نداء للي اختروا ieltsاليوم..

[pinkberry]

طيب ايش الفايده منه ؟

انا محد قلي انو في شيء زي كدا

[SSDORA]

انا بكرة اختباري بلييز اعطونا معلومات

[M!Šs JỏJỏ]

يب يفيدنا في التخصص !!! وجزاكم الله خير

[فراولة حمراء]

الاختبار دا للبنات اللي بدأوا من ليفل 1 بس

و لو اختبرتيه في مكان تاني لازم تدفعي بس في

الجامعه حنختبروا مجاني و حيفيدنا في التخصصات

+ طيب افيدونا بـ مستوى الاختبار كيف كان صعب ولا معقول ولا سهل ..؟

[آحم p:]

لحدددددد يرووووووح نصيييحه
انا رحت ورجعت
لانهم اختارو 200 طالبه من اللللللللللللف
يقولون ماكنا متوقعين انكم كلكم بتسجلون
هما يبغون ععدد محدد
قعدت ادور اسمي مالقيته طبعا ورجعت البيت
روحو شوفو الاودس اذا فيه شي عنه روحو

[مكعباات عبودي]

اختبار جدا صععععب بالنسبه لي
تخيلوا 3 قطع ريدينق وكل وحده فيلها 4او 5 برقرافات وفيها كلام كثيير الله يرحم لفل 4 والله كان مويه جنبه
انا اول نص ساعه قلت للمراقبه بخرج خلاص مو عارفه شي قالت لا حاولي فرصه لك ومدري ايش ؟؟
شجعتني شوي بس نفس الشي ما عرفت شي
الرايتنق ذكرني بالاحصاء جدول طويل عريض وفيه نسب مئويه وسنواات وما اعرف ايش كمان
اللسننق ماتعبت نفسي الصراحه حليت من راسي عشان اخرج
اذا الريدينق كذا مستوااه مستحيل ححل السنننق
نصيحه بنات اللي مو ممتازه بالانجلش يعني دااافوره مرررررررررره لا تتعب نفسها
وهذا ما يمنع ان اللي حابه تجرب تروح يمكن تنفعها التجربه
نسيت اقول شي ترا الكلمات صعبه نادرا ما تشوفي كلمه تعرفي وش معناها مدري ليش التعقيد هذا
والقطع الجواب يا اما يكون رقم او 3 كلمات بس ماتزودي
يعني مو تنقلي الجمله زي ماكنا نسوي بالثانوي وناخذ درجات عليها لا
وانا حاضره اي وحده عندها سؤال تسال انا حاضره
س رجاءا لا تعتبروا ردي تحطيم لكم هذا تجربتي الشخصيه يمكن انتوا افضل مني مستوى

[فراولة حمراء]

ياويلي ايش دا !!

طيب لو ما جبنا درجات حلوه

و مستقبلاا قررنا نختبره تاني مره

ينفع ولا لأ ..؟

[N-A-20]

كيف يعني يفيد في التخصص ؟؟

[فلسوعه]

ميـــــــــن قالكم انو يفيد في التخصص ؟؟!
هوا يفيد اذا بتروحي بعثه برا ؟؟
ماله علاقه بالتخصص هنا

[ُزمرد]

ي بنات اشبكم خايفين؟؟

لأاحول ولا قوة الا بالله الاختبار لا يودي ولا يجيب مجرد انهم ( يقيسو مستواكم ) اللي ما يبغى يختبر ما يختبر واللي حابب يعرف مستواه كيف صار يعرف

هما يبغو يعملو هالاختبار عشآن يشوفو ان البنات اللي كانو لفل 1 هل اتطورو هل نجح المنهج عليهم ولا لأ عشآن يغيرو ولا لا ع الدفعة الي بعدكم ايش كل هذا التوتر والرعب

لا يا ستي منك لها ما يفيد ف التخصص ولا شيء مجرد قياس والاختبار اختياري ماهو اجباري

موفقين !!

بطلو قلق و وسوسة وسوستوني معاكم!!