الكيمياااااااااء ><

[ساعدوني رايكم يهمني]

الله يجزاكم خير حتعبكم معاي .....جبت الكتاب وسنترت فيذا....رغم اني ما اعرف اتعامل معاه دايم افتحه وارجع اقفله تنسد نفسي

[ساعدوني رايكم يهمني]

ااااااااااااااااااااب

[ُزمرد]

بسم الله الرحمن الرحيم ..

يارب ماتتلخبطي عشآن احس شرحي , ..

ح اكتب اسماء الصفحات والفقرات وكدا عشآن لاتتوهي ف الكتآب

اهم شيء انك تقرأي كلامي وتشوفي الصفحات ياويلك لو قريتي من غير ما تتآبعي الكتآب

أي شيء اقوله بالعربي فهو للتوضيح ولا كل شيء لازم تفهميه وتعرفيه بالانقلش ..



/
/



Ch24

..

[ page [ 1026
صفحة 1026 ..


24.1

عنوان التشآبتر .. " الكيميآء العضوية "

اول شيء في تعآريف مُهمة ..

- organic chemistry
- A Functional Group


* لازم تعرفي ان المركبآت العضوية تتكون من مركبات إسمها هيدروكربونية ..

* سبب تسميتهآ ب الهيدروكربونية انها مكونه من الهيدروجين والكربون فقط...

الكلام مكتوب ف الكتآب >
Most organic copounds are derived from a group ........................ إلخ ..



المركبات العضوية الهيدروكربونية تنقسم إلى قسمين :

1- اليفاتية Aliphatic : لا تحتوي على مجموعة البنزين
2- عطرية Aromatic : ب تحتوي على حلقات البنزين



.
.


* طيب دحين ح نتكلم عن المركبات الاليفآتيه .. أما النوع الثاني العطرية راح نتطرق لهآ اخر التشآبتر .. إذا شاء الله


.
.


المركبآت الاليفآتية .. Aliphatic Hydrocarbons .. 24.2


المركبآت الاليفاتية تنقسم إلى ..
1- الالكان
2- الالكان الحلقي ( سآيكلو ألكانز )
3- الالكين
4- الالكآين

* حتلاقي التقسيم دا مرسوم نهايه الصفحة ف المربعآت ..


.
.


طيب نتكلم عن اول نوع في المركبآت الاليفاتية اللي هوا الالكآنات ..

Alkanes ..

* هي مركبآت احادية الروابط .. يعني رابطتها دايما تكون واحده .. بعكس الالكاين ثلاثي الروابط والالكين ثنائي الروابط ..

* الالكانات مركبات [ مشبعة ] Saturated .. ( المعلومة دي مهمة جداً )

* ملاحظة للفائدة .. المواد تكون مشبعه هي اللي روابطها احاديه .. والمواد الغير مشبعه هي اللي تكون عديده روابط .. ثنائية ثلاثية إلخ ..


تحفظي صيغتهآ .. CnH2n+2 .. حتلاقي الصيغه مكتوبة في اول سطر تحت كلمة الالكانات ..


.
.


طيب ف إيش يفيدنآ حفظ الصيغه؟

فائدة الصيغه انه يحطلك ف السؤال كذا مركب ويقلك اي واحد فيهم الكآن ؟
ف انتي تاخدي كل مركب وتعوضي ف القانون أو الصيغه دي وتعرفي ..

مثال للتوضيح ( مو موجود بالكتآب ) ..

Ch8 -
Ch4 -

مين فيهم الالكآن ؟

بِ بساطة نعوض ف الصيغه إللي هيآ Cn H2n+2
* حيث أن n هو العدد ..

طيب نمسك اول مركب CH8
الـ c = العدد اللي معاها 1 .. لانه مو مكتوب عندها عدد
إذاً N = 1
اجل لو ضربنا العدد في 2 وجمعنآ عليه 2 وكان الناتج =8 .. إذا الجواب حيكون ان المركب هذا ألكان ..

ف نعوض الn بـ1 ..
لو طلع الجواب 8 زي مو بالمركب ch8 اذا المركب الكان

1×2 +2 = 4 !!

حل التعويض ماطلع زي المركب إللي عندنا إذا .. المركب ليس الكان ..

..

ننتقل إلى المركب الثاني .. CH4

يتضح من المركب ان الn = 1 ..


1×2+2 = 4

ch4
اذا الجواب صحيح ..

..

هذا بالنسبة ل فائدة الصيغه ..
مجرد تعويض مبآشر من خلاله تعرفي نوع المركب الكان ولا الكين الخ ..



.
.


الصفحة الثانية ..

[ page [ 1027

بيتكلم هنآ عن الايزوميرات ..

[COLOR="rgb(255, 0, 255)"]structural isomers ..
molecules that have the same molecular formula but different structures

[COLOR="rgb(255, 0, 255)"]الايزوميرات [/COLOR]شرحهآ // هي لمآ الصيغه الجزيئية تكون متشآبهه ولكن هيآكلهآ مختلفة ..

..

المثال حتلاقيه اخر الصفحة .. مثال 24.1

اقرأي المثال وأفهميه .. بيقلك ان مركب صيغته الجزيئية " C5H12 "

بينما له اكثر من هيكل " اكثر من رسمه " ..
شوفيهآ بالكتآب .. والحل تابع بالصفحة اللي ورا ..

..

* هي دي الايزوميرات , ان المركب يقدر يكون له اكثر من هيكل واحد " أي اكثر من رسمة" ..

مره تقدري تحطي الc كلها في صف واحد
C-C-C-C-C
وبعدين ترصي حولها الـ H

مرة تقدري ترصي ال C بهذا الشكل ..
C-C-C-C2
وبعدها توزعي الH عليهآ

وفي كل الاحوال الـC حيكون مجموعها 5 .. والH ـ 12 بس الشكل الهيكلي اتغير

يعني في في اكثر من رسمه للمركب لكن الصيغه وحده



..

وخلاص كدا خلصنآ الالكآن بس بقي اهم جزء إللي هوا التسمية .. إذا حسيتي اسلوبي نفعك ب اكمل ما نفعك روحي اتسحري احسن لك xD

..

اتكلمت بالتفصيل ان شاء الله اكون افدتك حتى لو لخبطتك معليش والله . نيتي كويسة
وعذراً عالقصور بس تعرفي المخ ضرب مأجزين من زمان والمعلومات بح وهيك ..
انتظر تعليقك ..

الله يستر

..

[hadeel a]

ماشاء الله شرحك حلو يا زمرد ..
لي ما تحطي الشرح في موضوع لحاله عشان كل اللي عندهم صيفي يستفيدو منو ..

[ُزمرد]

المشاركة الأصلية كتبت بواسطة hadeel a ماشاء الله شرحك حلو يا زمرد .. لي ما تحطي الشرح في موضوع لحاله عشان كل اللي عندهم صيفي يستفيدو منو ..

الله يسعدك يارب تسلمي على كلامك
أخاف لو نزلته ف موضوع الخبط النآس + أستحي :$
ولو احد احتاج الاعضاء ما يقصرو بيعطوهم الرابط للموضوع دا

اصلا اخاف اكون لخبطت البنت

[ساعدوني رايكم يهمني]

لا ماشاءالله شرحك تمااام........واصلي الى الامام

[ُزمرد]

المشاركة الأصلية كتبت بواسطة ساعدوني رايكم يهمني لا ماشاءالله شرحك تمااام........واصلي الى الامام

يارب من جد تكوني فهمتي

اوكي من عيوني ياقمر

بس لا تسنتري وتستني ب اطول شوييتين عبآل ما اكتب ..

بس لو في شيء مو واضح ياليت تقولي لانه اغلبه يعتمد على بعض ..

.. وبرضه ف النهايه لا تعتمدي على شرحي وحاولي تشتري الملخصآت ..

برب "

[ساعدوني رايكم يهمني]

لا اله الا الله

[ُزمرد]

[ التسمية ] ..


من صفحة 1028 - 1030

طبعاً التسمية نوعين
اما بالنظام الدولي IUPAC
او انه بطريقة ثانية اخدناها بالثنوي اسمها التسمية البسيطة اتوقع ما اعرف نسيت اسمها بس مو مهمه ولامعانا اي شيء منها

التسمية اللي في منهجنآ هي IUPAC ..


.
.


قبل ما نتطرق للتسمية لازم تحفظي أسماء المركبات هذه و "بالترتيب "
الجدول موجود عندك صفحة 1028 ..

ميثآن , إيثان , بروبآن , بيوتآن , إلخ ...

..


[ تسمية الألكآنات ]

..

الشروط ..

1- نختار أطول سلسلة
2- يبدأ الترقيم من الجهة الأقرب للتفرع
3- في حاول وجود أكثر من تفرع نستخدم الارقام الاغريقية . Di , Tri , tetra إلخ " الجدول موجود في تشآبتر 2 صفحة 63 "


ملاحظة *
نستخدم علامة " ، " الفاصلة .. للفصل بين رقم ورقم > 2,3
نستخدم علاامة " - " .. للفصل بين رقم وإسم > 2-hexane

..

هذي شروط التسمية لو حفظتيهآ راح تقدري تسمي المركب بكل سرعه وبسآطة وسهولة ^_^ ..

نتكلم عن كل شرط بالتفصيل ..،

.
.



مثلا عندنا هذا المركب نبغى نسميـه ..




..

الشرط الاول يقول .. 1- نختار أطول سلسلة

الرسمه لها أكثر من سلسلة ..حيث ان السلسلة لازم يكون لها بداية ونهاية ..

قد يكون شكل السلسلة بدايتها ونهايتها كدا

.




.
.

او كدا

.




او كدا

.




إلخ ..
لها اكثر من سلسلة ..
ولكن السلسلة الصحيحة هي في الصورة الاولى لانها اطول سلسلة ..

حيث أن عدد المركبآت فيهآ 6 ..! بينما الرسمآت الثانية عدد مركبآتهآ 3 و 5 !



.
..
.

إذا الشرط الاول طبقنآه > اختيار اطول سلسلة .. >



.
.


.
.

2- يبدأ الترقيم من الجهة الأقرب للتفرع

الترقيم حيكون واحد من الإثنين يا ابتداءاً من اليمين يا إبتداءاً من اليسار ..



.
.



الترقيم الصحيح هو الي يكون أقرب من التفرع ..

هذا التفرع ..



وكمآ يتضح . فإن التفرع اقرب للناحية اليسرى من السلسلة إذاً .. الترقيم راح يبدأ من الناحية اليسرى ..

..



.
.




بما ان المركب يتكون من 6 مركبآت إذاً هو هكسآن ..

1- ميثان
2- ايثان
3- بروبان
4- بيوتان
5- بنتان
6- هكسآن <<

..

إذا اسم المركب هكسآن لكن قبل مانكتب ان اسمه هكسآن نشوف التفرعآت الطالعه من المركب إيش إسمها .. ؟



Ch3 = ميثيل ..

طبعاً التفرعآت اللي ممكن تجي ولازم تنحفظ اللي هيا .. ميثيل وإيثيل وأمينو وفلورو ويودو برومو نآيترو .. موجوده في جدول صغير أعلى صفحه 1030 ..

التفرع اللي عندنا هنا إسمه .. ميثيل إذا

إسم المركب .. ميثيل هكسآن

طيب الشرط الثالث يقول ..

3- في حاول وجود أكثر من تفرع نستخدم الارقام الاغريقية . Di , Tri , tetra إلخ " الجدول موجود في تشآبتر 2 صفحة



عندنا اكثر من تفرع لماده واحدة إللي هيآ الميثيل ..
طيب التفرع اتكرر كم مرة ؟ اتكرر التفرع 3 مرات ..
وبالرجوع الى جدول الارقام الاغريقية في تشآبتر 2 .. نلاقي ان الرقم 3 بالإغريقي إسمه tri



...

إذا اسم المركب حيسير ترآي ميثيل هكسآن


وآخر حاجة لازم نحط الأرقام اللي التفرع طلع منهآ ..



التفرع طلع من عند رقم 2 مرتين ومن عند رقم 4 مره وحده إذا ..

2,2,4-trimethelyhexane

مع التدقيق على علامة الشرطة والفاصلة ( ، - )

ماني عارفه ليش الارقام طالعه عندي بعد الإسم المهم شوفي من الكتآب صفحة 1030 التدريب وحتلاقي الترتيب الصحيح للإسم .. الارقام وبعدها الاسم


2,2,4
trimethelyhexane-

..

وبس دي التسمية ..مره ماهي صعبة .. حاولي تحلي عليها كم تدريب و حتتعودي =)

نختار اطول سلسلة للشكل وبعدها نرقمهآ ويبدأ الترقيم من الجهه الاقرب للتفرع واذا كان في اكثر من تفرع لنفس الماده نستخدم الارقام الاغريقية !

ان شاء الله تكون واضحة..



.
.

.
.


2- [ الالكآنات الحلقية ]

1033-1034 الصفحآت ..

* الالكآن الحلقي هو الكآن منزوع منه ذره هيدروجين واحده ..
التعريف مهم اول سطرين بالكتآب صفحة 1033 ..


الصيغه العامة للألكان الحلقي .. CnH2n ..


الألكان الحلقي غير مشبع unsaturated + olefins
وهذا الكلام مكتوب بنفس الصفحة 1033 السطر اللي قبل الاخير ..




.
.


الجدول ب صفحة 1034 .. يوضح الالكان الحلقي .. عادة يجي على شكل رسمآت .. مستطيل مثلث مربع إلخ..

تسمية السآيكلو الكان [ الالكان الحلقي ] جداً جداً سهله..

مثلا .. هذا الشكل ..



بما انه يحتوي على 3 رؤوس .. أو على 3 أضلاع إذا حيكون بروبآن ..

وقبل كلمة بروبآن نزود كلمة سآيكلو

Cyclopropane < وبس هذا اسم الشكل ..

.

[AM00NA]

يآعيني يآعيني يآزمرد ماشاءالله علييك وفيتي وكفيتي
وين هالشررح من زمآن يختي

ربـي يوفقكم جميعاً ..