وظيفة محاسبة للبنات

[nujuod]

لو سمحتي اعطينا اسم الشركه !! و هي هنا في جدة !!
وهل الشغل مختلط ولا لا !! .. شكرا

[لايوجد اسم]

شوشو الله يسعدك بالدنيا والاخره
ربي يوفقك
برسل السي في حقي بس ان شاءالله مافي اختلاط
كمان ودي اعرف اسم الشركه ؟؟
يلا وان شاءالله نصير صاحباات

[shosho83]

صباح الخير يا قمرات ... واسفه على التأخير..

للأسف الشديد العمل اختلاط بس ايش نسوي هوا كدا الوضع

الشركة اسمها وادي جنى المحدودة طبعا في جدة مقرها الرئيسي ولها فروع في نجران و مكة
وبس

[shosho83]

يابنات اللي ارسلتلي السي في حقها على ايميل الشركة تشوف ايميلها ...
وربي يوفقكم ان شاءالله

[عطرالورد]

شوشو أنا ارسلت السيرة بس بسألك وياريت تجاوبيني
اوصفيلي طبيعة العمل كيف ؟؟؟
وكيف الاختلاط يعني المكاتب مع بعض ولا الموظفات مكاتبهم لحال بس الي يشرف عليهم رجال ؟؟
وهل يطلبو كشف وجه ؟؟؟
وشكرا الله يسعدك

[حأقعد عالكاشير]

حماااااااااااااااااس

دوبني اشوف الموضوع
انا تخرج الترم دا باقيلي مادة وافلسع
والحمدلله معدلي عااااالي

يعني الهرجة بس ارسل السيرة الذاتية

طيب برضو نفس سؤال البنات كيف طبيعة الاختلاط
وفين بالضبط الشركة في جنوب ولا شمال جدة

وشوووووووووكرا:)

[shosho83]

المشاركة الأصلية كتبت بواسطة عطرالورد شوشو أنا ارسلت السيرة بس بسألك وياريت تجاوبيني اوصفيلي طبيعة العمل كيف ؟؟؟ وكيف الاختلاط يعني المكاتب مع بعض ولا الموظفات مكاتبهم لحال بس الي يشرف عليهم رجال ؟؟ وهل يطلبو كشف وجه ؟؟؟ وشكرا الله يسعدك

صباح الخير لكي ولك البنات ...

طبيعة العمل محاسبة لفرع الشركة للصيانة و التشغيل هادا على قولت المدير ...غير كدا والله ما اعرف

شوفي الادارة فيها 4 اشخاص بالمدير 2 مصري واحد في الخمسينات من العمر وواحد شاب بس ما يخرج من مكتبه ابدا وجدا جدا محترم

نجي لمدير مكتب المدير هوا باكستاني وهوا اللي بيكون مباشر عليكي ..واكيد المدير السعودي اللي هوا صاحب الشركة هوا كمان محترم جدا جدا وعملي جدا يعني ما يبغى دلع ومياصة يبغى شغل وحيعاملك زي الرجال وهادي احلى صفه فيه وعاجبتني مررررره يعني محترم ويبغى شغل وبس وكمان هوا كبير في العمر يعني في الستينات
طبعا ياستي المدير دائما بيخرج من الشغل الساعة 12 الظهر او 1 بالكتير.

طبعا فيه مكتب خاص بالبنات اذا لمدير يبغى يسألك عن حاجة يابيكلمك بالتلفون او بيقولك تعالي على المكتب

بالامانة المكتب العمل فيه مريح جدا..

ايام بيجي بيكون فيه مراجعين من الموظفين كتير وايام مررررررررررررره هدؤء

طبعا بيساعدوكي في الشغل وعندهم صبر وطولت بال لحد ما تتعلمي الشغل
مديرنا الباكستاني مره كويس وما يعصب ههههههههههههههبخاف من العصبيين

طبعا الشركة في الشرفية ....عند مركز فتيحي

سوري على الاطالة

[shosho83]

المشاركة الأصلية كتبت بواسطة حأقعد عالكاشير حماااااااااااااااااس دوبني اشوف الموضوع انا تخرج الترم دا باقيلي مادة وافلسع والحمدلله معدلي عااااالي يعني الهرجة بس ارسل السيرة الذاتية طيب برضو نفس سؤال البنات كيف طبيعة الاختلاط وفين بالضبط الشركة في جنوب ولا شمال جدة وشوووووووووكرا:)

شوفي ردي على عطر بالنسبة لكشف الوجه ما اعتقد بيقولوا اكشفي الموهم عندهم الشغل وعدم الغياب

طبعا هيا في حي الشرفية

[عطرالورد]

شكرا شوشو على سرعة ردك والله يوفقك
طمنتي بالي انا ارسلت السيرة والسبت المقابلة ارسلي ايميل من عبد الهادي بس حابة أسألك اش الاسئلة في المقابلة

[رشة عطر]

المشاركة الأصلية كتبت بواسطة عطرالورد شكرا شوشو على سرعة ردك والله يوفقك طمنتي بالي انا ارسلت السيرة والسبت المقابلة ارسلي ايميل من عبد الهادي بس حابة أسألك اش الاسئلة في المقابلة

انا كمان مقابلتي يوم السبت .. الساعة 11 .. يعني حنتقابل هناك

عندي سؤال يا شوشو عن مستوى الانجليزي المطلوب ,, انا مستوايا نص ونص ,, يمشي الحال ؟