نسبة الثانوية مقارنة بنسبة السنة التحضيرية .

[MeeNo92]

المشاركة الأصلية كتبت بواسطة doux rash وإشبها المدارس الخاصة ؟ يعني مثلن بتوزع درجات للطلاب بـ كريك ؟ مرررا غلط ترا تفكيرك ، أنا دارس في مدرسة خاصة ونسبتي في الجامعة نوعا ما أحسن من الثانوية ! أو انو الجهد الي كنت أبذلو في الثانوية أكتر من الي أبذلوا في الجامعة .. وهادا كلو بسبب انو في المدرسة والحمدلله اتعلمت مزبوط فمالقيت صعوبة ! سو راجع تفكيرك لأنو من جد غلط ><

+1

ومن جد اتنرفز من اللي يقول المدارس الخاصة توزع درجات!!

مافي أحد يكرف الطالبات قد مدرستي! كانت المدارس الحكومية تساعد طالباتها وتديهم ملخصات وماني عارفة ايش

ومدرستنا كان الكتاب من اولو لآخرو معاانا + مشاريع + بحوث تخرج وسبع مية حاجة ثانية

رجااء لا تعمم ..~

[GnrlKhalid]

المشاركة الأصلية كتبت بواسطة beeshoob بس دقيقه ايش تبي من ورا دا السؤال يعني حاولت استوعب << بس دوبي صاحيه ما قدرت

ابغا أعرف مدى فشل التعليم الواطي في السعودية أحم قصدي التربية و التعليم في السعودية ....

[دلــوعـة أمـهـا]

طبعاااأعلى نسبتي بالثنوي ولله الحمدلله 99.وقولوو مشااء الله وكنت في مدرسة حكوميه وطبعا لاأنسى الفضل يرجع لأستاذات كانوااا جدا رائعات مو الشرفية خلف الله علينا,,
وطبعا معدلي للأسف مايدخلني حلمي إلي أتمناه إلا اذا أراد ربي مو بسببي المشكلة الحمدلله على كل شي -_-

[No_0ne]

عندي متقاربين و الاختلاف بينهم بسيط ...
و لكن تبقى الثنوي احسن من التحضيري :)
ومن ناحيه فاشل تراااه فاشل و سيبقى فاشلا لفتره من الزمن :(
_____________________________________

ومن جد اتنرفز من اللي يقول المدارس الخاصة توزع درجات!! [color="rgb(139, 0, 0)"]مافي أحد يكرف الطالبات قد مدرستي! كانت المدارس الحكومية تساعد طالباتها وتديهم ملخصات وماني عارفة اي[/color]ش ومدرستنا كان الكتاب من اولو لآخرو معاانا + مشاريع + بحوث تخرج وسبع مية حاجة ثانية رجااء لا تعمم ..~

و انتي برضو لا تعميمي ...
تراها الثانويه الي كنت فيها حكوميه و انكرفت صح طلعوني جلد على عظم ...
و كل شي معانا و لا جا وقت الاختبارات زادونا اسئله و معلومات فوق الي نذاكره و يجبون لنا اسئله ما شفناها طوال السنه ...
فا الحكومي و الاهلي مو مقياس للشطاره ...

[GnrlKhalid]

المشاركة الأصلية كتبت بواسطة meeno92 +1 ومن جد اتنرفز من اللي يقول المدارس الخاصة توزع درجات!! مافي أحد يكرف الطالبات قد مدرستي! كانت المدارس الحكومية تساعد طالباتها وتديهم ملخصات وماني عارفة ايش ومدرستنا كان الكتاب من اولو لآخرو معاانا + مشاريع + بحوث تخرج وسبع مية حاجة ثانية رجااء لا تعمم ..~

إنتي أكيد زعلانة من مدرستك لأنك أخذتي مقلب فيها لكنك في الحقيقة منتي زعلانة مني , في النهاية كلنا زي بعض في التحضيري , يعني إلي دخل مدرسة أهلية و لا حكومية في النهاية كلهم زي بعض تحت قسوة السنة التحضيرية .
لكن عشان تكون القراءة الإحصائية سليمة إلى حدٍ ما لازم ألغي تماما إحتمال اللا أخلاقية في الكثير من المدارس الأهلية , أكيد إنت فاهمة إيش قصدي , و إلي عارف نفسه إنه المدرسة الأهلية إلي درس فيها ما زادته ولا درجة عن أي مدرسة حكومية أخرى راح تلقائيا يتجاهل إلي أنا قلته و يصوت و هذا إلي أنا أهدف له.

[MeeNo92]

لا صدقني ماني زعلانة من مدرستي :p

لأنها كانت قد كلمتها وثقة الناس اللي بيدخلو بناتهم فيها, وخلتني اعرف كيف من جد ادرس, ولا تعبني التحضيري قد ما تعب غيري

ما راح آخذ وأعطي.. كل واحد ورأيو
الله يوفقك =)

[Wa9aif B]

المشاركة الأصلية كتبت بواسطة ُزمرد عن نفسي الفرق زي ماهوآ .. لكن الجهد اتضاعف اضعاف مضاعفه عشآن احافظ على نفس المستوى >< الله يسهل عليا يارب^^

+1
يعني لو كنت زي ايام المدرسه بس ازاكر ايام الاختبارات كان اكيد النسبه فرقت كتير

[جيزان]

انا نزلت نسبتي 20 كنت 99 الحين 79
مع اني كنت ادرس في مدرسه حكوميه
ثاني حاجه مااافي شي اسمه تأشير وحذف الكتاب كلللللله معانا من الجلده للجلده ماانسى الاحياء والفيزياء من الكتاب ولاشي محذوف ماده الرياضيات قالت بجيب لكم ملخص فرحنا وياليت ماجابته 350 صفحه يعني كمان اكثر من الكتاب واخذت في هالماده 99 وفي الجامعه 62 ابي اعرف لييييييه مو عارفه
بس على الاقل كنت اذاكر اول بأول وصح كنت اكرف بس في النهاايه طلعت بشي حلو

الحين في التحضيري كرف مضاااااااااااعف وفوق هذا كل شي اكتبه مع الدكتورة بس للأسف ماااجيب درجات حلوة وفوق هذا راسبه في الانجليزي من جد مررررة فرق الثانوي عن الجامعه مع انو مذاكرتي هيا هيا ماتغيرت بس للأسف ماااادري كيف يجيبوا اسئلتهم ماااقول الا حسبي الله ونعم الوكيل من جد اتمنى ماااحد حس بالإحباط الي انا عايشه فيه اسوأ شعور تحس انك كنت شي كبييييير والحين ولاشي

[Venus Center]

نسبة التـآنوي أع ـلى بكتير ..

بس أنـآ ع ـآرفة السبب .. إني متع ـودة ع ـلى سستمـ ومـآ قدرت أغيرو في التحضيري فـ أتنكبت ..

[fahad al-zahrani]

والله كانت نسبتي الثانوية مرتفعة جدا .ولله الحمد .مدرسة حكومي

لكن يوم جيت للجامعة الفاشلة .نجحت بالدف ...ههههههه

والله حاله


الله يكتب اللي فيه الخير