استفسار عن كلية ابن سينا والوضع الدراسي بها ؟!. .

[Đяeǎм]

يعني صحيح كلامي اني اذا سحبت ملفي مستحيل اقدر ارجع للعبد العزيز او اي جامعة ؟؟!

هال كاتب بانتظار تعليقك .. !

[DR_Mo0oDy]

اكثر شي يقهر يلي يتفلسفو وهما ومو عارفين شي ,,,,,
اول شي يا قمر عشان تحولي لكليه ابن سينا لازم تجيبي معدل اقل شي 3.75
بعدين لما تقدمي للكليه في اختبارين لازم تعديهم يلي هما انجلز وماده مصطلحات طبيه لو عديتيهم تنقبلي في ابن سينا
وبعدين يلي يقول مو معترف فيها لا يا حبيبي معترف فيها وكل شي ولو مو معترف فيها ماكان تمشي فيها المنح الداخليه
ونصيحه لاي واحد ولا وحده يبا طب لا يوقف طموحو عشان جامعه الزفت دي عزوز يقدم في اي محل تاني المهم يدخل طب

[alone~]

المشاركة الأصلية كتبت بواسطة dr_mo0ody اكثر شي يقهر يلي يتفلسفو وهما ومو عارفين شي ,,,,, اول شي يا قمر عشان تحولي لكليه ابن سينا لازم تجيبي معدل اقل شي 3.75 بعدين لما تقدمي للكليه في اختبارين لازم تعديهم يلي هما انجلز وماده مصطلحات طبيه لو عديتيهم تنقبلي في ابن سينا وبعدين يلي يقول مو معترف فيها لا يا حبيبي معترف فيها وكل شي ولو مو معترف فيها ماكان تمشي فيها المنح الداخليه ونصيحه لاي واحد ولا وحده يبا طب لا يوقف طموحو عشان جامعه الزفت دي عزوز يقدم في اي محل تاني المهم يدخل طب

صحيح كلامك .. جامعه معتدمه 100%

كيف يسمحوا لـ جامعه في السعوديه بـ التدريس و شهادتها مو معتمده ؟!

غريب أمركم =)

[DR_Mo0oDy]

المشاركة الأصلية كتبت بواسطة alone~ صحيح كلامك .. جامعه معتدمه 100% كيف يسمحوا لـ جامعه في السعوديه بـ التدريس و شهادتها مو معتمده ؟! غريب أمركم =)

يا شيخ تسلملي بس ادعي نعدي الاختبار الماث اليوم وننفك
وعلى طول بروح ابن سينا بلا عزوز بلا هم ونصيييييييييييييييييييييييييييحه لا احد يفكر يخش عزوز ثاااااااااااااني ورب النعمه عدمونا سنه تحطيميه

[DR_Mo0oDy]

وبالنسبه لسحبت الملف ما اقدر افتيلك
بس معليش اختي يلي تقول قريبتي فيها ومو ومعترف طيب هيا ليه بتكمل لو مو معترف؟؟؟
انا ولد عمي فيها ودحين سنة امتياز وبخلص وبيطلع يكمل الماستر برا اوكي وقدم على البعثه وجاتو
تتوقعي لو مو معتمده في بعثه تقبلو ولا في جامعه من بره تقبلو ؟؟؟
واخر شي ترا المستشفيات ما تطالع الا في الماجستير والدكتوراه دي الايام اوكي

[Hadeel kateb]

سوري حبيبتي دوبي اشوف سؤالك
يب في تحويل بس من جد ما اعرف كم المعدل الي يقبلو بس اكيد عالي لانو اختي لما جات تحول من ابن سينا لعبد العزيز ما انقبلت وكانت جايبه 3.8 يعني اتوقع مو مضمون التحويل الا ازا جبتي معدل مرة عالي والله يوفقك ويخترلك الي فيه الخير يارب

[ُزمرد]

بالعكس ابن سينآ لها سمعتها الكويسة ..!

وبالنسبة ل سحبة الملف اللي يسحب ملفو ينفع يسجل تاني ف عزوز لكن ( يبدأ من الصفر ) xd

عن نفسي لو ما انقبلت هون ناوية اروح هناك ب إذن واحد احد ^^

موفقين ي عسولين

[Dr.Badr]

انا كنت فيها لمدة 10 ايام ، بس اخلص من اختبار الماث اقلك كل شي عنها و شهادتها ووظايفها وكل شي .. ان شاء الله :d

دعواتكم ليا بالتوفيق

[جيزان]

اناا مااقلت مو معتمده ابن سيا كليه حلوة ودراستها كمان نفس عبدالعزيز ويكرفوا نفس الكرف واشوف بنت خالتي تتعب تعب الله يعينها من جد .
بس هالشي انا متأكده منه لما هيا سألت لما تجي وحده تتخرج طب من عبدالعزيز حتى لو كان معدلها شوي نازل وتجي وحده تتخرج طب كمان من ابن سينا الخاصه طبعا من الي اولى انه ينقبل في قطاع حكومي اكيد عبدالعزيز الاولويه لها
وبعدين لو كلامي خطأ اكبر شي يثبت هيا ماشاءالله من زمان حلمها طب وفي الثانوي ماكانت تاخذ الا 100 في 100 علما انها من مدرسه حكوميه وكانت تتكرم كثير في مهرجانات دخلت عبدالعزيز انقبلت حاسب وحولت على ابن سينا البنت تحلف لي من قوه قهرها الحين صاحباتها الي معاها نسبهم من الثانوي 77 و 76 بدون قدرات وتحصيلي وهيا 100 في 100 بس هما دفعوا فلوس ودخلوا طب عاادي مافيها مشكله يعني مااتعبوا وكرفوا زينا عشان يدخلو طب. بس شوفي هنا عبدالعزيز لازم 4 وفوق النص كمان عشان تدخلي طب يعني معدل تعجيزي بصراحه وانا اشوف اي احد يجيب هالمعدل من جد يستااااهل طب اما انك تتخرجي بنسبه واطيه في 70 من الثانوي وبعدها تدخلي طب علطول في ابن سينا اكيد بعد مااتتخرجي الاوليه للي دخلت سنه تحضيري وشدت حيلها وكرفت نفسها واخذت معدل في التوب هيا الاولى .
وعشان اقولك الكلام الصح البنت لما شافت هذا كله وطلبت تحويل على عبدالعزيز قالوا لها معدل مايقل عن 4 ونص وجابتها وحولت وللأسف ماجاها التحويل والله وربي لهذي الفترة وهيا لسى تراجع عبدالعزيز .
وعشان مااحد يجي يتكلم ويقول انا اجيب كلام من راسي يعني ايش مصلحتي بألف عليكم مثلا بس اقولك هالكلام لاني متأكده منه وهيا مو صاحبتي عشان ممكن تكذب او شي بنت خااالتي يعني اعرفها عز المعرفه
واسفه على الإطاله

[جيزان]

واخوي دكتور مودي البنت لما شافت الوضع كذا والأوليه لعبدالعزيز والبنت مستقبها وحلمها طب هيا قالت راح تفتح لها عياده خاصه وقتها اكيد راح يكون مستقبلها مضمون يعني لو بتتوظف في مستشفى خاص وماالقيت وظيفه حكومي راح تفتح لها عياده . اذا احد فيكم في باله كذا يتخرج ولايعتمد على وظيفه من قطاع حكومي يعتمد على نفسه ويفتح عياده يعني فكر فيها بالعقل مين الاولى واحد دخل بفلوسه ولاواحد دخل بتعبه وكرفه يعني تتوقعوا مين الاولى ينقبل .
وكمان لاحد يوقف كلامه هنا انتوا كمان عشان تتأكدوا روحوا وشوفوا واسألوا وياليت مو تسألوا المصدر بسسس يعني الكليه نفسها اسألوا اكثر من مكان والله اذا طلعت مضمونه انا اول وحده بقدم فيها لانو نفسي في تخصص طبي بس ماابغا اتعب نفسي على لاشي في النهايه