كم؟ طب

[senorita]

يا قلبي عليكي

باقي تفكرين في موضوع الطب

بس الله يوفق لك ويوفق لنا

بس بصراحه الناس ناسيه الموضوع هذا ولاتفكر فيه

لان زي متي عارفه اننا جالسين ندور على درجات النجاح يادوب

الله يعيننا ..ويارب تعدي السنه هذي على خير

[basooooma]

يقولون لازم يكون المعدل النهائي 4,5 وما فوق
يعني ان شاء الله نجيبها
نجيبها ونجيب ابوها ..............
بس لا تنبسطوا ازا جبتوا هدا المعدل لازم بعدين تدخلوا اختبار تاني يشوفون ازا ممكن تدخلوا
كلية الطب ولا لأ ؟
يعني فيه كرف كمان

[LucKy LAD]

انا افضل انك ماتسالي حاليا خليها وقتها
كل اللي عليكي انك تشدي حيلك وبس
والطب ينتظرك ان شاء الله

[عـ.~.ـريكـ‘هـ]

الطب يستناها في كولالمبور هههههههههههههههههه لاعد تفكرو في الطب وربي من جد إذ1 الطالبات والطلاب بيشتكو من منهج الأحياء ويقولو صعب ؟ ؟؟؟؟؟ أجل كيف لما تتخصصي في الطب البشري زي الناس ايش حتسوي ياترى ؟؟



فكري في المستقبل

[love me for me]

اه يا ربي

يا حلوه انتي امشي فين ما نروح نروح
وصح كلام اللي فوقي
احنا ازا شليفين دا الاحياء صعب اجل التخصص ايه ؟
وكمان اللي اعرفو اظن انو الاحياء اللي ناخدو قريب صحبتي 3 اظن طب وياخدو

[Bo0oZy]

شدوو الحيل والهمة .. وامشو واتخبطو وخلوووها زي ما تجي تجي


وفي النهاية اللي مكتوب حيصير << استسلم للقدر !!

[love me for me]

من جد هو لازم نستسلم للقدر الله يعين

[نبراس الهدى]

ههههههههههههههههههههههههه

نحزن والله العظيم

[love me for me]

شكلك ميته ضحك ههههههههـ

[ahmed_alolyan]

ايش التحطيم هدا يا شباب

البنت جايه عشان ترفعو معنوياتها وانتو تقولولها انسي الموضوع

على فكره الاحياء اللي اخدناه احنا اصعب بكتير من اللي ياخدوه في الطب (( الدكتور قلي هدا الكلام ))

يعني احنا اخدنا منهج كبييييييييير في ترم واحد لاكن في الطب حيكون تدريسه بشكل مرتب ومو بالسرعه هدي

تاني شي لا تنسو انو هدي اول سنه اكيد حيكون فيها صعوبه يعني اغلب الطلاب يجو اول سنه ماهم متعودين على نضام الجامعه لكن السنه الجايه ان شاء الله تمشي وتتعودو على الوضع

انا اخويا دخل صيدله ورسب اول سنه لكن بعد هدي السنه شد حيله ودحين الحمد لله اتخرج وطلع بامتياز وكمان طلع نجم الكليه

انا بصراحه درجاتي ما تأهلني اني ادخل طب انا ابغى هندسه بس بأقول هدا الكلام عشان مافي شي مستحيل

ماهي مستحيله انو احد مننا يطلع من المتميزين في الجامعه ويدخل الطب بجدارته واجتهاده ومافي شي صعب

يعني العدد اللي حياخدوه في الطب برضهم بشر زينا بس الفرق انهم اجتهدو اكتر ويستاهلو انهم يدخلو الطب

وسيبوكم من التحطيم هدا ترى الدنيه هدي مافيها شي صعب

بالنسبه لعدد الطلاب اللي حياخدوهم صراحه ما اعرف وما سألت لأني انا ما ابغى ادخل طب لاكن اللي امله في الله كبير وحاب يدخل ممكن يسأل المسؤولين امكن في عمادة القبول والتسجيل تحصلو الجواب

والله يعين الجميع يا رب