اليوم الاربعاء البدء في اعلان نتائج القبول لبرامج الدراسات العليا العامه والخاصه

[la-jolie]

معليش عندي استفسار ؟
وكيل العمادة منزل الخبر الساعه 1:30
ودوام الجامعة متي ينتهي ؟
يعني لين متى نقعد نستنى ؟
العشا مثلا !!!

ياريت حددوا لنا ساعه ووقت
من الفجر على اعصابنا لا نوم وقلق طول الوقت

استغفر الله العظيم بس

ياريت اللي تجيه رسالة او ايميل يبلغنا
عشان نعرف نفسنا انقبلنا او لا

[عيون الحق]

يلعبون علينا النتائج ما طلعت بعد

[عماد الحسن]

مبروك عليكم هذه الأخبار عن بداية نشر النتائج اليوم ونشكر عمادة الدراسات العليا لجهودهم
وأكرر لكم أن سبب التأخير ليس من العمادة ولكن لعدم وصول نتائج المفاضلة من بعض الكليات
بحول الله نسمع عن قبولكم قريباً ونبارك لكم في المنتدى.

[شوشينا 1]

استاذ عماد والله حرام اللي تسويه العماده فينا
ماشفنا غير الكلام ليه كذا بسسسس ي ربي :(
معقوله وكيل العماده ماله سيطره على الكليات والاقسام من ناحيه الالتزام وش هالفوضى ؟؟؟
ي رب صبرنا وافرجها معنا

[عواشة]

الله يكتب لكم اللى فيه الخير

[انا والتاريخ اصحاب]

قسم يوم عن يوم تطيح الجامعه من عيني اكثر واكثر

[مخربط]

السلام عليكم

للأسف أقولها وبكل قوة أن جامعاتنا تستحق أن تكون في آخر سلم ترتيب الجامعات العالمية

والسبب عدم وجود مصداقية

هالحين مسألة القبول في الماجستير وأكثر التخصصات بدون اختبار تأخذ كل هذا الوقت والتلاعب بالأعصاب ونحن في عصر التكنلوجيا والتطوير

أرجو من معالي مدير الجامعة الإهتمام بهذا الموضوع ومحاسبة المقصرين

ومسألة إشعار المقبولين برسائل الجوال ورسائل البريد الإليكتروني هذه مجرد تهدئة وتغطية للخلل الحاصل في الدراسات العليا والدليل أني أحد المقبولين في الدراسات العليا وقد تم رفع أسماء الطلاب المقبولين في تخصصي إلى عمادة الدراسات العليا منذ عشرة أيام وقد اطلعت بنفسي على الأسماء ولم يصلنى حتى الآن أي إشعار سواء عن طريق الجوال أو البريد الإليكتروني

[انا والتاريخ اصحاب]

صح لسانك اخوي هذي مجرد تهدئه
اذا هم ماهم قد التطور ونظام قبول ليش اتاحو لنا 3 رغبات اصلا وشكلو التاجيل على عدد رغباتنا بيكون

[ماء الغمام]

طيب كويس ماشاء الله بالقطارة !!

الرسائل خلاص وصلت ؟؟ او باقي يفكرون يرسلونها ؟

والرغبات الثانيه اكيد السبت والاحد؟؟ بدأت اشك ( والله زعلتونا)

اذا لسى اشرايكم نبلغ العماده تنزل اسمائنا كتابيا ( شغل خط اليد مافي احلى منه ) .. واذا مو فاضيين انا متبرعه اجي اكتبها ( اسماء المقبولين لكل الرغبات ) وارزها جنب هالخبر الجميل ولا حتى على بوابة الجامعة لوجة الله تعالى بس يعطوني خبر

الله حسيبي عليهم

[انا والتاريخ اصحاب]

مبروك عليكم هذه الأخبار الطيبة ونشكر عمادة الدراسات العليا لجهودهم بحول الله نسمع عن قبولكم قريباً ونبارك لكم في المنتدى.

استاذ عماد ماشوف بهالاخبار طيب والله ياليت توصل صوتنا للعماده واننا مو لعبه او الات يلعبوا باعصابنا بهالطريقه
قسم انا انهرت واستغفر الله جاني احساس اني ماراح انقبل نهائيا من لعبهم باعصابي
ياليت يكون عندهم التزام ويحطو وقت يناسبهم ويظهرهم بصوره مناسبه بدل التاجيل كل شوي والاعلانات اللي تغطي على كل تصريح يقوله القذافي