هل تعتقدون انه حل صائب ..بين اعادة التحضيري او البترجي

[User name]

1- ادخل ابن سينآ ( لان شهادتها كويسة) وراح يعادلولي مواد التحضيري = اكون عندهم هناك سنة 2 وما يضيع عليا تعب التحضيري

يعني ابن سينا افضضل بنظرك ؟؟
>> جاري الدراسة

- ادخل تمريض او علوم طبية تغذية اكلينيكة< لانهم اسهل شي بالنسبة للقسم الصحي واجيب معدل واحول للطب

قالو نسبة التحووويل ضئيييييييييلة جدا فخفت ادبس

الله يفتح عليكِ ووويوفقك يارب

[ُزمرد]

لا ابن سينا شهادته قوية :) طبعا مو بقوة عبدالعزيز لكن مرة قوية وكويسة !!
..

بالنسبة ل نسبة التحويل مالك ب الاشاعات انا اعرف ناس شخصياً حولو اهم شيء انك تختاري قسم صحي ( سهل )مو سهل لانه مافي شي سهل أسهل يعني من البقية

[User name]

والله ياختي قررريت كثير اني اذا دخلت تمريض خصوصاً لانهم بحاجة للممرضات ..حيكووووون التحوووويل صعب

عشاااااان كدا بعدت عن حكاية التحوووووووووويل

حسبي الله ونعم الوكيل

طيب لو دخلت خاص اقدر احول

[ُزمرد]

المشاركة الأصلية كتبت بواسطة user name والله ياختي قررريت كثير اني اذا دخلت تمريض خصوصاً لانهم بحاجة للممرضات ..حيكووووون التحوووويل صعب عشاااااان كدا بعدت عن حكاية التحوووووووووويل حسبي الله ونعم الوكيل طيب لو دخلت خاص اقدر احول

من اي جامعة انسي انك تحولي الى عبدالعزيز

بالعكس

اعرف بنات كانو تمريض حولو للقسم اللي يبغوه ^ـ^

لما يكون معدلك عالي التحويل راح يتم لو ايش ماحصل .. بإذن الله ^^

انتِ مالك لا ب تمريض ولا غيرو

شولفي ايش اسهل تخصص حيكون سهل عليكِ .؟؟

تقدري تجيبي فيه معدل اقري عن التغذية وطب المختبرات والاشعه والتمريض الخ .. عن موادهم وهيك

واللي تحسيه اسهل واحد ادخليه وحولي :)

..

او زي ماقلتلك ابن سينا كويسة.. وفيها منح بس ما اعرف ايش نظام المنح السنة دي بس كتير انقبلو فيها منح ..

[dr.imey]

انا اقلك حكاية

تخرجت انا وصحبتي من الثانوي مع بعض وكلنا نبا كليات صحية
انا بنسبة 98 وهي 85
دخلنا قدرات وتحصيلي ومازلت انا الاعلى
هي ماانقبلت هنا فقدمت في الموارد وراحت كلية البترجي تمريض عشان مافيها سنة تحضيري
بينما انا انقبلت انتظام ولسسه سنة تحضيرية والله اعلم اخش تمريض والا لا

الان انا اذا ربي كتب لي التمريض حادخلو
بفرق بسيط بيننا

هي معدلها مرررة واطي لانو قدرتها من الثانوي ماتكمل ف التمريض وصعب عليها
اما انا اكتسبت سنة فهمت فيها مصطلحات وفهمت فيها نفسي

عشان كدا آمنت انو القدرات والتحصيلي والتحضيري خيرة واحسن لنا

لانك لوماجبتي درجاتك بمجهودك ودخلتي باي طريقة تخصص ماانقبلتي فيه عندنا معناه ياحتكملي بتعب يا حتنسحبي منو بعد سنة

كل انسان له قدرات

انا من رايي

فكرري ف غير الطب
اي شي تستمتعي فيه وتبدعي فيه

احسن من كرف + 7 سنوات +دوام متعب

وشكرا

[ΣίšŠ.Ќάšћ5ђ]

::

آنـآإ منٌ رآييٌ بآلآولٌ ستتخيرٍيُ قبلٌ دآ كلوٍ

وبعدينٌ تشوفيٌ أيشَ آلآنسبٌ لك َ ،

بآلنسبهِ لإٌبنٌ سينآ < آلدرآسهِ فيهآإ ممتعهِ وحلوآ

بنتٌ خآلتيُ تدرسُ فيهآإ وكآنت عنٌ طريقٌ الموآرد البشريهِ ودخلتٌ صيدلهِ

صحُ كآنُ الفآرقٌ بيننآإ كبيرٍ وإنوٍ أنآ نسبتيُ أعلىٌ وكلٌ شيٌء اعلىٌ < بس دآ كلوٍ إن شاء اللهِ مآبيضيعٌ

فّ عشآن كدآ قررتٌ أدخلٌ إبنٌ سينآإ وآعيدٌ سنهِ وبكدآ تكونٌ عنديٌ خلفيهِ عن الموآد

لوٍ تبغيٌ تروحيٌ كليهِ خآصهِ أنصحكٌ بإبنٌ سينآإ عنٌ البترجيٌ ,

وبآلآخيرٍ الرآيُ لك َ يّ حلوآ ـ

::

[ولد حلال]

يا اخوات مين قال الطب 7 سنوات << كلام خاطيء ية بالمية

الطب دراسته 5 سنوات غير التحضيري اللي احنا غلقنا منها وغير سنة الامتياز اللي هيا تعتبر وظيفة وعليها راتب 7 الاف

يعني 5 سنين دراسة وبس ولو الانسان ضغط نفسه وشد حيله ان شاء الله يبدع فيها ليش الفكرة هاذي عندكم انو الطب صعب ومدري ايش ولازم تفكري الف مرة قبل ما تدخلي وتكبروا الامور

والله مافي شي صعب بالجد والاجتهاد

ثاني شي يا اختي بالنسبة للي سمعته انه كمان ابن سينا سيئة يقولولي كل دكاترة الانقلش هنود ولكنتهم جدا تعبانة والجثث اللي يتدربوا عليها لها مئات السنين من ايام الدايناصورات وظلم بالدرجات واللي يدفع فلوس ياخذ درجات عالية واذكر واحد من العيال حكاني يقولي رحت اسوي اختبار القبول عشان ابويا غاصبني ادرس طب وكل سؤال يسالوني هوا في المقابلة اقولهم مدري واستهبل عليهم راحوا كتبولي ممتاز ويسمح بدخوله الطب

يعني همهم فلوس واصلا صاحب الكلية معروف ومعروف جشعه

هذا اللي اعرفه وبامانة
وجامعتنا عزوز مافي احسن منها

برب

[nadooodi]

يا عسل لو قدمتي في كلية ابن سينا رح يعادلولك المواد وتدئي السنة الجاية 2 طب وبس حتاخدي في الصيف مادة اسمها ميديسن كلها حفض بس مصطلحات طبية بالانقلش واللاتيني والكلية ممتازة وحلو انو ماحيضيع عليكي سنة

[ابر ماس]

ياحبيبتي. أدخلي أي تخصص في الجامعة وبعدين حولي للطب بعد سنه
وبعدين معلومه مهمه لو سحبتي ملفك ذحين ماتقدري تسجلي ذحين ماتقدري تسجلي الا السنه الي بعدها
وتأكدي من كلامي. لوحابه بالتوووووووفيق