سكن الجامعه .. أو أي سكن آخر ( عنوان متورط ومبهم في نفس الوقت ) .!

[الامل المنشود 2010]

لكن أنا أرى إن الغرف الكبيرة مالها داعي،،،
أهم شي أن الشخص يكون منظم ومرتب
لكن وجهات النظر تختلف
ولك مني أجمل تحية
------
لاتنسوا صلاة الفجر

[roosh]

ممم اوكي خلاص انا إن شاء الله بكرة بسألك بابتي واخويا << افتكر انو قال انو كم واحد من اصحابو برضو ساكنين هناك جنب الجامعه فحسألك هوا واتأكد منو وإن شاء الله حأحطلك ايش يسير معايا هنا
^_^

[طارق الحارثي]

لو منك اتزوج وافتحلي بيت في جدة ولا احلى << وده يسوي كذا

[الدكتور المحتار]

اذا لقيت سكن قلي

انا من مكه

وطفشت وانا كل يووم طالع نازل

خخخخ


الله يعينك وتلاقي الشي اللي يناسبك

[khalid altaif]

شــوف اخوي انا راح افيدك في ذا الموضوع لانو لــياا بااع طويل فيه <<<ارحمنا ياهو

المهم

انا كنت زيك محتــار اول ماجيت على جده اسكن بالسكن ولا برا السكن لكن قررت اني اسكــن برا السكن وندمت صراحه لانو الســكن جو حلو وجو دراسه ولا تصدق الي يقلك ممنوع ويقفلو ومعرف ايش لا كل شي عــادي لكن كــل شي يبغالو تكتيك -وسلامتك فهمتك-

انــا راح اعطيك فكره عن منــاطق شقق العزاب بجده :

1- حي الجــامعه تقريبا 80% عزاب
لــكن مشكلتو بصراحه حي جدا سيئ من جميع النواحي زحمه-مجاري تطفح وانت بكرامه- زبايل -المويه دايمن مقطوعه..الخ

فووق دا كلو

الايجارات مرتفعه وماادري ليش

غرفه +حمام=500 ريــال شهريا

غرفتين +حمام+مطبخ صغير =800 ريال شهريا

انا حــاليا ســاكن في السلمانيه في شقه ولله الحمد اكثر من رائعه ومدري كيف ربي طيحني فيها


الي ابغى اقولو اسكن في السكن ونصيحه مني

وانا احتمــال كبير اذا اتسكنت بكليه بجـده انو راح انقل السكن لانو مميزاتوو كتير من ضمنها الخدمات كلها موجوده +السعر غير مبالغ فيه 1000 ريال كل ترم +حتى في الاجازات ماتضطر تدفع ايــجار ع الفاضي وانت مو ســاكن في الشقه


اتمنى اكون افدتك
واذا تبغى ارقام مكاتب عقار او في راسك منطقه معينه تبغى تسكن فيها ابشر بعزك ارسلي خاص وماعليك

دعواتك ليا

شكرا

[Dr.Passed]

المشاركة الأصلية كتبت بواسطة majed7 لو إنيـ بنت كان طالبت أهلي بـ فيلا كامله مو شقه ..

محايخلوك اصلا تعيش لحالك لا في فيلا ولا حتى قصر =)

اقترح تشوفلك من الشقق السكنيه..مني قادرة افكرلك في حاجه تانيه...ايش تسوي..مو لازم تصاحب شلل وتعزمهم وتسهرو وما اعرف ايش...اديهم فكره انك جاد مرة وماعندك دقيقه تضعها...من جد...بس ادي حق الجار وخلاص ..حتقدر تزبط نفسك..

انا كنت في سكن ( خاص) عشان ماما وبابا سافرو...والبنات يقعدو يسهر وازعاج وفجأه الاقيهم ما شاء الله عزمو نفسهم عندي...كانت مأساه...( مع اني كنت لحالي ما عندي روميت) بس برضو احس انو غرفتي فجأه كانت تنقلب صاله ماشاء الله..سارو يسيبو اشياءهم عشان تاني يوم يجو يلاقوها في محلها يعني ايش دا..الحال دا ما كمل اسبوعين الحمدلله سرت اطردهم هههههه واي احد يجيني..اطلع برا اتكلم معاهم واقفل الباب ورايا عشان يفهمو اني محادخل احد عندي( يعني ما افتح الباب واقول اتفضلو)...يعني سرت اقول في الوش بس بطريقه كده خفف دمك وانت تطرد عشان مايتحسسو منك...يعني قولها بطريقه مضحكه ولاتخلي احد يجي يسهر عندك ويضيعلك وقتك..من البدايه افرض سياستك ولا تكسر القاعده حقتك ابدا عشان محد ياخود عليك..

ازا تبغو تتجمعو اتجمعو برا...عشان تحافظ على خصوصيتك وهدوء لحالك ( لو ايش سار لاتجيب احد عندك) ...ما ني قادرة افكر في شي تاني سوري

[Dr.Shaikhah]

المشاركة الأصلية كتبت بواسطة dr.passed محايخلوك اصلا تعيش لحالك لا في فيلا ولا حتى قصر =) اقترح تشوفلك من الشقق السكنيه..مني قادرة افكرلك في حاجه تانيه...ايش تسوي..مو لازم تصاحب شلل وتعزمهم وتسهرو وما اعرف ايش...اديهم فكره انك جاد مرة وماعندك دقيقه تضعها...من جد...بس ادي حق الجار وخلاص ..حتقدر تزبط نفسك.. انا كنت في سكن ( خاص) عشان ماما وبابا سافرو...والبنات يقعدو يسهر وازعاج وفجأه الاقيهم ما شاء الله عزمو نفسهم عندي...كانت مأساه...( مع اني كنت لحالي ما عندي روميت) بس برضو احس انو غرفتي فجأه كانت تنقلب صاله ماشاء الله..سارو يسيبو اشياءهم عشان تاني يوم يجو يلاقوها في محلها يعني ايش دا..الحال دا ما كمل اسبوعين الحمدلله سرت اطردهم هههههه واي احد يجيني..اطلع برا اتكلم معاهم واقفل الباب ورايا عشان يفهمو اني محادخل احد عندي( يعني ما افتح الباب واقول اتفضلو)...يعني سرت اقول في الوش بس بطريقه كده خفف دمك وانت تطرد عشان مايتحسسو منك...يعني قولها بطريقه مضحكه ولاتخلي احد يجي يسهر عندك ويضيعلك وقتك..من البدايه افرض سياستك ولا تكسر القاعده حقتك ابدا عشان محد ياخود عليك.. ازا تبغو تتجمعو اتجمعو برا...عشان تحافظ على خصوصيتك وهدوء لحالك ( لو ايش سار لاتجيب احد عندك) ...ما ني قادرة افكر في شي تاني سوري

+1

من جد صدقتي البنات ماينعطون وجه انا اقففل الباب ومآرد ع الجوال يعني بالعربي انقلعو الله يقلع ابليس يجوون يطقون النافذه < لأن غرفتي بالأرضي
مسسسخره

حلوه الجمعه والفله بس بحدوود لأنو وناسه ومذاكره مايجون مع بعض

واكثر شي حلو ان الجوو دراسي بحححت وماشاء الله اغلب بنات السسكن تخصصاتهم طبيه

[color=purple]color]

[Majed7]

المشاركة الأصلية كتبت بواسطة robot انا ساكن بالسكن الجامعي ... وصراحة مافي غرف بالمواصفات هذه فالسكن مقسم الى جزءين الاول ثنائي غرفة كبيرة مع دورة مياه والثاني فردي وحمام مشترك طيب .. ما أقدر أقدم على سكن ثنائي بس لحاليـ حتى لو أدفع لهم رسوم طالبين مو مشكلة ؟ _______________ اما بالنسبة للممنوعات لا يوجد شي ممنوع .. جب اللي تجيبة .... انا بالنسبة لي عندي دش وبلاستيشن وشاشة وكونكت وكل شي احتاجة ... صدقني السكن جو درااسة وبالنسبة لي اخوي عزابي ساكن بالنسيم وماني ساكن معاه لأن السكن جو دراسة وجو طلاب ... صدقني اذا تعرف احد تعال وانت واياه واسكنوا مع بعض عشان ما تروح للمفرد ويكون دورة المياة مشتركة آها .. لانيـ سمعت إنو ما تدخلـ دش ويقفلوا البوابة بعد الساعه 10 بالليل وبرضوا أنا أكره نوم الليل .. وأكره دراسة الصباح ولو سكنت مع أحد لا أنا برتاح معاه ولا هوا بيرتاح معاي .. فعشان كذا أفضل السكن المفرد ( بس مواصفات السكن الثنائي ) _____________________________ وصراحة السكن فيه كل الخدمات اللي تبغاها واذا طفشت من الدراسة كل ما عليك فعله هو البس رياضي وانزل على النادي او الملعب المزروع نجيلة صناعية او صالة النشاط الرياضي وانتهى كل الطفش ... السكن هو مجتمع صغير منغلق على بعضه هاااادئ جدا ... وكل طالب في حااله ... احمد الله اني في السكن لأني لو لم اكن في السكن لما عرفت بعض الاشخاص الذي اكن لهم كل احترام .. . نصيحة >>> اعد النظر عن السكن وان شاء الله تتيسر امورك :) ما قصرت .. ولا تخاف إذا جبت البلايستشن والدش والنت وغلاية الموية ما راح يكون فيه طفش نهائيا

بس سؤال : من وين أقدم على السكن ؟ وهلـ أقدر أقنعهم يعطونيـ سكن ثنائي لحالي ؟

[Majed7]

المشاركة الأصلية كتبت بواسطة الامل المنشود 2010 لكن أنا أرى إن الغرف الكبيرة مالها داعي،،، أهم شي أن الشخص يكون منظم ومرتب لكن وجهات النظر تختلف ولك مني أجمل تحية ------ لاتنسوا صلاة الفجر

بس فكر فيها .. أنا بحط منطقة للدش والبلايستيشن , ومنطقة للسرير , ومنطقة للمذاكره , ومنقطة خاصة للأكلـ ( يعني غلاية مويه وشوية مقبلات )

على كذا لازم تكون الغرفة كبيره ..

ولك مني تحية ممثاله أخي العزيز ^_^

[Majed7]

المشاركة الأصلية كتبت بواسطة roosh ممم اوكي خلاص انا إن شاء الله بكرة بسألك بابتي واخويا << افتكر انو قال انو كم واحد من اصحابو برضو ساكنين هناك جنب الجامعه فحسألك هوا واتأكد منو وإن شاء الله حأحطلك ايش يسير معايا هنا ^_^

يا ليت خيتو .. وتسلميـ على اهتمامك ^_^