مامعنى كلمة إجازة+ رأيكم بموضوع العميد

[THE HILL]

المشاركة الأصلية كتبت بواسطة meeno92 أنا نفس الشي توتر وقلق الخ الخ بس انو في النهاية قلت ما حستفيد حاجة لما اتوتر واتشكى لكل خلق رببييي سرت عادي اطلع كل يوم والا اشغل نفسي بأي طريقة صحيح انو برضو اقعد افكر في التسكين.. بس انو خلاص, مافي بيدنا شي لو نقعد نتشكى من اليوم لبكرة وهدي جامعة مدري ايش فيها وما تراعي و و و و حنغير في شي؟ حيعطونا وجه ويسرعو التسكين مثلا..؟ السنوات اللي قبلنا كلهم سارلهم نفس الشي واهم عايشيين p: القلق ما حيسااعد في حاجة.. عييشي حياتك يا ستي وادخلي كل يوم الليل المنتدى شوفي ايش آخر الاخبار وصدقيني لو طلع التسكين حتعرفي, جواالك ما حيسكت من كثر المسجات والإيميلات الأخباار تنتشر بسررعة خصوصا لما يكون شي كبير زي التسكين وحتى لو تقري ردود بعض الناس في مواضيع التسكين حقت السنة اللي فاتت كلهم يقولو جانا 700 اتصال ومسج وكل حااجة وقت ما تنزل حتنزل.. كلو مكتووووب سوري طولت بس خلاص صبرنا 3 اسابيع.. نقدر كمان نصبرلنا اسبوع

+1

[* رولا *]

العميد جزاه الله خير وضّح كل شيء في موضوعه عن سبب تأخر التسكين
يكفي الاستياء والتبرم!

[حلا الحلوه]

[quote=مظلومة التحضيري;4337796]السلام عليكم ياحلوين
كيفكم ؟! إن شاء الله بخير
سؤال مهي معنى كلمة إجازة من وجهت نظري راحة من التوتر والقلق راحه من الضغط النفسي إلي في الدراسه تصفيه لذهن من كل شي

لاكن هل جامعتنا الموقرة راعت داه الشي وأستعجب صراحة لبعض الأخوة متمتع بإجازته ويسأل ليش إنتو متوترين يالله بالله ياخي مو كل الناس زي بعض إنته ربي يوفقك ضامن غير مو ضامن نهائي

/quote]

وعليكم السلام

شوية تفكير واقعي بعيد عن العاطفة راح يروح التوتر والقلق

وفي صراحة شي ثاني ودي أتناقش فيه معاكم يعني العميد جزاه الله ألف خير نزل الموضوع طيب ماحسست بفائده من الموضوع غير الهم والقلق الزيادة ولا يرد على أسئلتنا عجيبه بش ماودي أطول أكثر أدري زهقتو يلا أسيب التعليق لكم وبليز لا أحد يجرح بالكلام ولاأبغى مضاربات ولاتعليقات كرة ^_^ ودمتم

بصراحة استغرب كيف تقولي انو موضوع العميد مافي منو فايدة!!

اجازة سعيدة ^_^

[رنيم سليمان]

وعليكِ السلام ورحمة الله وبركاته ..




لا أحد يستطيع الضَمان مادامت الأقدار بيد الله سواء كان المعدل عالي أو متوسط أو حتى مُنخفض

وكثيرًا مانسمع أن شخصًا توقع القبول ولم يقبل وبالمقابل طالب آخر يتوقع عدم القبول ويقبل

لنحسن الظَن ونتوكل عليه فهو وحده حسبنا


فمن يعتمد على شئ سواء على معدله أو قدراته

فسيوكله الله إلى ماعتمد عليه ! فيريه أن لا حول له ولاقوة إلا بِه وحده .



لذلك لنجعل جل اعتمادنا الكلي على الله

وحتى ارتفاع معدلاتنا هو تَسخير من الله أن يبث في هذا الانسان قدرة الحصول

أو الاجتياز وما إلى ذلك وففي الحالتين خيره بدا لنا أو لم يبدو ~




أمًا بالنسبه لموضوع العميد فعلى العكس استفدت منه من حيث موعد التسكين

وكيفية التَسكين والاختلاف بين الدفعه وإن أصابني خوف ولكن هذا هو الواقع

وهذه هي أسئلتنا لَه فكيف بعد السؤال نستنكر عليه الإجابه وإن لم يجب نستنكر عليه عدم الإجابة !



كما أنني أرى بعض الاستفسارات لايمكن الإجابة عليها لسرية المعلومات

وبعضها واضحه في الخبر ومازالت تُكرر بطرُق مختلفه

ومع ذلك أسأل الله أن ييسر له الوقت للإجابة علينا جميعًا



ويُعجل بقدوم نهاية الأسبوع مستبشرين بالنتائج بإذن الله ~

[Helsom]

الاجازة اللي راحت ضاع اول شهر منها بسبب القبول والاجازة هذي بيضيع اول شهر منها بسبب التسكين + لمن يفتح التسكين ويضرب الموقع عليهم ( لان السيرفر ما يستحمل يعني اول ما ينزل التسكين راح ندخل في دوامة ثانية ) , الدنيا كذا مافي شي يجي بسهولة ولا شي يجي بدون تعب ووجع راس اصبروا والله يعين ..

العميد صحيح انه غلط يوم فتح الموضوع وتركنا وكل واحد عنده ستين سؤال لكنه معذور وراه الف حاجه وحاجه ما راح يفضالنا .."

بالتوفيق"

[علي صنبع]

هههههههههههههههههههههههههههههههههههههههههههههههههه ههههه
أقول ترى احنا
طول السنة في إجازة ويجينا أسبوعين اختبارات ونقول ضغط وهم . يا جماعة خلوا الأمور تسير كما هيا وأخاف الإستعجال يضرنا وكثرة الأسئلة تبين لهم أشياء هم في غفلة عنها.
يقول الله عز وجل :(( { يا أيها الذين آمنوا لا تسألوا عن أشياء إن تبد لكم تسؤكم... الآية ))
ولا تقولوا هذا فاضي ومأجز ويتفلسف علينا ترى أنا عندي صيفي والله ييسر لنا ولكم .

[مظلومة التحضيري]

أشكر كل إلي ردو وأدري كل كلمة صح بس القلق لابد منه وأنا ماأحس إني يزياده

[~RAN~]

الا صح الحين قفلوا موضوع العميد
طيب واذا جاء بكره يبغى يجاوب ولقيه مقفل وش يسوي

[M7mmd]

صراحة الاخت مينو قالت كل شي

عيني عليها بارده

بس اضيف انو العميد مو فاضي يجاوب استفسارات الاعضاء كلها

جاوب المهم, ومنه ان التسكين حيكون خلال الاسبوع هذا خلاص صبركم

احنا من اول مستنين التسكين ومافي اي موعد بنزوله كنا مستنيين وبس

اما دحين جا العميد الله يعطيه العافية واعطانا موعد, وإن شاء الله خلال الايام الجاية

ويجدر بالذكر انو بعد إغلاق الموضوع المثبت, فيه ناس ماشاء الله ما سابو العميد في حالو

بالتوفيـــق جميعاً ,, =)

[ُزمرد]

وعليكم السلام ورحمة الله تعالى وبركاتة

مظلومة التحضيري ، مواضيعك ف الفترة الاخيرة كلهآ حلوة عيني عليكِ باردة

والله عاد ايش نسوي ><

الله يعطيكِ الف عافية قلتي كل اللي لازم ينقآل ..

ألله يصبرنآ يارب ..

الا صح الحين قفلوا موضوع العميد طيب واذا جاء بكره يبغى يجاوب ولقيه مقفل وش يسوي

إحتمال ( 94.999% ) انه هوا اللي طلب .. او يمكن المشرفة شافت الفوضى اللي ف الموضوع والانتقادات وقفلته عموماً لو حابب يجآوبنآ اتوقع انه يبلغ المشرفة تفتح الموضوع او يفتح موضوع جديد ويجآوبنآ فيه

بسيطة يعني ما يبغالهآ ..

فيه ناس ماشاء الله ما سابو العميد في حالو