى هو الواحد كل ما اتكلم في مشاكله راح يحس أنها كبيرة..
أنا ما عمري سكتت لسان يشتكي لي غير في مرة و مو كدا يعني واحدة قلت لها و أنا أيش تبغيني أسوي..
قالت لي و لاحاجة أنا بس أشتكي لك،، حسيت بتأنيب ضمير عظيم وقتها..

بس ترى زي ما قلت لك الشي ده عادي و الواحد كل ما كانت دائرته ضيقة كل ما قدر يلم بكل جوانبها..
الناس أولا و أخيرًا كل واحد عنده همه أما أنا أحق بأني أنظر لمشاكلي على انفراد..

و أنا بصراحة مو زيك على قد ما أسمع من الناس ما أشيل همهم و أخليه يأثر عليا..
مرة واحدة بس بنت قعدت أفكر في موضوعها..
أنا لما أدخل غرفتي و أسكر على نفسي الباب خلاص أدخل مملكتي و أحس أني ملكة..
و ما يهمني العالم لو ينحرق..

بس أقدر أقول لك اتفرغي لنفسك أحسن لأنه الناس ما راح تقدم و لا راح تأخر..
و إنت كمان المفروض تحاولي إنت ما تخلي حكاوي الناس تأثر عليكي..

و علقي ورقة قدامك اكتبي عليها انا ما اتأثر بحكاوي الناس،، أو أي عبارة من هذا القبيل..
أنا كدا أسوي أكتب أي فكرة و أخليها قدامي و ناوية أجيب حبل غسيل و أعلق عليه الأوراق بالمشابك في القريب العاجل..
و أحيانًا أقعد أنسخ العبارات..
ترى الطريقة هذي مفيدة جدًا..

//

و آخر شي على قلبك يا عسل تسلمي||~

[RHF]

شوفي يا عسل ترى هو الواحد كل ما اتكلم في مشاكله راح يحس أنها كبيرة.. أنا ما عمري سكتت لسان يشتكي لي غير في مرة و مو كدا يعني واحدة قلت لها و أنا أيش تبغيني أسوي.. قالت لي و لاحاجة أنا بس أشتكي لك،، حسيت بتأنيب ضمير عظيم وقتها.. بس ترى زي ما قلت لك الشي ده عادي و الواحد كل ما كانت دائرته ضيقة كل ما قدر يلم بكل جوانبها.. الناس أولا و أخيرًا كل واحد عنده همه أما أنا أحق بأني أنظر لمشاكلي على انفراد.. و أنا بصراحة مو زيك على قد ما أسمع من الناس ما أشيل همهم و أخليه يأثر عليا.. مرة واحدة بس بنت قعدت أفكر في موضوعها.. أنا لما أدخل غرفتي و أسكر على نفسي الباب خلاص أدخل مملكتي و أحس أني ملكة.. و ما يهمني العالم لو ينحرق.. بس أقدر أقول لك اتفرغي لنفسك أحسن لأنه الناس ما راح تقدم و لا راح تأخر.. و إنت كمان المفروض تحاولي إنت ما تخلي حكاوي الناس تأثر عليكي.. و علقي ورقة قدامك اكتبي عليها انا ما اتأثر بحكاوي الناس،، أو أي عبارة من هذا القبيل.. أنا كدا أسوي أكتب أي فكرة و أخليها قدامي و ناوية أجيب حبل غسيل و أعلق عليه الأوراق بالمشابك في القريب العاجل.. و أحيانًا أقعد أنسخ العبارات.. ترى الطريقة هذي مفيدة جدًا.. // و آخر شي على قلبك يا عسل تسلمي||~

المشكلة يا لولو انا مرة حساسة واللهي :(

كمان لمن احد يقعد يشكيلي ، ما يهون عليا اسكتو ، احس اني اسمعلو وانا نفسي اخنقو هههه زي اللي اقول في نفسي كأنو ناقصني انا

ومن جد مرة اتأثر :(

و احساس الملكة يجيني بعد ما اترك الناس :(

مممممممم وبالنسبة للاوراق دي اللي اعلقها ، اانا عن نفسي ما استفيد منها ، يعني الفكرة دي ما تمشي معايا لاني قيد جربتها ، بس ما نفعتني

بس ان شاء الله تزبط معاكي :)

الله يوفقك ، مشكورة لولو